ວັນຈັນ ທີ 20 ພຶດສະພາ 2019 13:48:33
- ປະທານປະເທດ ຕ້ອນຮັບທູດປະເທດເພື່ອນມິດເຂົ້າຍື່ນສານຕາຕັ້ງ
- ລາວ-ອາເມຣິກາ ຮ່ວມມືປັບປຸງການເປັນຢູ່ຂອງຄົນພິການ
- ຈົ່ງມີສະຕິໃນການບໍລິໂພກເຫັດ ເພື່ອຫຼີກລ່ຽງການເບື່ອເຫັດ
- ເລັ່ງອະນາໄມຮ່ອງລະບາຍນ້ຳ ແກ້ໄຂບັນຫານ້ຳຖ້ວມ
- ຜູ້ຍິງກັບສິ່ງແວດລ້ອມ
- ສຸກອາພອນ ຄວ້າລາງວັນປະຕູດີເດັ່ນ ໄທລີກ ປະຈຳເດືອນເມສາ
- ນັກຮຽນ 100 ກວ່າຄົນ ເຂົ້າຮ່ວມໂຄງການສອນນ້ອງລອຍນ້ຳ
- ສ້າງຂະບວນການຄຳນັບຊົມເຊີຍ ວັນສຳຄັນຕ່າງໆຂອງຊາດ
- Microsof ລົງທຶນ 100 ລ້ານໂດລາ ກໍ່ສ້າງສູນຊອບແວຢູ່ໃນອາຟະຣິກກາ
- ສປປ ເກົາຫຼີ ປະເຊີນກັບໄພແຫ້ງແລ້ງຮ້າຍແຮງທີ່ສຸດໃນຮອບ 37 ປີ
ປັນຈັກສີລັດລາວ ຮ່ວມແຂ່ງຂັນຊິງແຊ້ມໂລກຢູ່ສິງກະໂປ
ສະຫະພັນກີລາປັນຈັກສີລັດແຫ່ງຊາດລາວ ສົ່ງຄະນະນຳ ຄູເຝິກ ກຳມະການຕັດສິນ ແລະ ນັກກີລາ 8 ທ່ານ ເຂົ້າຮ່ວມແຂ່ງຂັນປັນຈັກສີລັດຊີງແຊັມໂລກ ຄັ້ງທີ 18 ຢູ່ປະເທດສິງກະໂປ ວັນທີ 13-17 ທັນວາ 218 ນຳໂດຍທ່ານ ທິບພົງພັດ ມະນີວົງ ຫົວໜ້າຄະນະ.
ສຳລັບນັກກີລາມີນາງ ນ້ອງອ້ອຍ ວົງພັກດີ ເຈົ້າຂອງຫຼຽນເງິນເອຊຽນເກມ 2018 ທ້າວ ມີໂນ່ ວົງພັກດີ ວັນໄຊ ບຸນນະວົງ ແຟັງ ວົງພັກດີ ແລະ ທະນະພົນ ວົງພັກດີ ໂດຍທັງ 5 ຄົນ ຈະລົງແຂ່ງຂັນປະເພດຕໍ່ສູ້ການແຂ່ງຂັນດັ່ງກ່າວ ມີນັກກີລາ 300 ກວ່າຄົນ ຈາກ 44 ປະເທດທົ່ວໂລກເຂົ້າຮ່ວມ.
ນ້ອງອ້ອຍ ວົງພັກດີ ມື 7 ຂອງລາຍການ ໄດ້ Bye ໃນຮອບທີ 1 ຮອບ 2 ກຽມພົບກັບນັກກີລາຈາກອານເຊຣີ ຂະນະທີ່ ມີໂນ່ ວົງພັກດີ ມື 3 ຂອງລາຍການ ໄດ້ Bye ໃນຮອບທີ 1 ຮອບ 2 ກຽມປະທະກັບນັກກີລາຈາກປະເທດຊູຣີເນມ ແຟັງ ວົງພັກດີ ມື 18 ຂອງລາຍການ ຈັບສະຫຼາກໄດ້ Bye ໃນຮອບທີ 1 ຮອບ 2 ລໍຖ້າພົບກັບນັກກີລາຈາກສິງກະໂປ ຫຼື ອານເຊຣີ ແລະ ທະນະພົນ ວົງພັກດີ ມື 11 ຂອງລາຍການ ຈັບສະຫຼາກ ໄດ້ Bye ໃນຮອບທີ 1 ຮອບ 2 ລໍຖ້າພົບກັບນັກກີລາຈາກອົດສະຕຣາລີ ຫຼື ອິນເດຍ.
