ບັນດາ​ກຸ່ມ​ປະກອບ​ອາວຸດ​ຂອງ​ປາ​ແລັດ​ສະ​ຕິນ ປະກາດ​ຢຸດ​ຍິງ​ກັບ​ອິດ​ສະ​ຣາ​ແອນ

118 15 ພ.ຈ. 2018 ຂ່າວຕ່າງປະເທດ
ບັນດາ​ກຸ່ມ​ປະກອບ​ອາວຸດ​ຂອງ​ປາ​ແລັດ​ສະ​ຕິນ ປະກາດ​ຢຸດ​ຍິງ​ກັບ​ອິດ​ສະ​ຣາ​ແອນ

      ສື່ສານ​ໃນ​ຕາເວັນ​ອອກ​ກາງ ລາຍ​ງານ​ເມື່ອ​ວັນ​ທີ 13 ພະຈິກ​ນີ້​ວ່າ ບັນດາ​ກຸ່ມ​ປະກອບ​ອາວຸດ ຂອງ​ປາ​ແລັດ​ສະ​ຕິນ ຢູ່​ໃນ​ແຫຼມ​ກາ​ຊາ (ໃນ​ນັ້ນ​ມີ​ຂະ​ບວນ​ການ​ມຸ​ສລິມ ຮາ​ມາ​​ສ) ໄດ້​ແຈ້ງ​ອອກ​ມາ ໃນ​ວັນ​ດຽວ​ກັນ ກ່ຽວ​ກັບ​ການ​ຢຸດ​ຍິງ​ກັບ​ອິດ​ສະ​ຣາ​ແອນ ໂດຍ​ແມ່ນ​ເອ​ຢິບ​ເປັນ​ຕົວ​ກາງ​ໄກ່​ເກ່ຍ ຫຼັງ​ຈາກ​ທີ່​ເກີດ​ເຫດການ​ຮຸນ​ແຮງ​ເພີ່ມ​ຂຶ້ນ ຄຸກ​ຄາມ​ຕໍ່​ຄວາມ​ໝັ້ນຄົງ​ຂອງ​ພາກ​ພື້ນ ແລະ​ມີ​ຄວາມ​ສ່ຽງ​ຍູ້ ໃຫ້​ທັງ​ສອງ​ຝ່າຍ ເຂົ້າ​ສູ່​ການ​ພິພາດ​ດ້ວຍ​ອາວຸດ ທີ່​ມີ​ຂອບ​ຂະໜາດ​ໃຫຍ່.

    ບັນດາ​ກຸ່ມ​ປະກອບ​ອາວຸດ​ຂອງ​ປາ​ແລັດ​ສະ​ຕິນ ໄດ້​ມີ​ຖະແຫຼງການ​ຮ່ວມ​ອອກ​ມາ ໃນ​ນັ້ນ ໄດ້​ຢືນຢັນ​ວ່າ ເຂົາເຈົ້າ​ຈະ​ປະຕິບັດ​ຕາມ​ຄຳ​ສັ່ງ​ຢຸດ​ຍິງ ຕາບໃດ​ທີ່​ຝ່າຍ​ອິດ​ສະ​ຣາ​ແອນ ກໍ​ເຮັດ​ຄື​ແນວ​ນັ້ນ.

    ໃນ​ຂະນະ​ດຽວ​ກັນ ໜັງສືພິມ​ເອ​ເລັກ​ໂຕຣ​ນິກ Ahram (ຂອງ​ເອ​ຢິບ) ໃຫ້​ຮູ້​ວ່າ ວົງ​ການ​ນຳ​ຂອງ​ອິດ​ສະ​ຣາ​ແອນ ໄດ້​ອອກ​ຄຳ​ສັ່ງ​ໃຫ້​ກອງທັບ​ຂອງ​ຕົນ ສືບຕໍ່​ການ​ໂຈມ​ຕີ​ໃສ່​ກາ​ຊາ “ໃນ​ເມື່ອ​ມີ​ຄວາມ​ຈຳເປັນ.” ຄະນະ​ລັດຖະບານ​ອິດ​ສະ​ຣາ​ແອນ ນຳ​ເອົາ​ການ​ຕົກລົງ​ດັ່່ງ​ກ່າວ​ອອກ​ມາ ຫຼັງ​ການ​ປະຊຸມ​ແກ່ຍາວ​ເປັນ​ເວລາ 6 ຊົ່ວໂມງ ເພື່ອ​ປຶກສາ​ຫາລື ກ່ຽວ​ກັບ​ການ​ຍິງ​ຕໍ່ສູ້​ຂ້າມ​ຊາຍ​ແດນ ລະຫວ່າງ​ອິດ​ສະ​ຣາ​ແອນ ກັບ​ເຂດ​ແຫຼມ ກາ​ຊາ.

 

ຂ່າວທີ່ກ່ຽວຂ້ອງ