ຂ່າວຫຼ້າສຸດ

ກອງທັບ ຄອງຂັນບານສົ່ງທີມຍິງ-ຊາຍ ສະຫຼອງວັນຊາດ

183 11 ທ.ວ. 2018 ວົງຈອນກີລາ
ກອງທັບ ຄອງຂັນບານສົ່ງທີມຍິງ-ຊາຍ ສະຫຼອງວັນຊາດ

    ພິ­ທີ​ປິດ​ການ​ແຂ່ງ­ຂັນ​ກີ­ລາ​ບານ­ສົ່ງ​ໃນ​ຮົ່ມ ປະ­ເພດ​ຍິງ-ຊາຍ​ທົ່ວ​ປະ­ເທດ ຊີງ​ຂັນ​ປະ­ທານ​ສະ­ຫະ­ພັນ​ບານ­ສົ່ງ​ແຫ່ງ​ຊາດ​ລາວ ຄັ້ງ​ທີ 1 ປະ­ຈຳ​ປີ 2018 ຈັດ​ຂຶ້ນ​ວັນ​ທີ 9 ທັນ­ວາ ຜ່ານ​ມາ ຢູ່​ສະ­ໜາມ​ກີ­ລາ​ບານ­ສົ່ງ​ແຫ່ງ​ຊາດ​ລາວ (ຫຼັກ 16) ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ທ່ານ ວຽງ​ເພັດ ພັນ­ທະ​ວົງ ຫົວ­ໜ້າ​ຝ່າຍ​ບໍ­ລິ­ຫານ ແລະ ກິດ­ຈະ­ກຳ​ເພື່ອ​ສັງ­ຄົມ ບໍ­ລິ­ສັດ ເບຍ​ລາວ ຈຳ­ກັດ ມີ​ທ່ານ ຈັນ​ສະ­ໝອນ ຜ່ອງ​ຈັນ­ທາ ປະ­ທານ​ສະ­ຫະ­ພັນ​ບານ­ສົ່ງ​ແຫ່ງ​ຊາດ​ລາວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ຜ່ານ​ການ​ແຂ່ງ­ຂັນ​ປະ­ເພດ​ທີມ​ຊາຍ ອັນ​ດັບ 1 ກອງ­ທັບ ອັນ​ດັບ 2 ລາວ​ເດີນ​ອາ­ກາດ ອັນ​ດັບ 3 ກອງ​ພົນ­ທະ­ຫານ​ຮາບ​ທີ 5 ແຂວງ​ຈຳ­ປາ​ສັກ ສ່ວນ​ປະ­ເພດ​ທີມ​ຍິງ ອັນ​ດັບ 1 ກອງ­ທັບ ອັນ​ດັບ 2 ກົມ​ວິ­ທະ­ຍາ­ສາດ-ປະ­ຫວັດ­ສາດ ອັນ​ດັບ 3 ກອງ​ພົນ­ທະ­ຫານ​ຮາບ​ທີ 5 ສຳ­ລັບ​ລາ­ງວັນ​ຊະ­ນະ​ເລີດ​ຂອງ​ທັງ 2 ລາຍ­ການ​ໄດ້​ເທົ່າ​ກັນ​ຄື: ທີ 1 ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 8 ລ້ານ​ກີບ ທີ 2 ໄດ້​ຮັບ​ເງິນ​ລາ­ງວັນ 5 ລ້ານ​ກີບ ທີ 3 ໄດ້​ຮັບ​ເງິນ​ລາ­ງວັນ 3 ລ້ານ​ກີບ.

    ທ່ານ ຈັນ​ສະ­ໝອນ ຜ່ອງ​ຈັນ­ທາ ກ່າວ​ວ່າ: ການ​ແຂ່ງ­ຂັນ​ຄັ້ງ​ນີ້ ເພື່ອ​ເປັນ​ການ​ສ້າງ​ຂະ​ບວນ​ການ​ສະ­ເຫຼີມ­ສະ­ຫຼອງ​ວັນ­ຊາດ ທີ 2 ທັນ­ວາ ຄົບ­ຮອບ 43 ປີ ທັງ​ເປັນ​ການ​ຄັດ​ເລືອກ​ນັກ­ກີ­ລາ​ທີ່​ມີ​ພອນ​ສະ­ຫວັນ​ດີ­ເດັ່ນ ເພື່ອ​ກ້າວ​ຂຶ້ນ​ຕິດ​ທີມ​ຊາດ ກຽມ​ສົ່ງ​ເຂົ້າ​ຮ່ວມ​ການ​ແຂ່ງ­ຂັນ​ໃນ​ລະ­ດັບ​ອະ­ນຸ​ພາກ​ພື້ນ ແລະ ສາ­ກົນ​ໃນ­ຕໍ່­ໜ້າ.

ຂ່າວທີ່ກ່ຽວຂ້ອງ