ເກີດ​ເຫດການ​ແຜ່ນດິນ​ໄຫວ​ແຮງ 6,5 ອົງສາ​ຣິກ​ເຕີ ຢູ່​ໃກ້​ແຫຼມ​ກາມ​ຈັດ​ກາ

129 16 ພ.ຈ. 2018 ຂ່າວຕ່າງປະເທດ
ເກີດ​ເຫດການ​ແຜ່ນດິນ​ໄຫວ​ແຮງ 6,5 ອົງສາ​ຣິກ​ເຕີ ຢູ່​ໃກ້​ແຫຼມ​ກາມ​ຈັດ​ກາ

     ຂ່າວສານ ຊິນ​ຮວາ ລາຍ​ງານ​ອ້າງ​ຕາມ​ຂໍ້​ມູນ​ຈາກ​ສະ​ຖາ​ບັນດິດ​ວິທະຍາສາດ​ຣັດ​ເຊຍ ໃຫ້​ຮູ້​ວ່າ ໄດ້​ເກີດ​ເຫດການ​ແຜ່ນດິນ​ໄຫວ ແທກ​ຄວາມ​ແຮງ​ສັ່ນ​ສະເທືອນ​ໄດ້ 6,5 ອົງສາ​ຣິກ​ເຕີ ໃນ​ຕອນ​ເຊົ້າ​ຂອງ​ວັນ​ທີ 15 ພະຈິກ​ນີ້ ຢູ່​ໃກ້​ກັບ​ແຄມ​ຝັ່ງ​ທະເລ​ຂອງ​ແຫຼມ ກາມ​ຈັດ​ກາ ທີ່​ຂຶ້ນ​ກັບ​ເຂດ​ຕາເວັນ​ອອກ​ໄກ​ຂອງ​ຣັດ​ເຊຍ.

    ຂ່າວ​ແຈ້ງວ່າ ຈຸດ​ສູນ​ກາງຂອງ​ແຜ່ນດິນ​ໄຫວ​ດັ່ງກ່າວ ຢູ່​ໃນ​ລະດັບ​ເລິກ 76,2​ ກມ ຢູ່​ໃນ​ອ່າວ ກາມ​ຈັດ​ກາ ຫ່າງ​ຈາກ​ບ້ານ ອູ​​ສຕ໌-ກາມ​ຈັດ​​ສກ໌ 78​ ກມ ໄປ​ທາງ​ທິດໃຕ້. ກະຊວງ​ພາວະ​ສຸກ​ເສີນ ຂອງ​ຣັດ​ເຊຍ ໃຫ້​ຮູ້​ວ່າ ຫຼັງ​ຈາກ​ເກີດ​ແຜ່ນດິນ​ໄຫວ​ດັ່ງກ່າວ ກໍ​ໄດ້​ເກີດ​ແຮງ​ສັ່ນ​ສະເທືອນ ຕາມ​ມາ​ຫຼາຍ​ເທື່ອ.

    ຂໍ້​ມູນ​ເບື້ອງ​ຕົ້ນ ໃຫ້​ຮູ້​ວ່າ ຍັງ​ບໍ່​ມີ​ລາຍ​ງານ​ຄວາມ​ເສຍ​ຫາຍ​ຈາກ​ແຜ່ນດິນ​ໄຫວ​ດັ່ງກ່າວ ໃນ​ຂະນະ​ທີ່​ການ​ແຈ້ງ​ເຕືອນ​ສຶ​ນາ​ມິ ກໍ​ຍັງ​ບໍ່​ໄດ້​ມີ​ອອກ​ມາ.

 

ຂ່າວທີ່ກ່ຽວຂ້ອງ