ມາ​ເລ​ເຊຍ ຍົກເລີກ​ຄຳ​ສັ່ງ​ຫ້າມ​ນັກ​ສຶກ​ສາ​ເຄື່ອນ​ໄຫວ​ທາງ​ການເມືອງ​ຢູ່​ໃນ​ໂຮງຮຽນ

123 13 ພ.ຈ. 2018 ຂ່າວຕ່າງປະເທດ
ມາ​ເລ​ເຊຍ ຍົກເລີກ​ຄຳ​ສັ່ງ​ຫ້າມ​ນັກ​ສຶກ​ສາ​ເຄື່ອນ​ໄຫວ​ທາງ​ການເມືອງ​ຢູ່​ໃນ​ໂຮງຮຽນ

     ວັນ​ທີ 10 ພະຈິກ​ນີ້ ຄະນະ​ລັດຖະບານ​ຂອງ​ມາ​ເລ​ເຊຍ ໄດ້​ຮັບຮອງ​ການ​ດັດແກ້​ກົດໝາຍ ວ່າ​ດ້ວຍ​ມະຫາວິທະຍາໄລ ແລະ​ວິທະຍາໄລ (UUCA) ສະບັບ​ປີ  1971 ຊຶ່ງ​ຕາມ​ການ​ດັດແກ້​ນັ້ນ ແລ້ວ ກໍ​ແມ່ນ​ອະນຸຍາດ​ໃຫ້​ນັກ​ສຶກ​ສາ ໃນ​ມະຫາວິທະຍາໄລ ແລະ​ວິທະຍາໄລ ເຂົ້າ​ຮ່ວມ​ການ ເຄື່ອນ​ໄຫວ​ທາງ​ດ້ານ​ການເມືອງ​ຢູ່​ໃນ​ໂຮງຮຽນ.

    ທ່ານ ມາ​ສລີ ມາ​ລິກ ລັດຖະມົນຕີ​ສຶກ​ສາ​ຂອງ​ມາ​ເລ​ເຊຍ ແຈ້ງ​ໃຫ້​ຮູ້​ຢູ່​ໃນ​ຖະແຫຼງການ ທີ່​ມີ​ອອກ​ມາ​ເມື່ອ​ວັນ​ທີ 10 ພະຈິກ ວ່າການ​ດັດແກ້ UUCA ຈະ​ເປັນ​ການ​ຍົກເລີກ​ຂໍ້​ກຳນົດ ໃນ​ການ​ຫ້າມ​ນັກ​ສຶກ​ສາ​ຕັ້ງ​ຄຳ​ຖາມ​ກັບ​ບັນດາ​ນັກ​ການເມືອງ ແລະ ເຂົ້າ​ຮ່ວມ​ການເຄື່ອນໄຫວ​ທາງ​ດ້ານ ການເມືອງ​ຢູ່​ໃນ​ໂຮງຮຽນ.

    ໃນ​ຂະນະ​ດຽວ​ກັນ ລັດຖະບານ​ມາ​ເລ​ເຊຍ ກໍ​ປະກາດ​ແຜນການ​ໃນ​ການ​ຫຼຸດ​ອາຍຸ ໃນ​ການ​ໄດ້ ເລືອກ​ຕັ້ງ​ຈາກ 21 ປີ ລົງ​ມາ​ເປັນ 18 ປີ.

 

ຂ່າວທີ່ກ່ຽວຂ້ອງ