ເກີດ​ເຫດການ​ໂຈມ​ຕີ​ນອງ​ເລືອດ​ຢູ່​ໃນ​ອິນ​ໂດ​ເນ​ເຊຍ

229 06 ທ.ວ. 2018 ຂ່າວຕ່າງປະເທດ
ເກີດ​ເຫດການ​ໂຈມ​ຕີ​ນອງ​ເລືອດ​ຢູ່​ໃນ​ອິນ​ໂດ​ເນ​ເຊຍ

      ທາງ​ການ​ຕຳຫຼວດ​ອິນ​ໂດ​ເນ​ເຊຍ ແຈ້ງ​ໃຫ້​ຮູ້​ວ່າ ໃນ​ວັນ​ທີ 2 ແລະ 3 ທັນວາ​ນີ້ ຢູ່​ໃນ​ແຂວງ​ປາ​ປົວ ຂອງ​ອິນ​ໂດ​ເນ​ເຊຍ ໄດ້​ເກີດ​ເຫດການ​ໂຈມ​ຕີ​ນອງ​ເລືອດ ໂດຍ​ມຸ່ງ​ເປົ້າ​ໂຈມ​ຕີ​ໃສ່​ກຳມະກອນ​ກໍ່ສ້າງ ຢູ່​ໃນ​ສະໜາມ​ກໍ່ສ້າງ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 31 ຄົນ.

    ແຈ້ງ​ການ​ຂອງ​ຕຳຫຼວດ​ໃຫ້​ຮູ້​ວ່າ ໃນ​ວັນ​ທີ 2 ທັນວາ ມີ​ມື​ປືນ​ກຸ່ມ​ໜຶ່ງ ໂຈມ​ຕີ​ເຂດ​ສະໜາມ ການ​ກໍ່ສ້າງ​ຂົວ ຢູ່​ໃນ​ບ້ານ​ແຫ່ງ​ໜຶ່ງ ໃນ​ເມືອງ ເອນ​ດູ​ກາ ໂດຍ​ໄດ້​ເຂັ່ນຂ້າ​ກຳມະກອນ​ກໍ່ສ້າງ 24 ຄົນ.

    ໃນ​ຂະນະ​ດຽວ​ກັນ ມີ​ກຳມະກອນ​ອີກ 8 ຄົນ ໄດ້​ເຂົ້າ​ໄປ​ລີ້​ຊ່ອນ​ຢູ່​ໃນ​ເຮືອນ​ຫຼັງ​ໜຶ່ງ ທີ່ຢູ່​ໃກ້​ກັບ​ສະໜາມ​ກໍ່ສ້າງ​ດັ່ງກ່າວ ແຕ່​ວ່າ​ໜຶ່ງ​ມື້​ຫຼັງ​ຈາກ​ນັ້ນ ກໍ​ມີ​ມື​ປືນ​ກຸ່ມ​ໜຶ່ງ ບຸກ​ເຂົ້າ​ໄປ​ໃນ​ເຮືອນ ຫຼັງ​ດັ່ງກ່າວ ແລະ ​ໄດ້​ເຂັ່ນຂ້າ​ກຳມະກອນ​ຈຳນວນ​ນັ້ນ​ໄປ​ອີກ 7 ຄົນ ໃນ​ຂະນະ​ທີ່​ກຳມະກອນ​ທີ່​ຍັງ​ເຫຼືອ ພຽງ​ຄົນ​ດຽວ ກໍ​ໄດ້​ປົບ​ໜີ​ໄປ​ໄດ້ ແຕ່​ບໍ່​ທັນ​ຮູ້​ຮ່ອງຮອຍ​ວ່າ​ໜີ​ໄປ​ທາງ​ໃດ.

ຂ່າວທີ່ກ່ຽວຂ້ອງ