ຂ່າວຫຼ້າສຸດ

ຈັດກິດຈະກຳສະຫຼອງຄົບຮອບ 3 ປີ ສ້າງຕັ້ງໂຮງງານໄຟຟ້າຫົງສາ

353 11 ທ.ວ. 2018 ວົງຈອນກີລາ

    ບໍ­ລິ­ສັດ ໄຟ­ຟ້າ​ຫົງ​ສາ ຈຳ­ກັດ ຈັດ​ງານ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ໂຮງ­ງານ​ໄຟ­ຟ້າ​ປາກ​ບໍ່​ແຮ່​ຫົງ​ສາ ຄົບ­ຮອບ 3 ປີ (9 ທັນ­ວາ 2015-9 ທັນ­ວາ 2018) ດ້ວຍ​ການ​ຈັດ​ກິດ­ຈະ­ກຳ​ແລ່ນ​ມິ​ນິ​ມາ​ຣາ​ທອນ ເພື່ອ​ລະ­ດົມ ແລະ ຮີບ​ໂຮມ​ທຶນ­ຮອນ​ຊື້​ອຸ­ປະ­ກອນ​ການ​ແພດ​ເຂົ້າ​ໃນ​ໂຮງ­ໝໍ​ເມືອງ​ຫົງ​ສາ ແລະ ເມືອງ​ເງິນ ແຂວງ​ໄຊ​ຍະ​ບູ​ລີ.

    ທ່ານ ຄຳ​ເພັດ ພົມ​ມະ​ລາດ ເຈົ້າ­ເມືອງ​ຫົງ​ສາ ກ່າວ​ວ່າ: ບໍ­ລິ­ສັດ ໄຟ­ຟ້າ​ຫົງ​ສາ ຈຳ­ກັດ ໄດ້​ເຂົ້າ​ມາ​ກໍ່­ສ້າງ​ໂຮງ­ງານ​ໄຟ­ຟ້າ​ປາກ​ບໍ່​ແຮ່​ຫົງ​ສາ ອັນ​ໄດ້​ເຮັດ​ໃຫ້​ເມືອງ​ຫົງ​ສາ­ມີ​ໃບ​ໜ້າ​ໃໝ່ ເສດ­ຖະ­ກິດ-ສັງ­ຄົມ​ໄດ້​ຮັບ​ການ​ພັດ­ທະ­ນາ​ແບບ​ກ້າວ​ກະ­ໂດດ ປະ­ຊາ­ຊົນ​ມີ​ວຽກ​ເຮັດ​ງານ​ທຳ 2.526 ຄົນ ນອກ​ນີ້​ຍັງ​ໄດ້​ໃຫ້­ການ​ຊ່ວຍ­ເຫຼືອ​ພັດ­ທະ­ນາ​ພື້ນ­ຖານ​ໂຄງ​ລ່າງ​ຂອງ​ເມືອງ​ເຊັ່ນ: ເສັ້ນ­ທາງ​ຄົມ­ມະ­ນາ­ຄົມ ໄຟ­ຟ້າ ນ້ຳ​ປະ­ປາ ລະ­ບົບ​ສາ​ທາ​ລະ​ນຸ​ປະ­ໂຫຍດ​ໃຫ້​ໂຮງ­ຮຽນ ໂຮງ­ໝໍ-ສຸກ­ສາ­ລາ ແລະ ມີ​ສ່ວນ​ຮ່ວມ​ໃນ​ການ​ຊຸກ­ຍູ້​ກິດ­ຈະ­ກຳ​ຕ່າງໆ​ຂອງ​ເມືອງ​ຈັດ​ຂຶ້ນ ທັງ​ໃຫ້­ການ​ຊ່ວຍ­ເຫຼືອ​ໂຄງ­ການ​ພັດ­ທະ­ນາ​ທ້ອງ­ຖິ່ນ​ຂອງ​ເມືອງ 7 ໂຄງ­ການ ມູນ​ຄ່າ 10,4 ຕື້​ກີບ.

    ທ່ານ ຄະ­ທາ​ຍຸດ ຊູ​ພູມ ຜູ້­ອຳ­ນວຍ­ການ​ໃຫຍ່​ບໍ­ລິ­ສັດ ໄຟ­ຟ້າ​ຫົງ​ສາ ຈຳ­ກັດ ກ່າວ​ວ່າ: ພວກ​ເຮົາ​ຕ້ອງ­ການ​ທີ່​ຈະ​ເປັນ​ໂຮງ­ງານ​ໄຟ­ຟ້າ​ປາກ​ບໍ່​ແຮ່ ທີ່​ຢືນ​ຢູ່​ແຖວ​ໜ້າ​ໃນ​ອາ​ຊຽນ ດ້ວຍ​ການ​ເຮັດ​ວຽກ​ທີ່​ເປັນ​ເລີດ​ສ້າງ​ຄວາມ​ເຊື່ອ​ໝັ້ນ ແລະ ຄວາມ­ສຸກ​ທົ່ວ​ສັງ­ຄົມ ໂດຍ​ການ​ເອົາ­ໃຈ­ໃສ່​ປະ­ຕິ­ບັດ​ບັນ­ດາ​ໜ້າ​ວຽກ​ໃຫ້​ສອດ­ຄ່ອງ​ກັບ​ວິ­ໄສ​ທັດ​ຂອງ​ບໍ­ລິ­ສັດ​ຄື: ເອົາ­ໃຈ­ໃສ່​ຕໍ່​ຄວາມ​ປອດ​ໄພ​ຕໍ່​ຊີ­ວິດ​ການ​ເປັນ​ຢູ່ ແລະ ສຸ­ຂະ­ພາບ​ຂອງ​ພະ­ນັກ­ງານ​ຕະ­ຫຼອດ​ຮອດ​ປະ­ຊາ­ຊົນ​ເມືອງ​ຫົງ​ສາ ເອົາ­ໃຈ­ໃສ່​ດ້ານ​ສິ່ງ­ແວ­ດລ້ອມ ເອົາ­ໃຈ­ໃສ່​ພັດ­ທະ­ນາ​ສີ­ມື​ແຮງ​ງານ ແລະ ທ່າ­ແຮງ​ໃນ​ການ​ປະ­ຕິ­ບັດ​ງານ ແລະ ມີ​ສ່ວນ​ຮ່ວມ​ໃນ​ການ​ສົ່ງ­ເສີມ​ດ້ານ​ສາ­ສະ­ໜາ ສັງ­ຄົມ ແລະ ວັດ­ທະ­ນະ­ທຳ.

ຂ່າວທີ່ກ່ຽວຂ້ອງ