ຂ່າວຫຼ້າສຸດ

ກອງ​ປະຊຸມ COP 24 ຈັດ​ຂຶ້ນ​ທີ່​ປະເທດ​ໂປ​ໂລຍ

201 05 ທ.ວ. 2018 ຂ່າວຕ່າງປະເທດ
ກອງ​ປະຊຸມ COP 24 ຈັດ​ຂຶ້ນ​ທີ່​ປະເທດ​ໂປ​ໂລຍ

      ແຫຼ່ງ​ຂ່າວ Sputniknews ລາຍ​ງານ​ວ່າ ກອງ​ປະຊຸມ​ຄັ້ງ​ທີ 24 ຂອງ​ບັນດາ​ຝ່າຍ​ທີ່​ເຂົ້າ​ຮ່ວມ​ກົດ​ບັດ​ຂອບ​ຂອງ​ສະຫະ​ປະຊາ​ຊາດ ກ່ຽວ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ (COP 24) ໄດ້​ໄຂ​ຂຶ້ນ​ເມື່ອ​ວັນ​ທີ 2 ທັນວາ​ນີ້ ທີ່​ນະຄອນ ກາ​ໂຕ​ວິ​​ສ (ປະເທດ​ໂປ​ໂລຍ) ໂດຍ​ມີ​ຜູ້​ແທນ​ເຂົ້າ​ຮ່ວມ​ປະມານ 30.000 ຄົນ.

    ເປົ້າ​ໝາຍ​ຕົ້ນຕໍ​ຂອງ​ຜູ້​ທີ່​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ ແມ່ນ​ປຶກສາ​ຫາລື​ກ່ຽວ​ກັບ​ຮູບ​ການ ໃນ​ການ​ປະຕິບັດ​ສັນຍາ​ປາ​ຣີ ກ່ຽວ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ ທີ່​ໄດ້​ລົງ​ນາມ​ໄປ​ເມື່ອ​ປີ 2015.

    ນີ້​ເປັນ​ເທື່ອ​ທີ 3 ທີ່​ໂປ​ໂລຍ​ເປັນ​ເຈົ້າພາບ​ຈັດ​ກອງ​ປະຊຸມ ກ່ຽວ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ​ຂອງ​ສະຫະ​ປະຊາ​ຊາດ ຊຶ່ງ​ກອງ​ປະຊຸມ 2 ເທື່ອ​ກ່ອນ​ໜ້າ​ນີ້ ຈັດ​ຂຶ້ນ​ທີ່​ນະຄອນ ​ປົສ​ນັນ ໃນ​ປີ 2008 ແລະ​ ທີ່​ນະຄອນຫຼວງ ວາກ​ໂຊ​ວີ ໃນ​ປີ 2013.

 

ຂ່າວທີ່ກ່ຽວຂ້ອງ