ກູ​ບາ ປະກາດ​ງົດ​ໂຄງການ​ຮ່ວມ​ມື​ດ້ານ​ສາທາລະນະ​ສຸກ​ກັບ​ບຣາ​ຊີ​​ລ

129 16 ພ.ຈ. 2018 ຂ່າວຕ່າງປະເທດ
ກູ​ບາ ປະກາດ​ງົດ​ໂຄງການ​ຮ່ວມ​ມື​ດ້ານ​ສາທາລະນະ​ສຸກ​ກັບ​ບຣາ​ຊີ​​ລ

    ກະຊວງ​ສາທາລະນະ​ສຸກ​ຂອງ​ກູ​ບາ (Minsap) ແຈ້ງ​ໃຫ້​ຮູ້ເມື່ອ​ວັນ​ທີ 14 ພະຈິກ​ນີ້​ວ່າ  ຈະ​ງົດ​ການ​ຮ່ວມ​ມື ໃນ​ໂຄງການ​ສາທາລະນະ​ສຸກ​ຂອງ​ບຣາ​ຊີ​​ລ ທີ່​ມີ​ຊື່ວ່າ “ມີ​ທ່ານໝໍ​ຕື່ມ​ອີກ​ຈຳນວນ ຫຼາຍ” ທ່າມກາງ​ຄຳ​ຖະແຫຼງ​ທີ່​ຂາດ​ເຈດ​ຕະ​ນາ​ດີ ຊຶ່ງ​ທ່ານ ຈາຍ ໂບລ​ໂຊ​ນາ​ໂຣ (Jair Bolsonaro) ຜູ້​ຊະນະ​ການ​ເລືອກ​ຕັ້ງ​ປະທານາທິບໍດີ ບຣາ​ຊີ​​ລ  ນຳ​ອອກ​ມາ​ນັ້ນ.

    ທ່ານ ຈາຍ ໂບລ​ໂຊ​ນາ​ໂຣ ຖະແຫຼງ​ເມື່ອ​ວັນ​ທີ 2 ພະຈິກ​ທີ່​ຜ່ານ​ມາ​ວ່າ ຈະ​ປ່ຽນແປງ ບັນດາ​ຂໍ້ຄວາມ ແລະ​ເງື່ອນໄຂ​ກ່ຽວ​ກັບ​ການ​ຮ່ວມ​ມື​ຂອງ​ກູ​ບາ ທີ່​ມີ​ມາ​ແຕ່​ປີ 2013 ຢູ່​ໃນ​ໂຄງການ “ມີ​ທ່ານໝໍ​ຕື່ມ​ອີກ​ຈຳນວນ​ຫຼາຍ” ໃນ​ນັ້ນ​ມີ​ການ​ດຳເນີນ​ການ​ກວດກາ​ດ້ານ​ລະດັບ​ຄວາມ​ຮູ້ ຕີ​ລາຄາ ຄືນໃໝ່​ກ່ຽວ​ກັບ​ໃບ​ປະກາດ ແລະ​ປະຕິບັດ​ເງື່ອນໄຂ​ຕື່ມ​ອີກ​ກ່ຽວ​ກັບ​ການ​ໃຊ້​ຈ່າຍ ແລະ ການ​ດຳລົງ​ຊີວິດ ໃຫ້​ແກ່​ລັດຖະບານ  ແລະ​ຖັນ​ແຖວ​ທ່ານໝໍ​ຂອງ​ກູ​ບາ ທີ່​ເຂົ້າ​ຮ່ວມ​ໃນ​ໂຄງການ​ດັ່ງກ່າວ.

    ໂດຍ​ໄດ້​ຮັບ​ການ​ສ້າງຕັ້ງ​ເມື່ອ​ປີ 2013 ຕາມ​ຄວາມ​ຄິດ​ລິ​ເລີ່ມ​ຂອງ​ນາງ ດີ​​ລ​ມາ ຣຸ​​ສ​ເຊ​​ຟ ປະທານາທິບໍດີ​ຂອງ​ບຣາ​ຊີ​​ລ ໃນ​ເວລາ​ນັ້ນ ໂຄງການ “ມີ​ທ່ານໝໍ​ຕື່ມ​ອີກ​ຈຳນວນ​ຫຼາຍ” ມີ​ຂຶ້ນ​ມາ​ໄດ້​ຈາກ​ການ​ເຂົ້າ​ຮ່ວມ​ທີ່​ມີ​ທາດ​ແທ້​ຍຸດ​ທະ​ສາດ ຂອງ​ຖັນ​ແຖວ​ຊ່ຽວຊານ​ການ​ແພດ​ຈາກ​ກູ​ບາ ໂດຍ​ມີ​ຄາດໝາຍ ແລະ​ມາດຖານ ຊຶ່ງ​ອົງການ​ອະນາໄມ​ໂລກ (WHO) ວາງ​ອອກ​ມາ.

    ສະຖິຕິ​ຂອງ Minsap ໃຫ້​ຮູ້​ວ່າ ໃນ 5 ປີ​ທີ່​ຜ່ານ​ມາ ມີ​ແພດ​ໝໍ​ຈາກ​ກູ​ບາ​ເກືອບ 20.000 ຄົນ ເຂົ້າ​ຮ່ວມ​ໃນ​ໂຄງການ​ດັ່ງກ່າວ ໂດຍ​ໄດ້​ດູ​ແລ​ຄົນ​ເຈັບ 113.359 ລ້ານ​ເທື່ອ​ຄົນ ຢູ່​ໃນ 3.600 ກວ່າ​ເມືອງ ຂອງ​ບຣາ​ຊີ​​ລ.

 

 

ຂ່າວທີ່ກ່ຽວຂ້ອງ