ທະນາຄານ​​ກາງ​ຈີນ ​ແລະ​ອັງກິດ​ ​ເຊັນ​ສັນຍາ​ແລກປ່ຽນ​ເງິນ​ຕາ​ໃນ​ມູນ​ຄ່າ 350 ຕື້​ຢວນ

120 15 ພ.ຈ. 2018 ຂ່າວຕ່າງປະເທດ
ທະນາຄານ​​ກາງ​ຈີນ ​ແລະ​ອັງກິດ​ ​ເຊັນ​ສັນຍາ​ແລກປ່ຽນ​ເງິນ​ຕາ​ໃນ​ມູນ​ຄ່າ 350 ຕື້​ຢວນ

    ທະນາຄານ​ກາງ​ຈີນ​ ​ເປີດ​ເຜີຍ​ເມື່ອວັນ​ທີ 12 ພະຈິກຜ່ານມາວ່າ ​ໄດ້ສືບ​ຕໍ່​ເຊັນ​ສັນຍາ​ແລກປ່ຽນ​ເງິນຕາ​ແບບສອງ​ຝ່າຍ ກັບ​ທະນາຄານແຫ່ງ​ອັງກິດ ​ເພື່ອ​ຮັກສາສະຖຽນ​ລະ​ພາບ​ທາງ​ດ້ານ​ການ​ເງິນ​ພາຍ​​ໃນ.

    ສັນຍາ​ດັ່ງ​ກ່າວ ​ລວມ​ມີ​ມູນ​ຄ່າ 350 ຕື້​ຢວນ ຫຼື 40 ຕື້​ປອນ ​ມີ​ກຳນົດ​ເວລາ 3 ປີ ​ແລະ​ ສາມາດ​ຂະຫຍາຍ​ເວລາ​ອອກ​ໄປ​ໄດ້​ ຖ້າ​ສອງ​ຝ່າຍ​ເຫັນ​ດີ.

    ຕາມ “ບົດ​ລາຍ​ງານການ​ປະຕິບັດ​ນະ​ໂຍບາຍ​ເງິນຕາ​ຈີນ ​ໄຕ​ມາດ​ທີ 3 ປີ 2018” ທີ່ຫາ​ກໍ​ເປີດ​ເຜີຍ​ໂດຍ​ທະນາຄານກາງ​ຈີນ ນັ້ນກໍແມ່ນ ຮອດ​ທ້າຍ​ເດືອນກັນຍາ​ຜ່ານ​ມາ ພາຍ​ໃຕ້​ການ​ເຊັນ​ສັນຍາ​ແລກປ່ຽນ​ເງິນຕາ​ສອງ​ຝ່າຍ ​ລະຫວ່າງ​ທະນາຄານກາງ​ຈີນ ​ແລະ ຕ່າງປະ​ເທດ ​​ໂດຍຕ່າງປະ​ເທດ​ໄດ້ນຳ​ໃຊ້​ວົງ​ເງິນ​ຢວນ 32,48 ຕື້​ຢວນ ​ແລະ​ ທະນາຄານ​ກາງຈີນ ​ໄດ້​ນຳ​ໃຊ້​ວົງ​ເງິນ​ຕ່າງປະ​ເທດ 892 ລ້ານ​ໂດ​ລາ​ສະຫະລັດ ​ຊຶ່ງ​ໄດ້​​ເສີມ​ຂະຫຍາຍ​ບົດບາດ​ອັນ​ຕັ້ງໜ້າ ​ເຂົ້າ​ໃນ​ການ​ຊຸກຍູ້​ການ​ລົງ​ທຶນ​ດ້ານການ​ຄ້າແບບ​ສອງ​ຝ່າຍ.

 

ຂ່າວທີ່ກ່ຽວຂ້ອງ