ຄະນະຜູ້ແທນລາວ ເຂົ້າຮ່ວມກອງປະຊຸມ BRLC ທີ່ເມືອງຫາງໂຈວ

148 07 ທ.ວ. 2018 ຂ່າວໜ້າ​ໜຶ່ງ
ຄະນະຜູ້ແທນລາວ ເຂົ້າຮ່ວມກອງປະຊຸມ BRLC ທີ່ເມືອງຫາງໂຈວ

    ວັນ​ທີ 2-5 ທັນ­ວາ 2018 ຄະ­ນະ​ຜູ້​ແທນ​ລາວ​ນຳ ໂດຍ​ທ່ານ ດວງ​ຕາ ສຸ​ລິ​ວົງ ຫົວ­ໜ້າ​ພະ­ແນກ­ການ​ຕ່າງ­ປະ­ເທດ​ນະ­ຄອນ­ຫຼວງ​ວຽງ​ຈັນ ແລະ ທ່ານ​ນາງ ເຮີ​ຢຽນ​ຢຽນ ປະ­ທານ​ສຳ­ນັກ­ງານ​ຕົວ​ແທນ​ສະ­ພາ​ສົ່ງ­ເສີມ​ການ​ຄ້າ​ຈີນ​ປະ­ຈຳ​ລາວ ໄດ້​ເຂົ້າ​ຮ່ວມ​ກອງ​ປະ­ຊຸມ​ຮ່ວມ​ມື​ກຳ­ມະ­ການ​ຮ່ວມ​ມື​ທ້ອງ­ຖິ່ນ “ໜຶ່ງ​ແລວ ໜຶ່ງ​ເສັ້ນ­ທາງ” (BRLC) ເປັນ​ຄັ້ງ​ທາ​ອິດ ຈັດ​ຂຶ້ນ​ທີ່​ເມືອງ​ຫາງ​ໂຈວ ສປ ຈີນ ມີ​ຄະ­ນະ​ກຳ­ມະ­ການ​ແຂວງ​ເຈີ​ຈຽງ ເລ­ຂາ­ທິ­ການ​ເມືອງ​ຫາງ​ໂຈວ ຮອງ​ປະ­ທານ​ສະ­ມາ­ຄົມ​ມິດ­ຕະ­ພາບ​ຈີນ​ເຊຍ​ຢວນ ແລະ ແຂກ​ຖືກ​ເຊີນ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ໄດ້​ຮັບ​ໃບ­ຢັ້ງ­ຢືນ​ຮັບ­ຮອງ​ເປັນ​ສະ­ມາ­ຊິກ​ສ້າງ BRLC ທີ່​ມາ​ຈາກ 66 ທ້ອງ­ຖິ່ນ​ເມືອງ 150 ສະ­ມາ­ຊິກ​ຕົວ​ແທນ​ອົງ​ກອນ ແລະ ແຂກ​ຈາກ​ທະ­ເລ­ສາບ​ຕາ­ເວັນ­ຕົກ ທີ່​ໄດ້​ພ້ອມ​ກັນ​ແລກ­ປ່ຽນ​ແບ່ງ­ປັນ​ປະ­ສົບ​ການ ແລະ ພ້ອມ​ກັນ​ສ້າງ “ໜຶ່ງ​ແລວ ໜຶ່ງ​ເສັ້ນ­ທາງ” ໃຫ້​ມີ​ຄວາມ​ຈະ­ເລີນ ແລະ ບັນ­ຫາ​ທີ່​ຍົກ​ຂຶ້ນ​ໃນ​ກອງ​ປະ­ຊຸມ BRLC ແມ່ນ​ແນວ​ຄິດ​ສ້າງ­ສັນ​ໃນ​ການ​ບໍ­ລິ­ຫານ​ຕົວ​ເມືອງ.

    ລັດ­ຖະ­ບານ​ລາວ ໄດ້​ໃຫ້­ການ​ຮ່ວມ​ມື​ເປັນ​ຢ່າງ​ດີ​ກັບ​ນະ­ໂຍ­ບາຍ​ການ​ພັດ­ທະ­ນາ ໜຶ່ງ​ແລວ ໜຶ່ງ​ເສັ້ນ­ທາງ ຂອງ​ປະ­ທານ​ປະ­ເທດ ທ່ານ ສີ ຈິ້ນ​ຜີງ ແລະ ຮັກ­ສາ 4 ຈິດ​ວິນ​ຍານ​ຂອງ​ປະ­ທານ​ປະ­ເທດ ທ່ານ ບຸນ​ຍັງ ວໍ­ລະ​ຈິດ ວ່າ: ເປັນ​ບ້ານ​ໃກ້​ເຮືອນ​ຄຽງ​ທີ່​ດີ ເປັນ​ໝູ່​ທີ່​ດີ ເປັນ​ເພື່ອນ​ຮ່ວມ​ງານ​ທີ່​ດີ ເປັນ​ພັນ­ທະ​ມິດ​ທີ່​ດີ ຮ່ວມ​ມື​ຢ່າງ​ສະ­ໜິດ​ແໜ້ນ​ກັບ BRLC ແລະ ຈາກ​ການ​ຮ່ວມ​ມື​ກັນ​ສ້າງ ໜຶ່ງ​ແລວ ໜຶ່ງ​ເສັ້ນ­ທາງ ໃຫ້​ໄດ້​ຮັບ​ຜົນ​ປະ­ໂຫຍດ​ຢ່າງ​ແທ້​ຈິງ ຫວັງ​ວ່າ­ຄວາມ​ສາ­ມັກ­ຄີ​ການ​ຮວມ​ຕົວ​ກັນ ຈະ​ບໍ່​ສາ­ມາດ​ທຳ­ລາຍ​ສາຍ­ສຳ­ພັນ ລາວ-ຈີນ.

ຂ່າວທີ່ກ່ຽວຂ້ອງ