ເຊີນຊວນເຂົ້າຮ່ວມພິທີລົງເສົາຂວັນ ອາຄານສຳນັກງານ ອພສ

208 16 ພ.ຈ. 2018 ຂ່າວໜ້າ​ໜຶ່ງ
ເຊີນຊວນເຂົ້າຮ່ວມພິທີລົງເສົາຂວັນ ອາຄານສຳນັກງານ ອພສ

    ວັນ​ທີ 15 ພະ­ຈິກ 2018 ທີ່​ຫໍ​ທຳ​ມະ​ສະ­ພາ ພະ​ອາ­ຈານ​ໃຫຍ່ ດຳ​ຣົງ ພິມ​ມະ​ຈັກ ຫົວ­ໜ້າ​ຫ້ອງ­ການ​ບໍ­ລິ­ຫານ​ສູນ​ກາງ​ພຸດ​ທະ​ສາ­ສະ­ໜາ​ສຳ­ພັນ​ລາວ (ອພສ) ໄດ້​ຖະ­ແຫຼງ​ຂ່າວ​ກ່ຽວ​ກັບ​ພິ­ທີ​ລົງ​ເສົາ­ຂວັນ ອາ­ຄານ​ສຳ­ນັກ­ງານ​ປະ­ທານ​ສູ​ກາງ ອພສ ວ່າ: ໂຄງ­ການ​ກໍ່­ສ້າງ​ອາ­ຄານ​ສຳ­ນັກ­ງານ​ປະ­ທານ​ສູນ​ກາງ ອພສ ອາ­ຄານ​ປະ­ທານ​ສົງ ແລະ ອາ­ຄານ​ອາ­ຄັນ­ຕຸ­ກະ​ຂອງ​ສູນ​ກາງ ອພສ ໄດ້​ວາງ​ສີ​ລາ​ເລີກ​ແຕ່​ເດືອນ​ມິ­ຖຸ­ນາ 2018 ໂດຍ​ໃຫ້​ບໍ­ລິ­ສັດ​ເປັນ​ຜູ້​ລົງ­ທຶນ​ກ່ອນ ຫຼັງ​ຈາກ​ນັ້ນ ຈຶ່ງ​ຊຳ­ລະ​ຕາມ​ຫຼັງ ແລະ ພາຍ­ຫຼັງ​ວາງ​ສີ​ລາ​ເລີກ​ກໍ່​ໄດ້​ມີ​ການ​ລະ­ດົມ​ທຶນ​ຈາກ​ປະ­ຊາ­ຊົນ ພໍ່­ຄ້າ​ຊາວ​ຂາຍ ທັງ​ພາຍ​ໃນ ແລະ ຕ່າງ­ປະ­ເທດ ມາ​ຮອດ​ປັດ­ຈຸ­ບັນ ສາ­ມາດ​ລະ­ດົມ​ທຶນ​ໄດ້ 1 ຕື້​ກວ່າ​ກີບ 8 ແສນ​ບາດ ແລະ 4.000 ໂດ​ລາ​ສະ­ຫະ­ລັດ ໂດຍ​ອີງ­ໃສ່​ງົບ­ປະ­ມານ​ທີ່​ໄດ້​ມາ ຈຶ່ງ​ໄດ້​ຕົກ­ລົງ​ສ້າງ​ເທື່ອ​ລະ​ຫຼັງ ໂດຍ​ຈະ​ສ້າງ​ກຸດ­ຕິ​ປະ­ທານ​ສົງ​ກ່ອນ ມູນ​ຄ່າ 23 ຕື້​ກີບ ໂດຍ​ແມ່ນ​ບໍ­ລິ­ສັດ ພູ­ມີ​ພູນ​ຊັບ ເປັນ​ຜູ້​ຮັບ​ເໝົາ​ກໍ່­ສ້າງ.

    ສຳ­ລັບ​ພິ­ທີ​ລົງ​ເສົາ­ຂວັນ​ອາ­ຄານ​ສຳ­ນັກ­ງານ​ປະ­ທານ​ສູ​ກາງ ອພສ ຈະ​ຈັດ​ຂຶ້ນ​ວັນ​ທີ 20 ພະ­ຈິກ 2018 ພາຍ​ໃນ​ພິ­ທີ​ຈະ​ມີ​ຫຼາຍ​ກິດ­ຈະ­ກຳ ເຊັ່ນ: ເວ­ລາ 13:00 ໂມງ ເຕົ້າ­ໂຮມ​ພະ­ສົງ ຄູ­ບາ​ອາ­ຈານ ການ​ນຳ ນັກ­ທຸ­ລະ­ກິດ ແລະ ປະ­ຊາ­ຊົນ ເວ­ລາ 14:30 ໂມງ ປະ­ທານ​ສົງ ຄະ­ນະ​ປະ­ທານ​ເຂົ້າ​ສູ່​ພິ­ທີ ແລະ ເວ­ລາ 15:15 ໂມງ ພິ­ທີ​ລົງ​ເສົາ​ເຂັມ ຫຼັງ​ຈາກ​ນັ້ນ ຈະ​ມີ​ພິ­ທີ​ຖວາຍ​ວັດ­ຖຸ​ປັດ​ໄຈ​ເງິນ​ສົມ­ທົບ​ທຶນ​ໃນ​ການ​ກໍ່­ສ້າງ​ຄອບ­ຄົວ​ການ​ນຳ​ພັກ-ລັດ ສັດ­ທາ​ປ່ອນ​ເຄື່ອງ​ຄ້ຳ​ຂອງ​ຄູນ​ລົງ​ໄຫ​ເງິນ​ໄຫ​ຄຳ ເພື່ອ​ຝັງ​ໄວ້​ໃນ​ຂຸມ​ເສົາ​ດັ່ງ­ກ່າວ ສະ­ນັ້ນ ທ່ານ​ໃດ​ຢາກ​ຝັງ​ຊັບ​ໄວ້​ໃນ​ໄຫ​ດັ່ງ­ກ່າວ ສາ­ມາດ​ເອົາ​ມາ​ລົງ​ໄດ້ ບໍ່​ວ່າ​ຈະ​ເປັນ​ແຜ່ນ​ເງິນ ແລະ ແຜ່ນ​ທອງ ແລ້ວ​ສະ­ຫຼັກ​ຊື່​ມາ​ປ່ອນ­ໃສ່​ໄຫ​ດັ່ງ­ກ່າວ ເພື່ອ​ເປັນ​ສີ​ລິ​ມຸງ­ຄຸນ​ໃຫ້​ແກ່​ອາ­ຄານ ກໍ່​ຄື ພຸດ​ທະ​ສາ­ສະ­ໜາ.

ຂ່າວທີ່ກ່ຽວຂ້ອງ