ຜູ້ແທນຖືກໝັດລູກ

127 07 ທ.ວ. 2018 ຫົວຂໍ້ຂ່າວອື່ນໆ

    ລູກ​ຊາຍ​ອາ­ຍຸ 3 ປີ​ຂອງ​ຜູ້​ແທນ​ທ່ານ​ໜຶ່ງ ໄດ້​ຕິດ­ຕາມ​ທຸກ​ລາຍ­ການ​ກອງ​ປະ­ຊຸມ​ສະ­ພາ ໂດຍ​ສະ­ເພາະ​ແມ່ນ ຕອນ​ຜູ້​ເປັນ​ພໍ່​ອອກ​ຄຳ​ເຫັນ​ຊັກ​ຖາມ​ຝ່າຍ​ລັດ­ຖະ­ບານ ຝ່າຍ​ຜູ້​ເປັນ​ພໍ່​ເມື່ອ​ຮູ້​ແນວ​ນັ້ນ​ກໍ່​ດີ­ໃຈ​ແຮງ ແລະ ຕັ້ງ​ຄວາມ​ຫວັງ​ເອົາ​ໄວ້​ວ່າ ລູກ​ຊາຍ​ຄົນ​ນີ້​ລະ​ມັນ​ຊິ​ໄດ້​ແນວ​ພໍ່ ມັນ​ຊິ​ໄດ້​ເຂົ້າ​ໄປ​ນັ່ງ​ຢູ່​ສະ­ພາ​ແນ່­ນອນ !.

    ແລງ​ວານ​ນີ້ ພໍ​ທ່ານ​ຜູ້​ແທນ​ກັບ​ຮອດ​ເຮືອນ ຝ່າຍ​ລູກ​ກໍ່​ເຂົ້າ​ໄປ​ຫາ​ດ້ວຍ​ໃບ​ໜ້າ­ທີ່​ເຕັມ​ໄປ​ດ້ວຍ​ຄຳ​ຖາມ​ຕ່າງ​ກັບ​ມື້­ກ່ອນ ແລ້ວ​ຖາມ​ຂຶ້ນ​ວ່າ:

    “ພໍ່ໆ ອັນ​ຢູ່​ກອງ​ປະ­ຊຸມ​ສະ­ພາ​ຫັ້ນ ກໍ່​ມີ​ໄຟ­ຟ້າ-ມີ​ແສງ​ສະ­ຫວ່າງ​ຢູ່​ບໍ ?”

    “ມີ ເປັນ​ຫຍັງ​ຊິ​ບໍ່​ມີ ມີ​ແສງ​ໄຟ​ແຈ້ງ​ຈ່າງ​ປ່າງ...”

    ຜູ້​ພໍ່​ຕອບ ແລ້ວ​ລູກ​ຊາຍ​ກໍ່​ຖາມ​ຕໍ່

    “ຖ້າ​ມີ ເປັນ​ຫຍັງ​ຜູ້​ແທນ​ແຕ່­ລະ­ຄົນ​ຈຶ່ງ​ເວົ້າ​ວ່າ: ຂໍ​ຄວາມ​ກະ­ຈ່າງ​ແຈ້ງ ຂໍ​ຄວາມ​ກະ­ຈ່າງ​ແຈ້ງ...” ລູກ​ໄດ້​ຍິນ​ມາ​ຕະ­ຫຼອດ !

ບ່າວກະບື

ຂ່າວທີ່ກ່ຽວຂ້ອງ