ມອບ-ຮັບໜ້າທີ່ລັດຖະມົນຕີ ກະຊວງ ປກສ ຄົນໃໝ່

480 14 ທ.ວ. 2018 ຂ່າວໜ້າ​ໜຶ່ງ
ມອບ-ຮັບໜ້າທີ່ລັດຖະມົນຕີ ກະຊວງ ປກສ ຄົນໃໝ່

    ພິ­ທີ ມອບ-ຮັບ ໜ້າ­ທີ່​ລະ­ຫວ່າງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ (ປກສ) ຜູ້​ເກົ່າ ທ່ານ ພົນ​ຕີ ສົມ​ແກ້ວ ສີ​ລາ​ວົງ ແລະ ຜູ້​ໃໝ່ ທ່ານ ພົນ​ໂທ ວິ­ໄລ ຫຼ້າ​ຄຳ​ຟອງ ໄດ້​ຈັດ​ຂຶ້ນ​ວັນ​ທີ 13 ທັນ­ວາ 2018 ທີ່​ກະ­ຊວງ ປກສ ໃຫ້​ກຽດ​ເຂົ້າ​ຮ່ວມ​ໂດຍ​ທ່ານ ພັນ​ຄຳ ວິ­ພາ​ວັນ ຜູ້​ປະ­ຈຳ­ການ​ຄະ­ນະ​ເລ­ຂາ­ທິ­ການ​ສູນ​ກາງ​ພັກ ຮອງ​ປະ­ທານ​ປະ­ເທດ ມີ​ບັນ­ດາ​ຮອງ​ລັດ­ຖະ­ມົນ­ຕີ ພະ­ນັກ­ງານ​ຫຼັກ​ແຫຼ່ງ​ຂັ້ນ​ນຳ­ພາ-ບັນ­ຊາ​ກົມ​ໃຫຍ່ ກົມ​ນ້ອຍ ຫ້ອງ​ວ່າ­ການ​ກະ­ຊວງ ແລະ ວິ­ທະ­ຍາ­ຄານ​ອ້ອມ​ຂ້າງ​ກະ­ຊວງ ປກສ.

    ໃນ​ພິ­ທີ ທ່ານ ທອງ​ຈັນ ໂຂງ​ພູມ​ຄຳ ຮອງ​ຫົວ­ໜ້າ​ຄະ­ນະ​ຈັດ​ຕັ້ງ​ສູນ​ກາງ​ພັກ ໄດ້​ຂຶ້ນ​ຜ່ານ​ຄຳ​ສັ່ງ​ຂອງ​ກົມ​ການ­ເມືອງ​ສູນ​ກາງ​ພັກ ວ່າ​ດ້ວຍ​ການ​ຍົກ­ຍ້າຍ​ພະ­ນັກ­ງານ​ການ​ນຳ​ຂັ້ນ​ສູງ​ໄປ​ຮັບ​ໜ້າ­ທີ່​ໃໝ່ ໂດຍ​ກົມ​ການ­ເມືອງ​ສູນ​ກາງ​ພັກ ອອກ​ຄຳ​ສັ່ງ​ຍົກ­ຍ້າຍ​ທ່ານ ພົນ​ຕີ ສົມ​ແກ້ວ ສີ​ລາ​ວົງ ເລ­ຂາ­ທິ­ການ​ສູນ​ກາງ​ພັກ ເລ­ຂາ​ຄະ­ນະ​ພັກ ລັດ­ຖະ­ມົນ­ຕີ​ກະ­ຊວງ ປກສ ຜູ້​ເກົ່າ​ໄປ​ຮັບ​ໜ້າ­ທີ່​ໃໝ່​ຢູ່​ກະ­ຊວງ​ປ້ອງ​ກັນ​ປະ­ເທດ ແລະ ຍົກ­ຍ້າຍ​ທ່ານ ພົນ​ໂທ ວິ­ໄລ ຫຼ້າ​ຄຳ​ຟອງ ເລ­ຂາ­ທິ­ການ​ສູນ​ກາງ​ພັກ ຮອງ​ເລ­ຂາ​ຄະ­ນະ​ພັກ ຮອງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ຫົວ­ໜ້າ​ກົມ​ໃຫຍ່​ການ­ເມືອງ​ກອງ­ທັບ ໄປ​ຮັບ​ໜ້າ­ທີ່​ໃໝ່​ເປັນ​ເລ­ຂາ​ຄະ­ນະ​ພັກ ລັດ­ຖະ­ມົນ­ຕີ​ກະ­ຊວງ ປກສ.

ຂ່າວທີ່ກ່ຽວຂ້ອງ