ການເດີນສວນສະໜາມ ສະຫຼອງວັນສ້າງຕັ້ງກອງທັບໃຊ້ 19 ກ້ອນກຳລັງ

166 07 ທ.ວ. 2018 ຂ່າວໜ້າ​ໜຶ່ງ
ການເດີນສວນສະໜາມ ສະຫຼອງວັນສ້າງຕັ້ງກອງທັບໃຊ້ 19 ກ້ອນກຳລັງ

    ກະ­ຊວງ​ປ້ອງ​ກັນ​ປະ­ເທດ ໄດ້​ຈັດ​ພິ­ທີ​ຫັດ​ແອບ​ການ​ເດີນ​ສວນ­ສະ­ໜາມ​ຂອງ​ກອງ­ທັບ​ປະ­ຊາ­ຊົນ​ລາວ ເພື່ອ​ກະ­ກຽມ​ໃຫ້​ແກ່​ການ​ສະ­ເຫຼີມ­ສະ­ຫຼອງ ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ (20/1/1949-20/1/2019) ຈັດ​ຂຶ້ນ​ວັນ​ທີ 6 ທັນ­ວາ 2018 ທີ່​ວິ­ທະ­ຍາ​ກົມ​ມະ​ດຳ ມີ​ທ່ານ ພົນ​ຕີ ຈັນ​ທອງ ສອນ​ຕະ​ອາດ ຮອງ​ຫົວ­ໜ້າ​ກົມ​ໃຫຍ່​ເສ­ນາ​ທິ​ການ​ກອງ­ທັບ ກະ­ຊວງ​ປ້ອງ​ກັນ​ປະ­ເທດ ບັນ­ດາ​ຄະ­ນະ​ພັກ ຄະ­ນະ​ບັນ­ຊາ ພ້ອມ​ດ້ວຍ​ຄະ­ນະ​ຮັບ­ຜິດ­ຊອບ​ການ​ເດີນ​ສວນ­ສະ­ໜາມ 70 ປີ​ກອງ­ທັບ​ເຂົ້າ​ຮ່ວມ.

    ສຳ­ລັບ​ການ​ຫັດ​ແອບ​ເດີນ​ສວນ­ສະ­ໜາມ​ສະ­ຫຼອງ 70 ປີ ກອງ­ທັບ​ປະ­ຊາ­ຊົນ​ລາວ​ຄັ້ງ​ນີ້ ປະ­ກອບ​ມີ​ທັງ​ໝົດ 19 ກ້ອນ​ກຳ­ລັງ ໃນ​ນັ້ນ ມີ​ກ້ອນ​ທຸງ­ໄຊ​ກອງ­ທັບ​ປະ­ຊາ­ຊົນ​ລາວ ກ້ອນ​ກອງ­ທັບ​ລາວ​ອິດ­ສະ­ຫຼະ ກ້ອນ​ແມ່­ຍິງ 369 ກ້ອນ​ນາຍ​ທະ­ຫານ​ບົກ ກ້ອນ​ນາຍ​ທະ­ຫານ​ອາ­ກາດ ກ້ອນ​ກຳ­ລັງ​ທະ­ຫານ​ຊາຍ​ແດນ ກ້ອນ​ກຳ­ລັງ​ທະ­ຫານ​ຮາບ ກ້ອນ​ກຳ­ລັງ​ທະ­ຫານ​ຕີ​ພິ­ເສດ ກ້ອນ​ເຫຼົ່າ​ຮົບ​ລົດ​ຕັງ-ຍານ​ເກາະ ກ້ອນ​ເຫຼົ່າ​ຮົບ​ປືນ​ໃຫຍ່​ໜ້າ­ດິນ ກ້ອນ​ເຫຼົ່າ​ຮົບ​ປ້ອງ​ກັນ​ອາ­ກາດ ກ້ອນ​ເຫຼົ່າ​ຮົບ​ເສ­ນາ​ຮັກ ກ້ອນ​ກອງ​ຫຼອນ ກ້ອນ​ເຫຼົ່າ​ຮົບ​ຊ່າງ​ແສງ ກ້ອນ​ກຳ­ລັງ​ປ້ອງ​ກັນ​ຕົວ ກ້ອນ​ເຫຼົ່າ​ຮົບ​ສື່­ສານ ກ້ອນ​ກຳ­ລັງ​ທະ­ຫານ​ທ້ອງ­ຖິ່ນ ແລະ ກ້ອນ​ກອງ­ແກ​ວົງ ເຊິ່ງ​ຕະ­ຫຼອດ 70 ປີ ແຫ່ງ​ການ​ກຳ­ເນີດ​ເຕີບ​ໃຫຍ່​ເຂັ້ມ­ແຂງ ໃນ​ພາ­ລະ­ກິດ​ຕໍ່­ສູ້​ປົດ​ປ່ອຍ​ຊາດ ຕ້ານ​ການ​ຮຸກ​ຮານ​ຂອງ​ພວກ​ຈັກ­ກະ­ພັດ​ລ່າ​ເມືອງ​ຂຶ້ນ​ແບບ​ເກົ່າ-ແບບ​ໃໝ່ ແລະ ລູກ­ແຫຼ້ງ​ຕີນ​ມື​ຂາຍ​ຊາດ​ປະ​ລາ​ໄຊ​ຢ່າງ​ຮາບ​ຄາບ-ກ້າວ​ຂຶ້ນ​ສູ່​ພາ­ລະ­ກິດ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ ພາຍ​ໃຕ້​ການ​ນຳ­ພາ​ອັນ​ເດັດ­ຂາດ​ໂດຍ​ກົງ ແລະ ຮອບ­ດ້ານ​ຂອງ​ພັກ​ປະ­ຊາ​ຊາ​ຊົນ​ປະ­ຕິ­ວັດ​ລາວ ກອງ­ທັບ​ເຮົາ​ຍິ່ງ​ໄດ້​ຮັບ​ການ​ເພີ່ມ​ທະ­ວີ​ປັບ­ປຸງ​ກໍ່­ສ້າງ ໃຫ້​ເຕີບ​ໃຫຍ່​ເຂັ້ມ­ແຂງ ກ້າວ​ຂຶ້ນ​ເປັນ​ກອງ­ທັບ​ປະ­ຕິ­ວັດ​ທີ່​ມີ​ແບບ­ແຜນ ສົມ​ກຽດ ແລະ ເປັນ​ກອງ­ທັບ​ວິ­ລະ​ຊົນ​ຂອງ​ຊາດ​ລາວ​ຢ່າງ​ແທ້​ຈິງ.

ຂ່າວທີ່ກ່ຽວຂ້ອງ