ຂ່າວຫຼ້າສຸດ

ສ ອາ​ເມ​ຣິ​ກາ - ກາ​ນາ​ດາ - ເມັກ​ຊິກ ລົງ​ນາມ​ສັນຍາ USMCA ຢ່າງ​ເປັນ​ທາງ​ການ

383 05 ທ.ວ. 2018 ຂ່າວຕ່າງປະເທດ
ສ ອາ​ເມ​ຣິ​ກາ - ກາ​ນາ​ດາ - ເມັກ​ຊິກ ລົງ​ນາມ​ສັນຍາ USMCA ຢ່າງ​ເປັນ​ທາງ​ການ

    ເມື່ອ​ວັນ​ທີ 30 ພະຈິກ​ທີ່​ຜ່ານ​ມາ ຜູ້ນຳ​ຂອງ ສ ອາ​ເມ​ຣິ​ກາ ກາ​ນາ​ດາ ແລະ​ເມັກ​ຊິກ  ໄດ້​ຮ່ວມ​ກັນ​ລົງ​ນາມ​ສັນຍາ​ລະຫວ່າງ ສ ອາ​ເມ​ຣິ​ກາ - ເມັກ​ຊິກ-ກາ​ນາ (USMCA) ຢ່າງ​ເປັນ​ທາງ​ການ​ແລ້ວ ຊຶ່ງ​ນີ້​ເປັນ​ສັນຍາ​ສະບັບ​ໃໝ່​ຈາກ​ສັນຍາ​ການ​ຄ້າ​ເສລີ ອາ​ເມ​ຣິ​ກາ​ເໜືອ (NAFTA).

    ພິທີ​ລົງ​ນາມ​ດັ່ງກ່າວ ມີ​ຂຶ້ນ​ຢູ່​ນອກ​ກອງ​ປະຊຸມ​ສຸດ​ຍອດ ກຸ່ມ​ບັນດາ​ພື້ນຖານ​ເສດຖະກິດ​ພັດທະນາ ແລະ ເກີດ​ໃໝ່​ຊັ້ນ​ນຳ​ຂອງ​ໂລກ (G20) ຊຶ່ງ​ຈັດ​ຂຶ້ນ​ທີ່​ນະຄອນຫຼວງ ບູ​ເອນ​​ົສ ໄອ​ເຣ​​ສ ຂອງ​ອາກ​ຊັງ​ຕິນ.

     ເມື່ອ​ທ້າຍ​ເດືອນ​ກັນຍາ​ທີ່​ຜ່ານ​ມາ ສາມ​ປະເທດ​ດັ່ງກ່າວ ໄດ້​ເຮັດ​ສຳເລັດ​ການ​ຍົກ​ລະດັບ ຫັນ NAFTA ໃຫ້​ທັນ​ສະໄໝ ຫຼັງ​ຈາກ​ທີ່​ໄດ້​ດຳເນີນ​ການ​ເຈລະຈາ​ຢ່າງ​ຫຍຸ້ງຍາກ ມາ​ເປັນ​ເວລາ​ໜຶ່ງ​ປີ.

     USMCA ໄດ້​ມີ​ການ​ປ່ຽນແປງ​ທາງ​ດ້ານ​ເຕັກນິກ​ຂັ້ນ​ພື້ນຖານ ກ່ຽວ​ກັບ​ກົດ​ຂໍ້​ບັງຄັບ​ຕ່າງໆ ໃນ​ການ​ຜະລິດ​ລົດ​ໂອ​ໂຕ ແລະ​ ລົດ​ຂົນສົ່ງ ບັນຫາ​ການ​ເປີດ​ຕະຫຼາດ​ຂະແໜງ​ອຸດສາຫະກຳ​ນ້ຳ​ນົມ​ຂອງ​ກາ​ນາ​ດາ ຂອບ​ຂະໜາດ​ການ​ແພ່​ກວ້າງ​ຂອງ​ສິດ ແລະ ກົດ​ຂໍ້​ບັງຄັບ ໃນ​ການ​ແກ້​ໄຂ​ການ​ພິພາດ ແລະ ອື່ນໆ.

     ປັດຈຸບັນ​ນີ້ ສ ອາ​ເມ​ຣິ​ກາ ເປັນ​ຄູ່​ຮ່ວມ​ດ້ານ​ການ​ຄ້າ​ລາຍ​ໃຫຍ່​ສຸດ​ຂອງ​ເມັກ​ຊິກ ໂດຍ​ທີ່​ມູນ​ຄ່າ​ການ​ຄ້າ​ແບບ​ສອງ​ຝ່າຍ​ມີ​ເຖິງ 557 ຕື້​ໂດ​ລາ​ສະຫະລັດ ໃນ​ປີ 2017 ເພີ່ມ​ຂຶ້ນ 10,4% ເມື່ອ​ທຽບໃສ່​ປີ 2016 ແລະ ​ເກີນ​ດຸນ​ການ​ຄ້າ 71 ຕື້​ໂດ​ລາ​ສະຫະລັດ ອຽງ​ໄປ​ທາງ​ດ້ານ​ເມັກ​ຊິກ.

 

ຂ່າວທີ່ກ່ຽວຂ້ອງ