ຂ່າວຫຼ້າສຸດ

ງານ​ວາງສະແດງ​ຜົນງານ​ການ​ພັດທະນາ​ໃຕ້-ໃຕ້ ປີ 2018 ຈັດ​ຂຶ້ນ​ຢູ່​ສຳນັກງານ​ໃຫຍ່ ​ສປຊ

387 04 ທ.ວ. 2018 ຂ່າວຕ່າງປະເທດ
ງານ​ວາງສະແດງ​ຜົນງານ​ການ​ພັດທະນາ​ໃຕ້-ໃຕ້ ປີ 2018 ຈັດ​ຂຶ້ນ​ຢູ່​ສຳນັກງານ​ໃຫຍ່ ​ສປຊ

    ງານ​ວາງສະແດງ​ຜົນງານ​ການ​ພັດທະນາ​ໃຕ້-ໃຕ້ ຂອງ​ໂລກ​ປີ 2018 ໄດ້​ຈັດ​ຂຶ້ນ​ເມື່ອ​ວັນ​ທີ 28 ພະຈິກ​ທີ່​ຜ່ານ​ມາ ຢູ່​ທີ່​ສຳນັກງານ​ໃຫຍ່​ອົງການ​ສະຫະ​ປະຊາ​ຊາດ (​ສປຊ) ໃນ​ນະຄອນ​ນິວ​ຢອກ ຊຶ່ງ​ມີ​ກຳນົດ​ດຳເນີນ​ງານ​ເປັນ​ເວລາ 3 ວັນ ໂດຍ​ວາງສະແດງ​ຜົນສຳເລັດ​ຂອງ​ບັນດາ​ປະເທດ​ພວມ​ພັດທະນາ ແລະ​ປຶກສາ​ຫາລື​ວ່າ​ຈະ​ເຮັດ​ແນວໃດ ເພື່ອ​ເປີດ​ກວ້າງ​ການ​ຮ່ວມ​ມື​ໃຕ້-ໃຕ້ ຕື່ມ​ອີກ.

    ທ່ານ ອັນໂຕ​ນິ​​ີ​ໂອ ກູ​ເຕີ​ເຣ​​ສ ເລຂາທິການ​ໃຫຍ່ ​ສປຊ ໄດ້​ກ່າວ​ປາ​ໄສ​ໃນ​ພິທີ​ເປີດ​ງານ​ວາງສະແດງ​ດັ່ງກ່າວ ໂດຍ​ທ່ານ​ໄດ້​ສະແດງ​ຄວາມ​ຊົມເຊີຍ​ຕໍ່​ຜົນສຳເລັດ​ຂອງ​ການ​ຮ່ວມ​ມື​ໃຕ້-ໃຕ້. ການ​ແບ່ງປັນ​ຄວາມ​ຮູ້​ແບບ​ປະດິດ​ສ້າງ​ໃໝ່ ການ​ຖ່າຍ​ທອດ​ເຕັກນິກ ແລະ​ອື່ນໆ​ທີ່​ນຳພາ​ໂດຍ​ບັນດາ​ປະເທດ​ພວມ​ພັດທະນາ ໄດ້​ປັບປຸງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂຶ້ນ ສະ​ຖາ​ບັນ​ການ​ເງິນ​ໃໝ່ ໄດ້​ຊ່ວຍເຫຼືອ​ການ​ກໍ່ສ້າງ​ພື້ນຖານ​ໂຄງ​ລ່າງ ແລະ​ວາງ​ໂຄງການ​ພັດທະນາ​ແບບ​ຍືນ​ຍົງ ໃນ​ຂອບ​ເຂດ​ທົ່ວ​ໂລກ.

    ທ່ານ​ກູ​ເຕີ​ເຣ​​ສ ກ່າວ​ຕື່ມ​ອີ​ກວ່າ ງານ​ວາງສະແດງ​ຄັ້ງ​ນີ້ ຈະ​ຂຸດ​ຄົ້ນ​ກຳລັງ​ບົ່ມ​ຊ້ອນ​ຂອງ​ບັນດາ​ປະເທດ​ພວມ​ພັດທະນາ ໃນ​ດ້ານ​ການ​ແບ່ງປັນ​ຜົນງານ​ການ​ພັດທະນາ ທັງ​ແບ່ງປັນ​ບົດຮຽນ​ຂອງ​ປະເທດ​ພວມ​ພັດທະນາ ໃນ​ດ້ານ​ການ​ພັດທະນາ​ແບບ​ຍືນ​ຍົງ.

    ງານ​ວາງສະແດງ​ຄັ້ງ​ນີ້ ຮ່ວມ​ກັນ​ເປັນ​ເຈົ້າພາບ​ຈັດ​ຂຶ້ນ​ໂດຍ​ຫ້ອງການ​ຮ່ວມ​ມື​ໃຕ້-ໃຕ້ ຂອງ ​ສປຊ ບັນດາ​ອົງການ​ທີ່​ກ່ຽວຂ້ອງ​ຂອງ ​ສປຊ ແລະ ຄູ່​ຮ່ວມ​ມື. ຜູ້​ແທນ 850 ກວ່າ​ຄົນ ຈາກ 120 ກວ່າ​ປະເທດ​ສະມາຊິກ ​ສປຊ ໄດ້​ເຂົ້າ​ຮ່ວມ​ງານ​ວາງສະແດງ​ຄັ້ງ​ນີ້.

ຂ່າວທີ່ກ່ຽວຂ້ອງ