ກຽດຕິສັກນາໆຊາດ ໄດ້ແຊັມ ເຕະບານເຍົາວະຊົນ ທີ່ ສສ ຫວຽດນາມ

394 17 ທ.ວ. 2018 ວົງຈອນກີລາ
ກຽດຕິສັກນາໆຊາດ ໄດ້ແຊັມ ເຕະບານເຍົາວະຊົນ ທີ່ ສສ ຫວຽດນາມ

    ທີມ​ນັກ­ກີ­ລາ​ເຕະ­ບານ​ເຍົາ­ວະ​ຊົນ​ຂອງ​ໂຮງ­ຮຽນ​ກຽດ​ຕິ​ສັກ​ນາໆຊາດ ຮຸ່ນ​ອາ­ຍຸ​ບໍ່​ເກີນ 12 ປີ ແລະ ຮຸ່ນ​ອາ­ຍຸ​ບໍ່​ເກີນ 16 ປີ ເປັນ​ຕົວ​ແທນ​ຈາກ ສປປ ລາວ ສາ­ມາດ​ສ້າງ​ຜົນ­ງານ​ຢ່າງ​ໂດດ​ເດັ່ນ​ໄດ້​ແຊັມ 2 ລາຍ­ການ ການ​ແຂ່ງ­ຂັນ​ເຕະ­ບານ​ເຍົາ­ວະ​ຊົນ​ນາໆຊາດ ລາຍ­ການ​ພິ­ເສດ (CV9) ຮຸ່ນ​ອາ­ຍຸ​ບໍ່​ເກີນ ຢູ-12 ແລະ ຢູ-16 ປີ ທີ່​ນະ­ຄອນ​ໂຮ່​ຈີ​ມິງ ສສ ຫວຽດ­ນາມ ຈັດ​ຂຶ້ນ​ລະ­ຫວ່າງ​ວັນ​ທີ 8-9 ທັນ­ວາ ຜ່ານ​ມາ ເຊິ່ງ​ມີ 8 ທີມ ຈາກ 3 ປະ­ເທດ​ເຂົ້າ​ຮ່ວມ ຄື: ລາວ ຫວຽດ­ນາມ ແລະ ແຟັງ​ລັງ.

    ທ່ານ​ນາງ ຈັນ​ສະ­ຫງ່າ ວາ­ລະ​ກອນ ຜູ້­ອຳ­ນວຍ­ການ​ໂຮງ­ຮຽນ​ກຽດ​ຕິ​ສັກ​ນາໆຊາດ ໃຫ້​ສຳ­ພາດ ໃນ​ວັນ​ທີ 10 ທັນ­ວາ ຜ່ານ​ມາ​ວ່າ: ໂຮງ­ຮຽນ​ກຽດ​ຕິ​ສັກ​ນາໆຊາດ ໄດ້​ສົ່ງ​ຄະ­ນະ​ຄູ​ເຝິກ ຜູ້​ບໍ­ລິ­ຫານ​ທີມ ແລະ ນັກ­ກີ­ລາ ຈຳ­ນວນ 26 ຄົນ ເຂົ້າ​ຮ່ວມ​ການ​ແຂ່ງ­ຂັນ​ເຕະ­ບານ​ລາຍ­ການ​ພິ­ເສດ 3 ຊາດ ຄື: ລາວ ຫວຽດ­ນາມ ເຈົ້າ­ພາບ ແລະ ແຟັງ​ລັງ ແລະ ຜົນ​ການ​ແຂ່ງ­ຂັນ ຖື​ວ່າ​ເປັນ​ປະ­ສົບ​ການ​ທີ່​ລ້ຳ​ຄ່າ​ຂອງ​ນັກ­ກີ­ລາ​ຊຸດ​ນີ້ ທີ່​ເຂົ້າ​ຮ່ວມ​ຄັ້ງ​ທຳ​ອິດ ແຕ່​ກໍ່​ສາ­ມາດ​ສ້າງ​ຜົນ­ງານ​ໄດ້​ຢ່າງ​ໂດດ​ເດັ່ນ ແລະ ເປັນ​ຜົນ­ງານ​ທີ່​ຄູ​ອາ­ຈານ​ຂອງ​ໂຮງ­ຮຽນ​ພວກ​ເຮົາ​ມີ​ຄວາມ​ພາກ­ພູມ​ໃຈ​ທີ່​ສຸດ ທີ່​ເຫັນ​ນ້ອງ​ນ້ອຍ​ເຍົາ­ວະ​ຊົນ​ຂອງ​ໂຮງ­ຮຽນ ສ້າງ​ຜົນ­ງານ​ເປັນ​ໃບ​ໜ້າ​ໃບ​ຕາ​ໃຫ້​ແກ່​ປະ­ເທດ​ຊາດ.

    ສຳ­ລັບ​ຜົນ­ງານ​ຄັ້ງ​ນີ້ ໂດຍ​ສະ­ເພາະ ຢູ-12 ລົງ​ແຂ່ງ 4 ນັດ ສາ­ມາດ​ເອົາ​ຊະ­ນະ​ໄດ້ 3 ນັດ ແລະ ສະ­ເໝີ 1 ນັດ ມີ 10 ຄະ­ແນນ ຈາກ​ຜົນ­ງານ​ເອົາ​ຊະ­ນະ CV9 Academy ຈາກ​ຫວຽດ­ນາມ 2 ນັດ ກໍ່​ຄື ຊະ­ນະ 11-0 ປະ­ຕູ ແລະ 8-0 ປະ­ຕູ ນັດ​ທີ 3 ຊະ­ນະ Rising Star ຈາກ​ແຟັງ​ລັງ 1-0 ປະ­ຕູ ແລະ ນັດ​ທີ 4 ສະ­ເໝີ 1-1 ໄດ້​ຂັນ​ຊະ­ນະ​ເລີດ​ລາຍ­ການ​ນີ້​ໄປ​ຄອງ ສ່ວນ​ຜົນ­ງານ​ຂອງ ຢູ-16 ປີ ລົງ​ແຂ່ງ­ຂັນ 4 ນັດ ສາ­ມາດ​ເອົາ​ຊະ­ນະ 4 ນັດ​ລວດ ຄື ຊະ­ນະ CV9 Academy ຈາກ​ຫວຽດ­ນາມ 2 ນັດ ດ້ວຍ​ສະ​ກໍ 12-0 ປະ­ຕູ ແລະ ຊະ­ນະ 6-0 ປະ­ຕູ ຊະ­ນະ​ທິມ Rising Star ຈາກ​ແຟັງ​ລັງ 2-1 ປະ­ຕູ ແລະ ຊະ­ນະ 4-0 ໄດ້​ຂັນ​ຊະ­ນະ​ເລີດ​ມາ​ຄອງ​ເຊັ່ນ​ດຽວ​ກັນ.

ຂ່າວທີ່ກ່ຽວຂ້ອງ