ອູ​ແກຣນ ທົດ​ລອງ​ຍິງ​ລູກ​ສອນ​ໄຟ​ເຄື່ອນ​ທີ່

84 07 ທ.ວ. 2018 ຂ່າວຕ່າງປະເທດ
ອູ​ແກຣນ ທົດ​ລອງ​ຍິງ​ລູກ​ສອນ​ໄຟ​ເຄື່ອນ​ທີ່

    ຂ່າວສານ​ຊິນ​ຮວາ ລາຍ​ງານ​ວ່າ ປະທານາທິບໍດີ​ອູ​ແກຣນ ເປ​ໂຕຣ ໂປ​ໂຣ​ເຊນ​ໂກ ແຈ້ງ​ໃຫ້​ຮູ້ເມື່ອ​ວັນ​ທີ 5 ທັນວາ​ນີ້​ວ່າ ອູ​ແກຣນ​ໄດ້​ປະສົບ​ຄວາມ​ສຳເລັດ ໃນ​ການ​ທົດ​ລອງ​ລູກ​ສອນ​ໄຟ​ເຄື່ອນ​ທີ່ ໃໝ່​ທີ່​ມີ​ຊື່ວ່າ “Neptun” ໂດຍ​ແມ່ນ​ກົມ​ການ​ອອກ​ແບບ Luch ພັດທະນາ​ຂຶ້ນ​ມາ.

    ປະທານາທິບໍດີ ໂປ​ໂຣ​ເຊນ​ໂກ ຢືນຢັນ​ຜ່ານ​ສື່​ສັງຄົມ Facebook ວ່າ​ໃນ​ການ​ທົດ​ລອງ​ນັ້ນ  ລູກ​ສອນ​ໄຟ​ດັ່ງກ່າວ ໄດ້​ຍິງ​ຖືກ​ເປົ້າ ຢູ່​ໃນ​ໄລຍະ​ໄກ 280​ກມ.

    ໃນ​ວັນ​ດຽວ​ກັນ ກຸ່ມ​ບໍລິສັດ​ປ້ອງ​ກັນ​ຊາດ Ukroboronprom ຂອງ​ອູ​ແກຣນ ກໍ​ຢັ້ງຢືນ​ວ່າ ລູກ​ສອນ​ໄຟ "Neptun" ຖືກ​ຍິງ​ຈາກ​ສະໜາມ​ທົດ​ລອງ​ໃນ​ເຂດ ໂອ​ເດ​​ສ​ຊາ (ພາກ​ໃຕ້​ອູ​ແກຣນ) ແລະ​ຍິງ​ຖືກ​ເປົ້າ​ຢູ່​ໃນ​ທະເລ​ດຳ. Ukroboronprom ໃຫ້​ຮູ້​ວ່າ “Neptun” ໄດ້​ຮັບ​ການ​ພັດທະນາ ຢູ່​ໃນ​ຂອບ​ຂອງ​ໂຄງການ “ໂລ່​ກຳ​ບັງ​ລູກ​ສອນ​ໄຟ” ໂດຍ​ມີ​ເປົ້າ​ໝາຍ​ເພີ່ມ​ທະວີ​ຄວາມ​ສາມາດ ໃນ​ການ​ປ້ອງ​ກັນ​ຕົວ​ຂອງ​ອູ​ແກຣນ.

 

ຂ່າວທີ່ກ່ຽວຂ້ອງ