ຂ່າວຫຼ້າສຸດ

ບັນດາ​ປະເທດ​ຜູ້​ສົ່ງ​ອອກ​ນ້ຳມັນ​ຍັງ​ບໍ່​ບັນລຸ​ຂໍ້​ຕົກລົງ​ກ່ຽວ​ກັບ​ການ​ຕັດ​ຫຼຸດ​ການ​ຜະລິດ

321 13 ພ.ຈ. 2018 ຂ່າວຕ່າງປະເທດ
ບັນດາ​ປະເທດ​ຜູ້​ສົ່ງ​ອອກ​ນ້ຳມັນ​ຍັງ​ບໍ່​ບັນລຸ​ຂໍ້​ຕົກລົງ​ກ່ຽວ​ກັບ​ການ​ຕັດ​ຫຼຸດ​ການ​ຜະລິດ

    ທ່ານ ຄາ​ລິດ ອາ​​ລ-ຟາ​ລີ ລັດຖະມົນຕີ​ພະລັງງານ​ຂອງ​ອາ​ຣາ​ບີ ຊາ​ອຸ​ດິດ ກ່າວ​ໃນ​ການ ປະຊຸມ​ເມື່ອ​ວັນ​ທີ 11 ພະຈິກ​ນີ້ ຢູ່​ທີ່​ອາ​ບູ ດາ​ບີ ຊຶ່ງ​ຂຶ້ນ​ກັບ​ສະຫະລັດ ອາ​ຣັບ ເອ​ມີ​ເຣດ (UAE) ວ່າ​ບັນດາ​ປະເທດ​ຜູ້​ສົ່ງ​ອອກ​ນ້ຳມັນ ຍັງ​ບໍ່​ບັນລຸ​ຂໍ້​ຕົກລົງ​ກ່ຽວ​ກັບ​ການ​ຕັດ​ຫຼຸດ​ປະລິມານ​ການ​ຜະລິດ.

    ເມື່ອ​ຖືກ​ຖາມ​ກ່ຽວ​ກັບ​ຄວາມ​ເປັນ​ໄປ​ໄດ້ ໃນ​ການ​ຕັດ​ຫຼຸດ​ປະລິມານ​ການ​ຜະລິດ​ນ້ຳມັນ ເພື່ອ​ໜູນ ຊ່ວຍ​ລາຄາ​ນ້ຳມັນ​ທີ່​ຫຼຸດ​ລົງ​ນັ້ນ ທ່ານ ຄາ​ລິດ ອາ​​ລ-ຟາ​ລີ ຢືນຢັນ​ວ່າ ໃນ​ເວລາ​ນີ້​ຍັງ​ໄວ​ເກີນ​ໄປ ເພື່ອ​ເວົ້າ​ເຖິງ​ການ​ດຳເນີນ​ງານ​ຕົວ​ຈິງ ໂດຍ​ທີ່​ປະເທດ​ຕ່າງໆ ຈະ​ຕ້ອງ​ໄດ້​ຄົ້ນຄວ້າ​ເຖິງ​ທຸກໆ​ປັດ​ໄຈ​ກ່ອນ.

    ເຖິງ​ຢ່າງໃດ​ກໍ​ຕາມ ທ່ານ ຄາ​ລິດ ອາ​​ລ-ຟາ​ລີ ຢືນຢັນ​ວ່າ ໃນ​ເດືອນ​ທັນວາ​ໜ້າ​ນີ້ ອາ​ຣາ​ບີ ຊາ​ອຸ​ດິດ ຈະ​ຕັດ​ຫຼຸດ​ປະລິມານ​ນ້ຳມັນ​ທີ່​ສົ່ງ​ອອກ​ລົງ 500.000 ບາ​ເຣນ/ວັນ. ນັບ​ແຕ່​ເດືອນ​ຕຸລາ ທີ່​ຜ່ານ​ມາ ອາ​ຣາ​ບີ ຊາ​ອຸ​ດິດ ຊຶ່ງ​ເປັນ​ປະເທດ​ຜູ້​ສົ່ງ​ອອກ​ນ້ຳມັນ​ອັນ​ດັບ​ແຖວ​ໜ້າ​ຂອງ​ໂລກ ໄດ້​ສະໜອງ ນ້ຳມັນ ໃຫ້​ແກ່​ຕະຫຼາດ 10,7 ລ້ານ​ບາ​ເຣນ/ວັນ.

    ໃນ​ຂະນະ​ດຽວ​ກັນ ສ່ວນ​ໃຫຍ່​ຂອງ​ບັນດາ​ປະເທດ​ຜູ້​ສົ່ງ​ອອກ​ນ້ຳມັນ​ອັນ​ດັບ​ແຖວ​ໜ້າ ໃຫ້ການ ຄາດ​ຄະເນ​ວ່າ ການ​ສະໜອງ​ຈະ​ມີ​ເກີນ​ຄວາມ​ຕ້ອງການ ຢູ່​ໃນ​ຕະຫຼາດ​ນ້ຳມັນ ໃນ​ປີ 2019 ແລະ​ ໄດ້​ຮຽກຮ້ອງ​ໃຫ້​ດຳເນີນ​ຍຸດ​ທະ​ສາດ​ໃໝ່ ເພື່ອ​ເຮັດ​ໃຫ້​ຕະຫຼາດ​ມີ​ຄວາມ​ກ້ຳ​ເກິ່ງ ໂດຍ​ອີງໃສ່​ການ ດັດແກ້​ປະລິມານ​ການ​ຜະລິດ​ນ້ຳມັນ.

 

ຂ່າວທີ່ກ່ຽວຂ້ອງ