​ສປຊ ມອບ​ລາງວັນ​ນາຍ​ທະຫານ​ເພດ​ຍິງ​ຮັກສາ​ສັນຕິພາບ 2018

113 22 ພ.ຈ. 2018 ຂ່າວຕ່າງປະເທດ
​ສປຊ ມອບ​ລາງວັນ​ນາຍ​ທະຫານ​ເພດ​ຍິງ​ຮັກສາ​ສັນຕິພາບ 2018

     ລາງວັນ​ນາຍ​ທະຫານ​ເພດ​ຍິງ​ຮັກສາ​ສັນຕິພາບ​ປີ 2018 ຂອງ​ສະຫະ​ປະຊາ​ຊາດ (​ສປຊ) ໃນ​ປີ​ນີ້ ໄດ້​ກາຍເປັນ​ຂອງ​ນາງ ຟີ​ລິ​​ສ ອາ​ມາ ເຕ​ບົວ ໂອ​ເຊ ຈາກ​ຄະນະ​ຂອງ ​ສປຊ ປະຈຳ​ໂຊ​ມາລີ (ເອີ້ນ​ຫຍໍ້​ວ່າ UNSOM).

    ນາງ ໂອ​ເຊ ເປັນ​ນາຍ​ຕຳຫຼວດ ຈາກ​ກອງ​ກຳລັງ​ຕຳຫຼວດ​ກາ​ນາ ໄດ້​ຮັບ​ລາງວັນ​ດັ່ງກ່າວ ຈາກ​ຜົນງານ​ການ​ອຸທິດ​ຂອງ​ນາງ ໃນ​ການ​ທີ່​ມີ​ອິດ​ທິ​ພົນ​ໂດຍ​ກົງ ແລະ​ມີ​ຄວາມ​ຕັ້ງໜ້າ​ຕໍ່​ຊຸມ​ຊົນ ຢູ່​ໃນ​ເມື​​ອງ ຈູ​ບາ​ລັນ (ປະເທດ​ໂຊ​ມາລີ) ກໍ​ຄື​ຕໍ່​ຕຳຫຼວດ​ໃນ​ພື້ນ​ທີ່​ທີ່​ນາງ​ປະຕິບັດ​ໜ້າທີ່​ຢູ່.

    ໃນ​ຂະນະ​ດຽວ​ກັນ ນາງ ໂອ​ເຊ ກໍ​ໄດ້​ປະກອບສ່ວນ​ຢ່າງ​ຫຼວງຫຼາຍ ເຂົ້າ​ໃນ​ວຽກ​ງານ​ປົກ​ປ້ອງ ແມ່ຍິງ ແລະ ເດັກນ້ອຍ ພ້ອມ​ທັງ​ນຳ​ເອົາ​ແນວ​ຄວາມ​ຄິດ​ລິ​ເລີ່ມ​ອອກ​ມາ ໃນ​ການ​ແກ້​ໄຂ ສິດທິ​ຂອງ​ແມ່ຍິງ ຢູ່​ໃນ​ປະເທດ​ທີ່​ນາງ​ພວມ​ປະຕິບັດ​ໜ້າທີ່ ຊຶ່ງ​ເປັນ​ການ​ຖືກຕ້ອງ​ກັບ​ເນື້ອ​ໃນ​ຈິດໃຈ ແລະ​ຄຸນຄ່າ​ອັນ​ເປັນ​ແກນ​ກາງຂອງ​ວຽກ​ງານ​ຕຳຫຼວດ​ສາກົນ.

     ໃນ​ໜຶ່ງ​ທົດ​ສະ​ວັດ​ທີ່​ຜ່ານ​ມາ ປະລິມານ​ແມ່ຍິງ ທີ່​ເຂົ້າ​ຮ່ວມ​ກອງ​ກຳລັງ​ຕຳຫຼວດ ຮັກສາ ສັນຕິພາບ​ໄດ້​ເພີ່ມ​ຂຶ້ນ​ທົບ​ສາມ​ເທົ່າ​ຕົວ. ໃນ​ຈຳນວນ​ຕຳຫຼວດ 10.683 ຄົນ ທີ່​ເຮັດ​ໜ້າທີ່ ຮັກສາ​ສັນຕິພາບ​ຢູ່​ໃນ 14 ແຫ່ງ​ທີ່​ແຕກ​ຕ່າງ​ກັນ​ໃນ​ທົ່ວ​ໂລກ​ນັ້ນ ມີ​ແມ່ຍິງ 1.198 ຄົນ ແລະ​ໃນ​ປັດຈຸບັນ​ນີ້ ​ສປຊ ໃຫ້​ສັນຍາ​ສືບຕໍ່​ຮັບ​ສະໝັກ​ເອົາ​ນາຍ​ທະຫານ​ເພດ​ຍິງ ເຂົ້າ​ຮ່ວມ ໃນ​ການເຄື່ອນໄຫວ​ຮັກສາ​ສັນຕິພາບ ຢູ່​ໃນ​ຫຼາຍ​ລະດັບ ແລະ​ຂົງເຂດ​ທີ່​ແຕກ​ຕ່າງ​ກັນ.

 

ຂ່າວທີ່ກ່ຽວຂ້ອງ