ຂ່າວຫຼ້າສຸດ

ລາວ ສົ່ງນັກກີລາເຂົ້າຮ່ວມ ເພາະກາຍຊີງແຊັມໂລກ

298 14 ທ.ວ. 2018 ວົງຈອນກີລາ
ລາວ ສົ່ງນັກກີລາເຂົ້າຮ່ວມ ເພາະກາຍຊີງແຊັມໂລກ

    ທ່ານ ຄຳ​ພະ​ໄພ​ວັນ ວົງ​ໄຊ ຮັກ­ສາ​ການ​ປະ­ທານ​ສະ­ຫະ­ພັນ​ເພາະ​ກາຍ​ແຫ່ງ​ຊາດ​ລາວ ນຳ­ພາ​ຄູ​ເຝິກ ແລະ ນັກ­ກີ­ລາ 4 ທ່ານ ຍິງ 1 ທ່ານ ເຂົ້າ​ຮ່ວມ​ການ​ແຂ່ງ­ຂັນ​ກີ­ລາ​ເພາະ​ກາຍ​ຊີງ​ແຊັມ​ໂລກ ຄັ້ງ​ທີ 10 (world bodybuilding and physique sports championship 10th) ຢູ່​ແຂວງ​ຊຽງ​ໃໝ່ ປະ­ເທດ​ໄທ ວັນ​ທີ 12-17 ທັນ­ວາ 2018 ໂດຍ​ການ​ແຂ່ງ­ຂັນ​ດັ່ງ­ກ່າວ ມີ​ນັກ­ກີ­ລາ​ຈາກ 55 ປະ­ເທດ​ເຂົ້າ​ຮ່ວມ.

    ສຳ­ລັບ​ນັກ­ກີ­ລາ​ລາວ ຈະ​ລົງ​ແຂ່ງ­ຂັນ​ວັນ​ທີ 14 ທັນ­ວາ 2018 ມີ​ທ້າວ ທະ­ວີ​ສັກ ຊື່ນ​ນະ­ພາ ຈະ​ລົງ​ແຂ່ງ­ຂັນ​ໃນ​ຮຸ່ນ​ອາ­ວຸ­ໂສ ແລະ ທ້າວ ພຸດ​ສະ­ຫວັນ ສີ​ຊົມ​ພູ ຈະ​ລົງ​ແຂ່ງ­ຂັນ​ໃນ​ຮຸ່ນ​ເຍົາ­ວະ​ຊົນ ສ່ວນ​ວັນ​ທີ 15 ທັນ­ວາ ທ້າວ ສັນ­ຕິ​ສຸກ ດວງ​ແກ້ວ​ມະ­ນີ ຈະ​ລົງ​ແຂ່ງ­ຂັນ​ໃນ​ຮຸ່ນ​ຊາຍ​ແບບ ຄວາມ​ສູງ​ບໍ່​ເກີນ 175 ຊັງ​ຕີ​ແມັດ ແລະ ວັນ​ທີ 16 ທັນ­ວາ 2018 ນາງ ພອຍ​ໄພ­ລິນ ພັນ­ທະ​ລີ ຈະ​ລົງ​ແຂ່ງ­ຂັນ​ໃນ​ຮຸ່ນ​ນາງ​ແບບ​ຄວາມ​ສູງ​ບໍ່​ເກີນ 165 ຊັງ​ຕີ​ແມັດ.

ຂ່າວທີ່ກ່ຽວຂ້ອງ