ອັງກິດ - EU ບັນລຸ​ຮ່າງ​ຂໍ້​ຕົກລົງ​ກ່ຽວ​ກັບ Brexit

126 16 ພ.ຈ. 2018 ຂ່າວຕ່າງປະເທດ
ອັງກິດ - EU ບັນລຸ​ຮ່າງ​ຂໍ້​ຕົກລົງ​ກ່ຽວ​ກັບ Brexit

     ຫ້ອງ​ວ່າການ​ຂອງ​ນາຍົກລັດຖະມົນຕີ​ອັງກິດ ເຕ​ເຣ​ຊາ ເມ ແຈ້ງ​ໃຫ້​ຮູ້ເມື່ອ​ວັນ​ທີ 13 ພະຈິກ ນີ້​ວ່າ ບັນດາ​ນັກ​ເຈລະຈາ​ລະຫວ່າງ​ອັງກິດ ກັບ​ສະຫະພາບ​ເອີ​ຣົບ (EU) ໄດ້​ບັນລຸ​ຮ່າງ ຂໍ້​ຕົກລົງ​ສະບັບ​ໜຶ່ງ ກ່ຽວ​ກັບ​ເລື່ອງ​ອັງກິດ ຖອນ​ອອກ​ຈາກ EU ຫຼື​ທີ່​ເອີ້ນ​ວ່າ Brexit.

    ໃນ​ຂະນະ​ດຽວ​ກັນ ໂທລະພາບ​ຊ່ອງ RTE ຂອງ​ອຽກ​ລັງ ອ້າງ​ຕາມ​ແຫຼ່ງ​ຂ່າວ​ທີ່​ໜ້າ​ເຊື່ອ​ຖື ໃຫ້​ຮູ້​ວ່າ ອັງກິດ ແລະ EU ໄດ້​ເຫັນ​ດີ​ເປັນ​ເອກະສັນ​ກັນ​ຕໍ່​ເອກະສານ​ສະບັບ​ໜຶ່ງ ກ່ຽວ​ກັບ​ບັນຫາ ຊາຍ​ແດນ ລະຫວ່າງ​ອັງກິດ ກັບ​ອຽກ​ລັງ ຫຼັງ Brexit ເຖິງ​ແມ່ນ​ວ່າການ​ເຈລະຈາ​ຍັງ​ບໍ່​ທັນ​ເວົ້າ​ໄດ້​ວ່າ ໄດ້​ສຳເລັດ​ເສັດ​ສິ້ນ​ກໍ​ຕາມ.

    ໃນ​ວັນ​ດຽວ​ກັນ ທ່ານ ຈວນ ຄລາວ ຈັງ​ເກີ ປະທານ​ຄະນະ​ກຳມະການ​ເອີ​ຣົບ ເວົ້າ​ວ່າ  EU ບໍ່​ແນ​ເປົ້າ​ໝາຍ​ລົງໂທດ ຕໍ່​ການ​ທີ່​ອັງກິດ​ຖອນ​ອອກ​ຈາກ EU ພ້ອມ​ທັງ​ເວົ້າ​ອີ​ກວ່າ ທ່ານ ໄມ​ເຄິນ ບາ​ນີ​ເອີ ຫົວໜ້າ​ຄະນະ​ເຈລະຈາ​ຂອງ EU ພວມ​ພະຍາຍາມ​ໃຫ້​ບັນລຸ​ຂໍ້​ຕົກລົງ​ສະບັບ​ໜຶ່ງ ທີ່​ດີ​ທີ່​ສຸດ ໃຫ້​ແກ່​ທັງ​ສອງ​ຝ່າຍ.

 

ຂ່າວທີ່ກ່ຽວຂ້ອງ