ຂ່າວຫຼ້າສຸດ

ອົດສະຕຣາລີ ໃຫ້ທຶນຊ່ວຍເຫຼືອເກັບກູ້ລະເບີດ ຢູ່ເມືອງສະໜາມໄຊ

257 14 ທ.ວ. 2018 ຂ່າວໜ້າ​ໜຶ່ງ
ອົດສະຕຣາລີ ໃຫ້ທຶນຊ່ວຍເຫຼືອເກັບກູ້ລະເບີດ ຢູ່ເມືອງສະໜາມໄຊ

    ພິ­ທີ​ເຊັນ​ສັນ­ຍາ​ການ​ສະ­ໜັບ­ສະ­ໜູນ​ທຶນ ໃຫ້​ໂຄງ­ການ​ເກັບ​ກູ້​ລະ­ເບີດ​ແຫ່ງ​ຊາດ (ຄກລ) ໃນ​ການ​ປະ­ຕິ­ບັດ​ວຽກ​ງານ​ກວດ​ກູ້​ພື້ນ​ທີ່​ສຸກ​ເສີນ ຢູ່​ເມືອງ​ສະ­ໜາມ​ໄຊ ແຂວງ​ອັດ​ຕະ​ປື ຈັດ​ຂຶ້ນ​ວັນ​ທີ 12 ທັນ­ວາ 2018 ຢູ່ ຄກລ ລະ­ຫວ່າງ​ທ່ານ ເຈນ​ເບີ​ນາດ ຄາ​ລາ​ສ​ໂຄ ເອກ​ອັກ​ຄະ​ລັດ​ຖະ​ທູດ​ອົດ​ສະ​ຕຣາ​ລີ ປະ­ຈຳ​ລາວ ທ່ານ​ນາງ ຄາ​ຣີ​ນາ ອິມ​ໂມ​ເນັນ ຜູ້​ປະ­ສານ​ງານ​ອົງ­ການ​ສະ­ຫະ​ປະ­ຊາ​ຊາດ (UNDP) ມີ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ລັດ­ຖະ­ບານ​ອົດ​ສະ​ຕຣາ​ລີ ໃຫ້­ການ​ຊ່ວຍ­ເຫຼືອ​ລາວ ມູນ​ຄ່າ 200.000 ໂດ​ລາ​ອົດ​ສະ​ຕຣາ​ລີ ຫຼື ປະ­ມານ 1,2 ຕື້​ກວ່າ​ກີບ ໂດຍ​ຜ່ານ​ອົງ­ການ​ສະ­ຫະ​ປະ­ຊາ​ຊາດ ເພື່ອ​ປະ­ຕິ­ບັດ​ວຽກ​ງານ​ກວດ​ກູ້​ຢູ່​ເມືອງ​ສະ­ໜາມ​ໄຊ ເຊິ່ງ​ເປັນ​ສ່ວນ​ໜຶ່ງ​ຂອງ​ກອງ​ທຶນ​ຊ່ວຍ­ເຫຼືອ​ເພື່ອ​ມະ­ນຸດ­ສະ­ທຳ ຂອງ​ລັດ­ຖະ­ບານ​ອົດ​ສະ​ຕຣາ​ລີ 3 ລ້ານ​ໂດ​ລາ​ອົດ​ສະ​ຕຣາ​ລີ ປະ­ມານ 18,5 ຕື້​ກວ່າ​ກີບ ເພື່ອ​ສະ­ໜັບ­ສະ­ໜູນ​ລັດ­ຖະ­ບານ​ລາວ ໃນ​ການ​ຊ່ວຍ­ເຫຼືອ​ຜູ້​ປະ­ສົບ​ອຸ​ທົກ​ກະ​ໄພ​ຢູ່​ແຂວງ​ອັດ​ຕະ​ປື ອັນ​ເນື່ອງ​ມາ​ຈາກ​ສັນ​ອ່າງ­ເກັບ­ນ້ຳ​ສຳ­ຮອງ ເຂື່ອນ​ເຊ​ປຽນ-ເຊ​ນ້ຳ​ນ້ອຍ ແຕກ ໃນ​ໄລ­ຍະ​ຜ່ານ​ມາ.

ຂ່າວທີ່ກ່ຽວຂ້ອງ