ລາວ-ຈີນ ສືບຕໍ່ການຮ່ວມມືດ້ານການທ່ອງທ່ຽວ

440 04 ທ.ວ. 2018 ຂ່າວໜ້າ​ໜຶ່ງ
ລາວ-ຈີນ ສືບຕໍ່ການຮ່ວມມືດ້ານການທ່ອງທ່ຽວ

    ກອງ​ປະ­ຊຸມ​ພົບ​ປະ ແລະ ງານ​ລ້ຽງ​ຕ້ອນ­ຮັບ​ຄະ­ນະ​ຜູ້​ແທນ​ບໍ­ລິ­ສັດ​ທ່ອງ​ທ່ຽວ ສປ ຈີນ ຈັດ​ຂຶ້ນ​ວັນ​ທີ 28 ພະ­ຈິກ 2018 ຢູ່​ໂຮງ­ແຮມ​ລ້ານ​ຊ້າງ ໂດຍ​ມີ​ທ່ານ​ນາງ ແສງ​ໂສ­ດາ ວັນ​ທາ​ນຸ​ວົງ ຮອງ​ຫົວ­ໜ້າ​ກົມ​ໂຄ­ສະ­ນາ​ການ­ທ່ອງ­ທ່ຽວ ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ (ຖວ​ທ) ທ່ານ ຄຳ​ຄູນ ໃບ​ລາ­ຕີ ຮອງ​ຫົວ­ໜ້າ​ພະ​ແນກ ຖວ​ທ ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ຜູ້​ປະ­ກອບ​ການ​ທຸ­ລະ​ກິດ​ທ່ອງ​ທ່ຽວ ລາວ-ຈີນ ເຂົ້າ​ຮ່ວມ.

    ທ່ານ​ນາງ ແສງ​ໂສ­ດາ ວັນ​ທາ​ນຸ​ວົງ ກ່າວ​ວ່າ: ລາວ​ເປັນ​ປະ­ເທດ​ທີ່​ມີ​ທ່າ­ແຮງ​ດ້ານ​ການ­ທ່ອງ­ທ່ຽວ​ທຳ​ມະ​ຊາດ ວັດ­ທະ­ນະ­ທຳ ແລະ ປະ­ຫວັດ­ສາດ​ທ່ອງ​ທ່ຽວ ທີ່​ໂດດ​ເດັ່ນ​ກວ່າ​ໝູ່​ແມ່ນ​ນະ­ຄອນ­ຫຼວງ​ພະ​ບາງ ໄດ້​ຖືກ​ຮັບ­ຮອງ​ເປັນ​ເມືອງ​ມໍ­ລະ­ດົກ​ໂລກ​ໃນ​ປີ 1995 ວັດ​ພູ​ຈຳ­ປາ​ສັກ ແຂວງ​ຈຳ­ປາ​ສັກ ປີ 2002 ທົ່ງ​ໄຫ​ຫີນ​ຊຽງ​ຂວາງ ບັນ­ດາ​ຖ້ຳ​ປະ­ຫວັດ­ສາດ​ທີ່​ເມືອງ​ວຽງ​ໄຊ ແຂວງ​ຫົວ­ພັນ ນ້ຳ­ຕົກ​ຄອນ​ພະ​ເພັງ ແມ່­ນ້ຳ​ໃຕ້​ດິນ​ໄຫຼ​ລອດ​ພູ​ຖ້ຳ​ກອງ​ລໍ ແຂວງ​ຄຳ​ມ່ວນ ນອກ​ນີ້​ຍັງ​ມີ​ປ່າ​ສະ­ຫງວນ​ແຫ່ງ​ຊາດ ແລະ ແຫຼ່ງ​ທ່ອງ​ທ່ຽວ​ທີ່​ໜ້າ​ສົນ­ໃຈ​ຫຼາຍ​ແຫ່ງ ປີ 2017 ມີ​ນັກ​ທ່ອງ​ທ່ຽວ​ເຂົ້າ​ມາ​ລາວ 3.868.838 ຄົນ ແລະ ໝົດ​ປີ 2018 ຄາດ​ວ່າ​ຈະ​ມີ​ນັກ​ທ່ອງ​ທ່ຽວ 4 ລ້ານ​ກວ່າ​ຄົນ ສະ­ເພາະ​ນັກ​ທ່ອງ​ທ່ຽວ​ຈີນ​ປີ 2017 ມີ 639.185 ຄົນ ເພີ່ມ​ຂຶ້ນ 17% ທຽບ­ໃສ່​ນັກ​ທ່ອງ​ທ່ຽວ​ສາ­ກົນ​ທີ່​ມາ​ທ່ຽວ​ລາວ ຈັດ​ຢູ່​ອັນ​ດັບ 3 ຖັດ​ຈາກ​ໄທ 1.797.803 ຄົນ ຫວຽດ­ນາມ 891.643 ຄົນ ສາ­ເຫດ​ທີ່​ພາ­ໃຫ້​ນັກ​ທ່ອງ​ທ່ຽວ​ຈີນ​ເພີ່ມ​ຂຶ້ນ ຍ້ອນ​ວ່າ​ລາວ ແລະ ຈີນ ມີ​ສາຍ​ພົວ­ພັນ​ແໜ້ນ​ແຟ້ນ ແລະ ການ​ຮ່ວມ​ມື​ອັນ​ດີ­ງາມ ຂະ­ແໜງ​ທ່ອງ​ທ່ຽວ​ໄດ້​ມີ​ການ​ຮ່ວມ​ມື​ພັດ­ທະ­ນາ ແລະ ສົ່ງ­ເສີມ​ໃຫ້​ຂະ­ຫຍາຍ​ຂຶ້ນ​ເລື້ອຍໆ ເປັນ­ຕົ້ນ ການ​ສ້າງ​ບຸ​ຄະ­ລາ​ກອນ ລົງ­ທຶນ​ສ້າງ​ໂຮງ­ແຮມ ຮ້ານ​ອາ­ຫານ ແລະ ອື່ນໆ.

    ກອງ​ປະ­ຊຸມ​ຄັ້ງ​ນີ້ ສອງ​ຝ່າຍ​ຍັງ​ໄດ້​ປຶກ­ສາ​ຫາ­ລື​ແລກ­ປ່ຽນ​ຂໍ້​ມູນ​ນຳ​ກັນ ເພື່ອ​ສ້າງ​ເຄື່ອ​ຄ່າຍ​ການ­ທ່ອງ­ທ່ຽວ​ຮ່ວມ​ກັນ ນອກ​ນີ້ ວັນ​ທີ 29 ພະ­ຈິກ-5 ທັນ­ວາ 2018 ຄະ­ນະ​ຈະ​ໄດ້​ໄປ​ຢ້ຽມ­ຢາມ​ແຫຼ່ງ​ທ່ອງ​ທ່ຽວ​ຢູ່​ແຂວງ​ຄຳ​ມ່ວນ ສະ­ຫວັນ​ນະ​ເຂດ ສາ­ລະ​ວັນ ແລະ ຈຳ­ປາ​ສັກ ຕື່ມ​ອີກ.

ຂ່າວທີ່ກ່ຽວຂ້ອງ