ຝຣັ່ງ ໂຈະ​ການ​ຂຶ້ນ​ລາຄາ​ສະບຽງ​ອາຫານ

88 07 ທ.ວ. 2018 ຂ່າວຕ່າງປະເທດ
ຝຣັ່ງ ໂຈະ​ການ​ຂຶ້ນ​ລາຄາ​ສະບຽງ​ອາຫານ

    ລັດຖະບານ​ຝຣັ່ງ ແຈ້ງ​ໃຫ້​ຮູ້ເມື່ອ​ວັນ​ທີ 5 ທັນວາ​ນີ້ ເຖິງ​ການ​ໂຈະ​ແຜນການ ຂຶ້ນ​ລາຄາ​ສະບຽງ​ອາຫານ​ຂັ້ນ​ຕ່ຳ ໄປ​ຮອດ​ຕົ້ນ​ປີ 2019.

    ການ​ຕົກລົງ​ດັ່ງກ່າວ ຖືກ​ຖື​ວ່າ​ເພື່ອ “ຫຼຸດຜ່ອນ​ຄວາມ​ຮ້ອນ​ແຮງ” ຂອງ​ຄວາມ​ເຄັ່ງ​ຕຶງ ຍ້ອນ​ກະແສ​ການ​ປະ​ທ້ວງ​ແກ່ຍາວ​ມາ​ເປັນ​ເວລາ​ຫຼາຍ​ອາທິດ ຂອງ​ຜູ້​ທີ່​ພວມ​ກິ້ງເກືອກ​ລີເລືອ ກັບ​ການ​ດຳລົງ​ຊີວິດ​ແບບ “ຮັດ​ສາຍແອວ” ແຕ່​ວ່າການ​ໂຈະ​ແຜນການ​ດັ່ງກ່າວ ພັດ​ພົບ​ກັບ ການ​ຄັດຄ້ານ​ຈາກ​ກະສິກອນ​ຈຳນວນ​ຫຼາຍ.

    ທ່ານ ດີ​ດີ​ເອີ ກຸຍ​ລາວ​ເມ ລັດຖະມົນຕີ​ກະສິກຳ​ຂອງ​ຝຣັ່ງ ກ່າວ​ຜ່ານ​ໂທລະພາບ​ຊ່ອງ CNews ວ່າການ​ໂຈະ​ຂຶ້ນ​ລາຄາ​ສະບຽງ​ອາຫານ​ຂັ້ນ​ຕ່ຳ ໄດ້​ຮັບ​ການ​ປຶກສາ​ຫາລື ຢູ່​ໃນ​ກອງ​ປະຊຸມ ຄະນະ​ລັດຖະບານ ໃນ​ວັນ​ທີ 5 ທັນວາ​ນີ້ ແລະ ວ່າ​ລັດຖະບານ​ໄດ້​ນຳ​ເອົາ​ການ​ຕັດສິນ​ດັ່ງກ່າວ​ອອກ​ມາ ແມ່ນ​ຍ້ອນ​ວ່າການ​ປະ​ທ້ວງ ໄດ້​ເຮັດ​ໃຫ້​ເກີດ​ສັ່ນ​ສະເທືອນ​ຢູ່​ໃນ​ທົ່ວ​ປະເທດ ນັບ​ແຕ່​ວັນ​ທີ 17 ພະຈິກ ປີ​ນີ້​ເປັນຕົ້ນ​ມາ. ແຜນການ​ຂຶ້ນ​ລາຄາ​ສະບຽງ​ອາຫານ ຈະ​ໄດ້​ຮັບ​ການ​ປະຕິບັດ​ນັບ​ແຕ່​ເດືອນ​ມັງກອນ 2019 ຫຼື​ເດືອນ​ກຸມພາ 2019 ເປັນຕົ້ນ​ໄປ.

ຂ່າວທີ່ກ່ຽວຂ້ອງ