ທີມຊາດລາວ ຖືກ ຫວຽດນາມ ບຸກມາຊະນະ 3-0 ຊູຊຸກິ ຄັບ

221 12 ພ.ຈ. 2018 ວົງຈອນກີລາ
ທີມຊາດລາວ ຖືກ ຫວຽດນາມ ບຸກມາຊະນະ 3-0 ຊູຊຸກິ ຄັບ

    ການ​ແຂ່ງ­ຂັນ​ເຕະ­ບານ​ຊາຍ ຊີງ​ແຊັມ​ອາ​ຊຽນ ຫຼື AFF Suzuki Cup 2018 ຮອບ​ແບ່ງ​ກຸ່ມ ນັດ​ທີ 1 ຂອງ​ກຸ່ມ A ທີມ​ຊາດ​ລາວ ເປີດ​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ຕ້ອນ­ຮັບ​ການ​ມາ​ຢາມ​ຂອງ​ທີມ​ຊາດ​ຫວຽດ­ນາມ ແຊັມ​ປີ 2008 ຕົວ​ເຕັງ​ແຊັມ​ລາຍ­ການ​ນີ້.

    ເກມ​ຈົບ​ລົງ​ເປັນ​ໄປ​ຕາມ​ຄາດ­ໝາຍ ທີມ​ຊາດ​ຫວຽດ­ນາມ ບຸກ​ຊະ­ນະ​ທີມ​ຊາດ​ລາວ ເຖິງ​ຖິ່ນ 3-0 ຈາກ ຫງຽວ​ນ ກົງ​ເຟືອງ ນາ­ທີໆ 11 ຫວ​ງຽນ ແອັງ​ດຶກ ນາ­ທີໆ 45 ແລະ ຫວ​ງຽນ ກວາງ ຮ໊າຍ ນາ­ທີໆ 68 ໂດຍ​ຊາດ​ລາວ​ເສຍ​ໃຫ້​ທີມ​ຊາດ​ຫວຽດ­ນາມ ເປັນ​ນັດ​ທີ 10 ຕິດ­ຕໍ່​ກັນ ໂດຍ​ສະ­ເພາະ 7 ນັດ​ຫຼັງ​ສຸດ​ບໍ່​ສາ­ມາດ​ຍິງ​ປະ­ຕູ​ທີມ​ຊາດ​ຫວຽດ­ນາມ ເສຍ​ເຖິງ 37 ປະ­ຕູ ສ່ວນ​ຜົນ​ອີກ​ໜຶ່ງ​ຄູ່​ໃນ​ກຸ່ມ​ດຽວ​ກັນ ທີມ​ຊາດ​ກຳ­ປູ­ເຈຍ ເປີດ​ບ້ານ​ເສຍ​ໃຫ້​ທີມ​ຊາດ​ມາ​ເລ​ເຊຍ 0-1 ຈາກ ນໍ​ຊາ​ຣຸນ ນາ­ທີໆ 30.

    ສຳ­ລັບ​ນັດ​ທີ 2 ຂອງ​ທີມ​ຊາດ​ລາວ ຈະ​ອອກ​ໄປ​ຢາມ​ທີມ​ຊາດ​ມາ​ເລ​ເຊຍ ຢູ່​ນະ­ຄອນ­ຫຼວງ​ກົວ​ລາ​ລຳ​ເປີ ໃນ​ວັນ​ທີ 12 ພະ­ຈິກ 2018 ນີ້ ຂະ­ນະ​ທີມ​ຊາດ​ຫວຽດ­ນາມ ຈະ​ເປີດ​ບ້ານ​ຕ້ອນ­ຮັບ​ມາ​ເລ​ເຊຍ ໃນ​ວັນ​ທີ 16 ພະ­ຈິກ 2018.

ຂ່າວທີ່ກ່ຽວຂ້ອງ