ເສດຖະກິດ​ຈີນ​ເໜັງ​ຕີງ​ຢ່າງ​ໝັ້ນ​ທ່ຽງ​ໃນ​ເດືອນ​ຕຸລາ

121 16 ພ.ຈ. 2018 ຂ່າວຕ່າງປະເທດ
ເສດຖະກິດ​ຈີນ​ເໜັງ​ຕີງ​ຢ່າງ​ໝັ້ນ​ທ່ຽງ​ໃນ​ເດືອນ​ຕຸລາ

     ທ່ານ​ລິວ​ໄອ້​ຮວາ ໂຄສົກ​ອົງການ​ສະຖິຕິ​ແຫ່ງ​ຊາດ​ຈີນ ເປີດເຜີຍ​ໃນ​ວັນ​ທີ 14 ພະຈິກ​ນີ້​ວ່າ ເບິ່ງ​ຈາກ​ຕົວ​ເລກ​ເໜັງ​ຕີງ​ຂອງ​ເສດຖະກິດ​ແຫ່ງ​ຊາດ​ຈີນ ໃນ​ເດືອນ​ຕຸລາ​ທີ່​ຜ່ານ​ມາ ເຫັນ​ວ່າ​ຕົວ​ເລກ​ຄາດໝາຍ​ຕົ້ນຕໍ ລ້ວນ​ແຕ່​ຢູ່​ໃນ​ລະດັບ​ສົມ​ເຫດ​ສົມ​ຜົນ ສະພາບ​ການ​ໂດຍ​ລວມ​ຂອງ​ເສດຖະກິດ​ຈີນ ເໜັງ​ຕີງ​ຢ່າງ​ໝັ້ນ​ທ່ຽງ ບໍ່​ມີ​ການ​ປ່ຽນແປງ ມີ​ເງື່ອນໄຂ​ພຽງພໍ​ທີ່​ຈະ​ສືບຕໍ່​ຮັກສາ​ການ​ພັດທະນາ​ຢ່າງ​ໝັ້ນ​ທ່ຽງ.

    ຂ່າວ​ແຈ້ງວ່າ ຜົນ​ຜະລິດ​ອຸດສາຫະກຳ​ຂອງ​ຈີນ ໃນ​ເດືອນ​ຕຸລາ ທຽບໃສ່​ໄລຍະ​ດຽວ​ກັນ​ຂອງ​ປີຜ່ານມາ ໄດ້​ເພີ່ມ​ຂຶ້ນ 5,9% ດັດຊະນີ​ຂະແໜງການ​ບໍລິການ​ທຽບໃສ່​ໄລຍະ​ດຽວ​ກັນ​ຂອງ​ປີຜ່ານມາ​ເພີ່ມ​ຂຶ້ນ 7,2% ອັດຕາ​ເພີ່ມ​ຂຶ້ນ​ແຕ່​ເດືອນ​ມັງກອນ ຫາ​ເດືອນ ຕຸລາ ຂອງ​ຂະແໜງການ​ອຸດສາຫະກຳ ແລະ​ຂະແໜງການ​ບໍລິການ ເທົ່າ​ກັບ​ອັດຕາ​ເພີ່ມ​ຂຶ້ນ​ແຕ່​ເດືອນ​ມັງກອນ ຫາ​ເດືອນ ກັນຍາ ຂອງ​ປີຜ່ານມາ. ມູນ​ຄ່າ​ການ​ລົງທຶນ​ແຕ່​ເດືອນ​ມັງກອນ ຫາ​ເດືອນ​ຕຸລາ​ປີ​ນີ້ ທຽບໃສ່​ໄລຍະ​ດຽວ​ກັນ​ປີຜ່ານມາ​ເພີ່ມ​ຂຶ້ນ 5,7%.

    ເມື່ອ​ເບິ່ງ​ໂດຍ​ລວມ​ແລ້ວ ດັດຊະນີ​ດ້ານ​ການ​ຜະລິດ​ແລະ​ຄວາມ​ຕ້ອງການ ການ​ປະກອບ​ອາຊີບ ລາຄາ​ສິນຄ້າ ລາຍ​ຈ່າຍ​ແລະ​ລາຍ​ຮັບ​ສາກົນ ລ້ວນ​ແຕ່​ສາມາດ​ຮັກສາ​ຈັງຫວະ​ການ​ເໜັງ​ຕີງ​ຢ່າງ​ໝັ້ນ​ທ່ຽງ.

 

ຂ່າວທີ່ກ່ຽວຂ້ອງ