ຖັງ​ບັນຈຸ​ກະ​ສູນ​ປືນ​ຕົກ ເຮັດ​ໃຫ້​ມີ​ຜູ້​ເສຍ​ຊີວິດ ແລະ​ບາດເຈັບ​ຈຳນວນ​ຫຼາຍ

133 22 ພ.ຈ. 2018 ຂ່າວຕ່າງປະເທດ
ຖັງ​ບັນຈຸ​ກະ​ສູນ​ປືນ​ຕົກ ເຮັດ​ໃຫ້​ມີ​ຜູ້​ເສຍ​ຊີວິດ ແລະ​ບາດເຈັບ​ຈຳນວນ​ຫຼາຍ

     ມີ​ຜູ້​ເສຍ​ຊີວິດ​ຢ່າງ​ໜ້ອຍ 6 ຄົນ ແລະ ບາດເຈັບ​ອີກ 10 ຄົນ ຈາກ​ເຫດການ ລະເບີດ​ທີ່​ເກີດ​ຂຶ້ນ​ເມື່ອ​ວັນ​ທີ 20 ພະຈິກ​ນີ້ ຢູ່​ໃນ​ສາງ​ກະ​ສູນ​ປືນ​ແຫ່ງ​ໜຶ່ງ ຢູ່​ໃນ​ເມືອງ ປູນ​ກາ​ອອນ ໃນ​ລັດ ມະຫາ​ຣາດ ຂອງ​ອິນ​ເດຍ.

    ໜັງສືພິມ Times ຂອງ​ອິນ​ເດຍ ລາຍ​ງານ​ວ່າ ໃນ​ເວລາ​ທີ່​ບັນດາ​ເຈົ້າ​ໜ້າທີ່ ເຮັດ​ໜ້າທີ່ ເກັບ​ກວາດ​ກະ​ສູນ​ປືນ​ໃຫຍ່ ແລະ ປືນ​ໃຫຍ່ ທີ່​ໄດ້​ງົດ​ການ​ຜະລິດ​ມາ​ຕັ້ງແຕ່​ປີ 2014 ອອກ​ໄປ​ນັ້ນ ກໍ​ມີ​ຖັງ​ກະ​ສູນ​ປືນ​ຖັງ​ໜຶ່ງ​ຕົກລົງ​ມາ ແລະ ເກີດ​ລະເບີດ​ຂຶ້ນ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ກັບ​ທີ່ 4 ຄົນ ແລະ​ອີກ 2 ຄົນ​ເສຍ​ຊີວິດ​ໃນ​ລະຫວ່າງ​ທາງ​ໄປ​ຫາ​ໂຮງໝໍ.

    ເມື່ອ​ກ່ອນ​ໜ້າ​ນີ້​ສອງ​ປີ ເຫດການ​ລະເບີດ​ທີ່​ຄ້າຍຄື​ກັນ​ນັ້ນ​ກໍ​ໄດ້​ເກີດ​ຂຶ້ນ ຢູ່​ໃນ​ສາງ​ກະ​ສູນ​ປືນ ໃນ​ເມືອງ ປູນ​ກາ​ອອນ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 18 ຄົນ ໃນ​ນັ້ນ​ມີ​ນາຍ​ທະຫານ 2 ຄົນ.

    ສາງ​ອາວຸດ​ດັ່ງກ່າວ ເປັນ​ໜຶ່ງ​ໃນ​ບັນດາ​ສາງ​ບັນຈຸ​ອາວຸດ ແລະ ລະເບີດ ຂະໜາດ​ໃຫຍ່​ສຸດ ຂອງ​ອິນ​ເດຍ ຊຶ່ງ​ໄດ້​ຮັບ​ການ​ກໍ່ສ້າງ​ມາ​ຕັ້ງແຕ່​ສົງຄາມ​ໂລກ​ຄັ້ງ​ທີ​ສອງ.

 

ຂ່າວທີ່ກ່ຽວຂ້ອງ