ຂ່າວຫຼ້າສຸດ

ໄປສະນີລາວ ປະກາດການຈັດຕັ້ງຄະນະອຳນວຍການ

179 09 ພ.ຈ. 2018 ຂ່າວໜ້າ​ໜຶ່ງ
ໄປສະນີລາວ ປະກາດການຈັດຕັ້ງຄະນະອຳນວຍການ

    ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ຈັດ​ພິ­ທີ​ປະ­ກາດ​ການ­ຈັດ­ຕັ້ງ​ຄະ­ນະ​ອຳ­ນວຍ​ການ ຈັດ​ຂຶ້ນ​ວັນ​ທີ 6 ພະ­ຈິກ 2018 ຢູ່​ສຳ­ນັກ­ງານ​ໃຫຍ່​ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ໂດຍ​ການ​ເຂົ້າ​ຮ່ວມ​ຂອງ​ທ່ານ ທອງ​ໃສ ຊານ​ໄຊ​ຍະ ຮອງ​ລັດ­ຖະ­ມົນ­ຕີ​ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ພ້ອມ​ດ້ວຍ​ຫົວ­ໜ້າ​ກົມ ພະ­ນັກ­ງານ​ວິ­ຊາ​ການ ແລະ ພາກ­ສ່ວນ​ທີ່​ກ່ຽວ­ຂ້ອງ.

    ການ​ປະ­ກາດ​ການ­ຈັດ­ຕັ້ງ​ຄັ້ງ​ນີ້ ໄດ້​ແຕ່ງ­ຕັ້ງ​ທ່ານ ພູ​ຫວິນ ຟອງ​ສະ­ໝຸດ ເປັນ​ຜູ້­ອຳ­ນວຍ­ການ​ໃຫຍ່ ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ແລະ ແຕ່ງ­ຕັ້ງ​ທ່ານ ຈັນ​ຖະ­ໜອມ ສົມ​ວົງ ຫົວ­ໜ້າ​ພະ​ແນກ​ສະ​ຖາ​ບັນ​ເສດ­ຖະ­ກິດ-ການ​ເງິນ ກະ­ຊວງ​ການ​ເງິນ ຄະ­ນະ​ຮັບ­ຜິດ­ຊອບ​ຄຸ້ມ​ຄອງ​ບໍ­ລິ­ຫານ​ຊົ່ວ­ຄາວ ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ເປັນ​ຮອງ​ຜູ້­ອຳ­ນວຍ­ການ​ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ພ້ອມ​ທັງ​ສັບ​ຊ້ອນ​ທ່ານ ສະ​ມິດ ຂັນ​ຕິ​ກອນ ຄະ­ນະ​ຮັບ­ຜິດ­ຊອບ​ຄຸ້ມ​ຄອງ​ບໍ­ລິ­ຫານ​ຊົ່ວ­ຄາວ ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ເປັນ​ຜູ້​ຊ່ວຍ​ຜູ້­ອຳ­ນວຍ­ການ​ໃຫຍ່ ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ.

    ສ່ວນ​ທ່ານ ສົມ­ບູນ ອິນ​ສີ​ລາ​ພັນ ຫົວ­ໜ້າ​ຄະ­ນະ​ຮັບ­ຜິດ­ຊອບ​ຄຸ້ມ​ຄອງ​ບໍ­ລິ­ຫານ​ຊົ່ວ­ຄາວ ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ໄປ​ຮັບ​ໜ້າ­ທີ່​ຢູ່​ກົມ​ກອງ​ເກົ່າ ໂດຍ​ມາ​ຮັບ​ໜ້າ­ທີ່​ເປັນ​ຫົວ­ໜ້າ​ກົມ​ການ​ເງິນ​ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ແລະ ທ່ານ ບຸນ​ຍົກ ບຸດ​ສະ​ວົງ ຮອງ​ຫົວ­ໜ້າ​ພະ​ແນກ​ຄຸ້ມ​ຄອງ​ພັດ­ທະ­ນາ​ວິ​ສາ​ຫະ​ກິດ ແລະ ປະ­ກັນ​ໄພ ບໍ­ລິ­ຫານ​ງານ​ຊົ່ວ­ຄາວ ບໍ­ລິ­ສັດ ລັດ​ວິ​ສາ​ຫະ​ກິດ​ໄປ­ສະ­ນີ​ລາວ ໄປ​ຮັບ​ໜ້າ­ທີ່​ເປັນ​ຮອງ​ຫົວ­ໜ້າ​ພະ​ແນກ​ຄຸ້ມ​ຄອງ​ພັດ­ທະ­ນາ​ວິ​ສາ​ຫະ​ກິດ ແລະ ປະ­ກັນ​ໄພ ກະ­ຊວງ​ການ​ເງິນ.

ຂ່າວທີ່ກ່ຽວຂ້ອງ