ຂ່າວຫຼ້າສຸດ

ນະຄອນຫຼວງ ພິຈາລະນາ ແລະ ຄົ້ນຄວ້າຫຼາຍບັນຫາຮີບດ່ວນ

565 30 ພ.ຈ. 2018 ຂ່າວໜ້າ​ໜຶ່ງ
ນະຄອນຫຼວງ ພິຈາລະນາ ແລະ ຄົ້ນຄວ້າຫຼາຍບັນຫາຮີບດ່ວນ

    ກອງ​ປະ­ຊຸມ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ທີ 22 ຈັດ​ຂຶ້ນ​ວັນ​ທີ 28-29 ພະ­ຈິກ 2018 ຢູ່​ຫ້ອງ​ວ່າ­ການ​ປົກ­ຄອງ ນວ ໂດຍ​ເປັນ​ປະ­ທານ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ ນວ ມີ​ຮອງ​ເຈົ້າ​ຄອງ ພ້ອມ​ດ້ວຍ​ບັນ­ດາ​ພະ​ແນກ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ໄດ້​ຄົ້ນ­ຄວ້າ​ພິ­ຈາ­ລະ­ນາ ແລະ ໃຫ້​ທິດ​ຊີ້​ນຳ​ຫຼາຍ​ບັນ­ຫາ​ສຳ­ຄັນ ເປັນ­ຕົ້ນ ຮ່າງ​ຂໍ້​ຕົກ­ລົງ​ວ່າ​ດ້ວຍ​ແຜນ​ງານ​ປະ­ຢັດ ແລະ ອະ­ນຸ​ຮັກ​ພະ­ລັງ­ງານ​ໄຟ­ຟ້າ​ໃນ ນວ ການ​ສະ­ເໜີ​ຂໍ​ດິນ​ຂອງ​ສູນ​ເຝິກ​ວິ­ຊາ​ຊີບ ແລະ ປິ່ນ­ປົວ​ຜູ້​ຕິດ​ຢາ​ເສບ​ຕິດ ເພື່ອ​ສ້າງ​ສູນ​ສັງ­ຄົມ​ສົງ­ເຄາະ ນວ ການ­ຈັດ­ຕັ້ງ​ປະ­ຕິ­ບັດ​ກອງ​ປະ­ຊຸມ​ປຶກ­ສາ​ຫາ­ລື ກ່ຽວ​ກັບ​ການ​ຂຶ້ນ​ບັນ­ຊີ​ເຕົ້າ­ໂຮມ​ຊັບ​ສິນ​ທີ່​ໄດ້​ຢຶດ ອາ​ຍັດ ສານ​ຕັດ­ສິນ​ຮີບ​ເປັນ​ຂອງ​ລັດ ແລະ ສານ​ຕັດ­ສິນ​ມອບ​ໃຫ້​ລັດ​ຄຸ້ມ​ຄອງ​ການ​ພັດ­ທະ­ນາ​ລະ­ບົບ​ໂປຣ​ແກຣມ (LLMS) ໄລ­ຍະ​ທີ II ຢູ່​ພະ​ແນກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ນວ ການ​ຄຸ້ມ​ຄອງ​ເງິນ​ຊຸກ­ຍູ້​ພັດ­ທະ­ນາ ນວ 500 ລ້ານ​ກີບ ຂອງ​ບໍ­ລິ­ສັດ ແມ່​ຂອງ​ພັດ­ທະ­ນາ​ລົງ­ທຶນ​ສາ­ກົນ ຈຳ­ກັດ ແລະ ບໍ­ລິ­ສັດ ຂວັນ​ເມືອງ​ກຣຸບ ຈຳ­ກັດ​ຜູ້​ດຽວ ແຜນ​ພັດ­ທະ­ນາ​ວິ​ສາ​ຫະ​ກິດ​ຂະ­ໜາດ​ນ້ອຍ ແລະ ກາງ (SMEs) ຂອງ ນວ ການ​ແກ້​ໄຂ ແລະ ຈັດ​ສັນ​ຕະ­ຫຼາດ ເພື່ອ​ອຳ­ນວຍ​ຄວາມ​ສະ­ດວກ​ໃຫ້­ການ​ຊື້-ຂາຍ ລັດ​ວິ​ສາ​ຫະ​ກິດ​ຂົນ­ສົ່ງ​ທາງ­ບົກ-ນ້ຳ.

    ການ​ສະ­ເໜີ​ກວດ­ກາ​ຄືນ​ດ້ານ​ນິ­ຕິ​ກຳ​ກ່ຽວ​ກັບ​ການ​ຂາຍ​ດິນ​ລັດ ສ່ວນ​ໜຶ່ງ​ຢູ່​ບໍ­ລິ­ເວນ​ຂອງ​ທ່າ­ເຮືອ​ຫຼັກ 4 ໃຫ້​ພາກ​ເອ­ກະ​ຊົນ ແລະ ການ­ຈັດ­ຕັ້ງ​ປະ­ຕິ­ບັດ​ຜົນ​ການ​ລົງ​ກວດ­ກາ ຄິດ­ໄລ່​ປະ​ເມີນ​ມູນ​ຄ່າ​ການ​ລົງ­ທຶນ​ຕົວ​ຈິງ​ຂອງ​ໂຄງ­ການ​ພັດ­ທະ­ນາ​ໜອງ​ແປນ ເມືອງ​ຫາດ​ຊາຍ​ຟອງ ແລະ ບັນ­ຫາ​ໜີ້​ສິນ​ທີ່​ຕິດ​ພັນ​ກັບ​ບໍ­ລິ­ສັດ ການ​ຄ້າ​ສາ­ກົນ ລາວ-ເອ​ເຊຍ ຈຳ­ກັດ​ຜູ້​ດຽວ ນອກ​ນີ້​ຍັງ​ໄດ້​ພິ­ຈາ­ລະ­ນາ ແລະ ໃຫ້​ທິດ​ຊີ້​ນຳ​ວຽກ​ງານ​ຮີບ​ດ່ວນ​ອື່ນໆ​ອີກ​ຈຳ­ນວນ​ໜຶ່ງ.

ຂ່າວທີ່ກ່ຽວຂ້ອງ