ປະໂຫຍດ​ຂອງເຂົ້າກ່ຳ ທີ່​ທ່ານ​ຄວນ​ຮູ້

152 05 ທ.ວ. 2018 ຫົວຂໍ້ຂ່າວອື່ນໆ
ປະໂຫຍດ​ຂອງເຂົ້າກ່ຳ ທີ່​ທ່ານ​ຄວນ​ຮູ້

     ເຂົ້າໜຽວ​ດຳ ຫລື “ເຂົ້າກ່ຳ” ຫຼາຍ​ຄົນ​ກໍ່​ຄິດ​ຮອດ​ຂອງຫວານໆ ເຊັ່ນ: ເຂົ້າໜຽວ​ດຳ​ນ້ຳ​ກະທິ ແຕ່​ຄວາມ​ຈິງ​ແລ້ວ​ເຂົ້າໜຽວ​ດຳ​ມີ​ຄຸນ​ປະໂຫຍດ​ລ້ຳ​ເລີດ​ຫຼາຍ​ກວ່າ​ນັ້ນ ເພາະ​ມີສານ​ອາຫານ​ຢ່າງ​ຫຼວງຫຼາຍ​ທີ່​ເປັນ​ປະໂຫຍດ​ຕໍ່​ຮ່າງກາຍ ແລະ ຍັງ​ຊ່ວຍ​ປ້ອງ​ກັນ​ພະຍາດ​ຕ່າງໆ ດັ່ງນີ້:

 - ຫລຸດ​ຄວາມ​ສ່ຽງ​ພະຍາດຫົວໃຈ

      ໃນ​ເຂົ້າກ່ຳ​ມີ​ສານ “ແກມ​ມາ​ໂອ​ໄລ​ຊານ​ອລ”  (gamma oryzanol) ເຊິ່ງ​ສາມາດ​ຫຼຸດ​ໄຂມັນ​ອຸດ​ຕັນ​ໃນ​ເສັ້ນເລືອດ ຈຶ່ງ​ຊ່ວຍ​ຫຼຸດ​ຄວາມ​ສ່ຽງ​ຂອງ​ການ​ເປັນ​ພະຍາດຫົວໃຈ.

 - ຢຸດ​ການ​ຈະເລີນ​ເຕີບ​ໂຕ​ຂອງ ຈຸ​ລັງ​ມະ​ເຮັງ

      ໃນ​ສານ “ແອນ​ໂທ​ໄຊ​ຢາ​ນິນ  (anthocyanin) ” ທີ່​ພົບ​ໃນ​ເຂົ້າກ່ຳ​ມີ​ຄຸນສົມບັດ​ໃນ​ການ​ຢຸດ​ການ​ຈະເລີນ​ເຕີບ​ໂຕ​ຂອງ ຈຸ​ລັງ​ມະ​ເຮັງ ໂດຍ​ສະ ເພາະ ​ແມ່ນ​ມະ​ເຮັງ​ປອດ.

  -  ປ້ອງ​ກັນ​ພະຍາດ​ເລືອດ​ຈາງ

     ໃນ​ເຂົ້າກ່ຳ​ມີ​ທາດ​ເຫຼັກ​ທີ່​ເປັນ​ອົງ​ປະກອບ​ສຳຄັນ​ໃນ​ການ​ສ້າງ​ເມັດ​ເລືອດ​ແດງ ເຊິ່ງ​ຖ້າວ່າ​ຮ່າງກາຍ​ໄດ້​ຮັບ​ທາດ​ເຫຼັກ​ບໍ່​ພຽງພໍ​ຈະ​ເຮັດ​ໃຫ້​ເກີດ​ພະຍາດ​ເລືອດ​ຈາງ​ໄດ້.

      ນອກຈາກ​ນີ້ ເຂົ້າກ່ຳ​ຍັງ​ອຸດົມ​ໄປ​ດ້ວຍ​ວິຕາມິນ A E  B1 B2 ແລະ  B6 ຊ່ວຍ​ບຳລຸງ​ສາຍຕາ ແລະ ບຳລຸງ​ສະໝອງ​ອີກ​ດ້ວຍ.

 

ຂ່າວທີ່ກ່ຽວຂ້ອງ