ໄຂ​ເວທີ​ປາ​ໄສ​ໂປ​ອາວ ເຂດ​ອາຊີ​ຕາເວັນ​ອອກ​ສ່ຽງ​ເໜືອ

103 22 ພ.ຈ. 2018 ຂ່າວຕ່າງປະເທດ
ໄຂ​ເວທີ​ປາ​ໄສ​ໂປ​ອາວ ເຂດ​ອາຊີ​ຕາເວັນ​ອອກ​ສ່ຽງ​ເໜືອ

     ຂ່າວສານ​ຊິນ​ຮວາ ລາຍ​ງານ​ວ່າ ເວທີ​ປາ​ໄສ​ອາຊີ ໂປ​ອາວ 2018 ຂອງ​ເຂດ​ອາຊີ​ຕາເວັນ​ອອກ​ສ່ຽງ​ເໜືອ ໄດ້​ໄຂ​ຂຶ້ນ​ເມື່ອ​ວັນ​ທີ 20 ພະຈິກ​ນີ້ ທີ່​ນະຄອນຫຼວງ​ເຊ​ອູນ ຂອງ ສ ເກົາຫຼີ ໂດຍ​ມີ​ເຈົ້າ​ໜ້າທີ່​ລັດຖະບານ ແລະ​ບັນດາ​ວິ​ສາ​ຫະ​ກິດ ປະມານ 800 ຄົນ ທີ່​ມາ​ຈາກ​ບັນດາ​ປະເທດ​ໃນ​ຂົງເຂດ​ເຂົ້າ​ຮ່ວມ.

    ພາຍ​ໃຕ້​ຫົວຂໍ້ “ອາຊີ​ເປີດ​ປະຕູ ແລະ ​ປ່ຽນແປງ​ໃໝ່” ນັ້ນ ເວທີ​ປາ​ໄສ​ດັ່ງກ່າວ ປະກອບ​ມີ​ການ​ປຶກສາ​ຫາລື​ເປັນ 3 ວາລະ ດ້ວຍ​ຫົວຂໍ້​ຕ່າງໆ ເຊັ່ນ ເສດຖະກິດ​ທົ່ວ​ໂລກ ແລະ ການ​ຮ່ວມ​ມື​ເສດຖະກິດ​ໃນ​ອາຊີ ການ​ປ່ຽນແປງ​ໃໝ່​ທາງ​ດ້ານ​ວິທະຍາສາດ ແລະ ​ເຕັກ​ໂນ​ໂລ​ຊີ ແລະ ຄວາມ​ເຕີບ​ໂຕ​ທີ່​ປົກ​ຄຸມ​ໄປ​ທົ່ວ.

    ທ່ານ ບັນ​ກີ​ມູນ ອະດີດ​ເລຂາທິການ​ໃຫຍ່ ສະຫະ​ປະຊາ​ຊາດ ກ່າວ​ຕໍ່​ເວທີ​ປາ​ໄສ​ດັ່ງກ່າວ​ວ່າ ອາຊີ​ຄວນ​ໄດ້​ຮັບ​ການ​ເຊື່ອມ​ຈອດ ກັບ​ຄຸນຄ່າ​ຂອງ​ກະແສ​ໂລກາ​ພິ​ວັດ ການ​ຄ້າ​ເສລີ ແລະ ລັດທິ​ແບບ​ຫຼາຍ​ຝ່າຍ ໂດຍ​ຜ່ານ​ການ​ຮ່ວມ​ມື​ໃນ​ພາກ​ພື້ນ ເພື່ອ​ຮັກສາ​ການ​ພັດທະນາ​ເສດຖະກິດ ແລະ ຊຸກຍູ້​ຄວາມ​ເຕີບ​ໂຕ​ເສດຖະກິດ​ທົ່ວ​ໂລກ.

 

ຂ່າວທີ່ກ່ຽວຂ້ອງ