ໂລກ​ຈະ​ປະ​ເຊີນ​ກັບ​ໄພ​ທຳ​ມະ​ຊາດ​ພາບ​ກັນ​ຫຼາຍ​ລາຍ​ໃນ​ທ້າຍ​ສະຕະວັດ​ທີ 21

126 22 ພ.ຈ. 2018 ຂ່າວຕ່າງປະເທດ
ໂລກ​ຈະ​ປະ​ເຊີນ​ກັບ​ໄພ​ທຳ​ມະ​ຊາດ​ພາບ​ກັນ​ຫຼາຍ​ລາຍ​ໃນ​ທ້າຍ​ສະຕະວັດ​ທີ 21

    ບັນດາ​ນັກວິທະຍາສາດ ຈາກ​ສະ​ຖາ​ບັນ​ຄົ້ນຄວ້າ​ກ່ຽວ​ກັບ​ສິ່ງ​ທີ່​ມີ​ຊີວິດ​ໃນ​ທະເລ ຊຶ່ງ​ຂຶ້ນ​ກັບ ມະຫາວິທະຍາໄລ ຮາ​ວາຍ ມີ​ຄຳ​ແຈ້ງ​ເຕືອນ​ອອກ​ມາ​ຢູ່​ໃນ​ຜົນງານ ການ​ຄົ້ນຄວ້າ​ສະບັບ​ໜຶ່ງ ວ່າ ເມື່ອ​ຮອດ​ທ້າຍ​ສະຕະວັດ​ທີ 21 ຫຼາຍ​ແຫ່ງ​ໃນ​ໂລກ ອາດ​ຈະ​ປະ​ເຊີນ​ກັບ​ໄພພິບັດ​ທຳ​ມະ​ຊາດ ຫຼາຍ​ລາຍ​ພາບ​ກັນ ນັບ​ແຕ່​ອາກາດ​ຮ້ອນ​ອົບເອົ້າ ໄປ​ຈົນ​ຮອດ​ພາຍຸ​ຝົນ​ຂະໜາດ​ໃຫຍ່.

    ທ່ານ ເອ​ຣິກ ແຟຣງ​ຄລິນ ໜຶ່ງ​ໃນ​ຜູ້​ເຂົ້າ​ຮ່ວມ​ການ​ຄົ້ນຄວ້າ​ດັ່ງກ່າວວ່າ ໄພພິບັດ ທຳ​ມະ​ຊາດ​ຫຼາຍ​ລາຍ​ພວມ​ເກີດ​ຂຶ້ນ ແລະ​ຈະ​ສືບຕໍ່​ເກີດ​ຂຶ້ນ​ດ້ວຍ​ລະດັບ​ທີ່​ນັບ​ມື້​ນັບ​ຮ້າຍ​ແຮງ. ແກ​​ັສ CO2 ທີ່​ຖ່າຍ​ເທ​ອອກ​ມາ ປະກອບ​ກັບ​ແກ​​ັສ ເມ​ເທນ ແລະ ການ​ປ່ອຍ​ແກ​​ັສ​ອື່ນໆ ທີ່​ກໍ່ໃຫ້ເກີດ ປະກົດ​ການເຮືອນ​ແກ້ວ ມີ​ໄປ​ທົ່ວ​ຊັ້ນ​ອາກາດ ແລະ​ກໍ​ເປັນ​ປັດ​ໄຈ​ທີ່​ກະ​ຕຸ້ນ​ໃຫ້​ເກີດ “ກອງ​ກຳລັງ ຄຸກ​ຄາມ​ຕໍ່​ສິ່ງ​ທີ່​ມີ​ຊີວິດ”.

    ການ​ຄົ້ນຄວ້າ​ດັ່ງກ່າວ ໃຫ້ການ​ສະຫຼຸບ​ວ່າ ຜົນ​ຮ້າຍ​ຕາມ​ມາ​ຢ່າງ​ໜັກໜ່ວງ ຈາກ​ໄພ​ພິ ບັດ​ທຳ​ມະ​ຊາດ​ມາກ​ມາຍ​ກ່າຍກອງ ທີ່​ມີ​ຕໍ່​ບັນດາ​ປະເທດ​ລ້ຳ​ລວຍ ແລະ ບັນດາ​ປະເທດ​ທຸກ​ຍາກ ແມ່ນ​ມີ​ຄື​ກັນ ແລະ ບັນດາ​ພາກ​ພື້ນ​ທີ່​ນອນ​ຢູ່​ໃນ​ເຂດ​ທະເລ​ເຂດ​ຮ້ອນ ຈະ​ເປັນ “ຜູ້​ໄດ້​ຮັບ​ເຄາະ​ຮ້າຍ” ໜັກໜ່ວງ​ທີ່​ສຸດ​ຈາກ​ໄພພິບັດ​ທຳ​ມະ​ຊາດ.

 

ຂ່າວທີ່ກ່ຽວຂ້ອງ