ຂ່າວຫຼ້າສຸດ

ໄປ່

323 14 ທ.ວ. 2018 ຫົວຂໍ້ຂ່າວອື່ນໆ

    ຄຳ​ວິ­ເສດ ແປ​ວ່າ ຫຼື​ບໍ່ ຫຼື​ຍັງ ແລ້ວ​ບໍ່ ແລ້ວ​ລື ໃຊ້​ໃນ​ກໍ­ລະ­ນີ​ຄຳ​ຖາມ​ຢູ່​ຕຳ­ແໜ່ງ​ທ້າຍ​ຄຳ ປັດ­ຈຸ­ບັນ​ນີ້ ການ​ໃຊ້​ທົ່ວ​ໄປ​ທັງ​ທາງ​ການ ແລະ ປາກ​ເວົ້າ​ບໍ່​ພົບ​ເຫັນ​ໃຊ້​ຫຼາຍ ແຕ່​ຍັງ​ພົບ​ເຫັນ​ໃຊ້​ໃນ​ບາງ​ທ້ອງ­ຖິ່ນ ແລະ ໃນ​ວັນ­ນະ­ຄະ­ດີ​ເກົ່າ​ຫຼາຍ ເຊັ່ນ: ສັງ​ສິນ​ໄຊ ສານ​ລຶບ­ພະ­ສູນ..

ຕົວ­ຢ່າງ: - ເຮັດ​ວຽກ​ແລ້ວ­ໄປ່?

    - ໄປ​ໄດ້​ໄປ່?

    - ຄຶດ​ວ່າ​ພັນ​ດວງ​ຕາ ໄປ່​ຂີນ​ຂັດ​ໄວ້

    - ໃຜ​ຫາກ ວາງ​ສະ­ບົດ​ໄວ້ ລວງ​ແປ​ເປື້ອງ​ໄປ່

    - ຕາມ​ໄປ່ ທັນ​ເຖິງ​ຊັ້ນ ນີ​ຣະ​ພານ​ພົ້ນ​ກິ­ເລດ

    - ຍັງ​ໄປ່ ຖອງ​ເຖິງ​ພື້ນ ຊຸມ­ພູ​ຈິ​ຕະ​ນາກ

    - ຍັງ​ໄປ່ ປຸນ​ປຽບ​ແກ້ວ ຍາມ​ກິ້ງ­ກ່ອມ​ຈຽງ

    - ຕາບ​ໄປ່ ລຸ​ແຫ່ງ​ຫ້ອງ ຊັ້ນ​ຊື່​ພົມ​ມະ​ວັກ

    ໃນ​ແງ່​ພາ­ສາ​ສາດ ໄປ່ ເປັນ​ຄຳ​ເກົ່າ (Cognate words) ທີ່​ຄວາມ​ໝາຍ​ກໍ່​ຍັງ​ບໍ່​ປ່ຽນ­ແປງ ແລະ ຍັງ​ພໍ​ສັນ­ນິ­ຖານ​ຫາ​ຄວາມ​ໝາຍ​ຄຳ​ໄດ້.

ນຳ​ສະ­ເໜີ​ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ