Google ຈ່າຍ 1 ຕື້​ໂດ​ລາ ເພື່ອ​ຊື້​ເອົາ​ສວນ​ສາທາລະນະ​ເຕັກ​ໂນ​ໂລ​ຊີ Shoreline

284 04 ທ.ວ. 2018 ຂ່າວຕ່າງປະເທດ
Google ຈ່າຍ 1 ຕື້​ໂດ​ລາ ເພື່ອ​ຊື້​ເອົາ​ສວນ​ສາທາລະນະ​ເຕັກ​ໂນ​ໂລ​ຊີ Shoreline

     ໜັງສືພິມ Mercury News ລາຍ​ວັນ ລາຍ​ງານ​ວ່າ Google ໄດ້​ຈ່າຍ​ເງິນ 1 ຕື້ ໂດ​ລາ​ສະຫະລັດ ເພື່ອ​ຈັດ​ຊື້​ເອົາ​ສວນ​ສາທາລະນະ​ນະ​ເຕັກ​ໂນ​ໂລ​ຊີ Shoreline ຊຶ່ງ​ຢູ່​ໃກ້​ກັບ ສຳນັກງານ​ໃຫຍ່​ຂອງ Google ໃນ​ລັດ​ຄາ​ລີ​ຟໍ​ເນຍ (ສ ອາ​ເມ​ຣິ​ກາ) ນັ້ນ​ຈາກ​ບໍລິສັດ​ການ​ລົງທຶນ​ອະສັງຫາລິມະ​ຊັບ HCP ໃນ​ລະຫວ່າງ​ການ​ຊື້​ຂາຍ​ອະສັງຫາລິມະ​ຊັບ​ລາຍ​ໃຫຍ່​ສຸດ​ຢູ່​ໃນ ເບ ອາ​ເຣຍ  (Bay Area) ໃນ​ປີ​ນີ້.

    ເຂດ​ສວນ​ສາທາລະນະ​ເຕັກ​ໂນ​ໂລ​ຊີ ທີ່​ຫາ​ກໍ​ມາ​ຢູ່​ໃນ​ການ​ຄອບ​ຄອງ​ຂອງ Google ນັ້ນ​ມີ ເນື້ອທີ່ 51,8 ເຮັກຕາ ປະກອບ​ດ້ວຍ​ອາຄານ 12 ຫຼັງ ນັບ​ວ່າ​ກວ້າງ​ກວ່າ​ສຳນັກງານ​ຂອງ Googleplex ຂອງ​ເຂົາເຈົ້າ​ໃນ​ເວລາ​ນີ້ ຊຶ່ງ​ຕັ້ງ​ຢູ່​ໃນ Mountain View (ທາງ​ທິດເໜືອ ລັດ​ຄາ​ລີ​ຟໍ​ເນຍ).

    ຂໍ້​ຕົກລົງ​ການ​ຊື້​ຂາຍ​ດັ່ງກ່າວ ຈະ​ອະນຸຍາດ​ໃຫ້ Google ສືບຕໍ່​ເປີດ​ກວ້າງ​ອະສັງຫາລິມະ​ຊັບ ທີ່​ຄອບ​ຄອງ​ຢູ່​ໃນ​ຮ່ອມ​ພູ ຊີ​ລີ​ຄອນ (Silicon) ຫຼັງ​ຈາກ​ທີ່​ໄດ້​ຊື້​ຫ້ອງການ​ເພີ່ມ​ເຕີມ​ຢູ່​ໃນ ຊັນ​ນີ​ວາ​​ລ ຢູ່​ໃນ ຄາ​ລີ​ຟໍ​ເນຍ. ເມື່ອ​ຕົ້ນ​ເດືອນ​ນີ້  Google ກໍ​ໄດ້​ເຫັນ​ດີ​ຊື້​ເອົາ​ຫ້ອງການ​ໃນ​ເນື້ອທີ່​ກວ່າ 40.467ມ2 ຢູ່​ໃນ​ນະຄອນ ຊານ ໂຈ​ເຊ ໃນ​ລາຄາ 110 ລ້ານ​ໂດ​ລາ​ສະຫະລັດ.

 

ຂ່າວທີ່ກ່ຽວຂ້ອງ