ຂ່າວຫຼ້າສຸດ

ສ ເກົາຫຼີ ສະໜັບສະໜູນໂຄງການສ້າງຄວາມສາມາດດ້ານສະຖິຕິ

156 09 ພ.ຈ. 2018 ຂ່າວໜ້າ​ໜຶ່ງ
ສ ເກົາຫຼີ ສະໜັບສະໜູນໂຄງການສ້າງຄວາມສາມາດດ້ານສະຖິຕິ

    ກອງ​ປະ­ຊຸມ​ສະ­ຫຼຸບ​ການ​ປະ­ຕິ­ບັດ​ໂຄງ­ການ ສ້າງ​ຄວາມ​ສາ­ມາດ​ດ້ານ​ສະ­ຖິ­ຕິ ປະ­ຈຳ​ປີ 2018 ພາຍ​ໃຕ້​ການ​ສະ­ໜັບ­ສະ­ໜູນ​ຈາກ​ອົງ­ການ​ສະ­ຖິ­ຕິ​ແຫ່ງ​ຊາດ ສ ເກົາ­ຫຼີ ຈັດ​ຂຶ້ນ​ວັນ​ທີ 8 ພະ­ຈິກ 2018 ຢູ່​ໂຮງ­ແຮມ​ລາວ​ພລາ​ຊາ ໂດຍ​ເປັນ​ປະ­ທານ​ຂອງ​ທ່ານ​ນາງ ພອນ​ສະ​ຫຼີ ສຸກ​ສະ​ຫວັດ ຮອງ​ຫົວ­ໜ້າ​ສູນ​ສະ­ຖິ­ຕິ​ແຫ່ງ​ຊາດ ມີ​ທ່ານ ຊອງ​ຊຸນ​ຊິນ ເອກ​ອັກ​ຄະ​ລັດ​ຖະ​ທູດ ສ ເກົາ­ຫຼີ ປະ­ຈຳ ສປປ ລາວ ທ່ານ ຊັນ​ຮຸນ​ອຶນ ຫົວ­ໜ້າ​ກົມ​ສູນ​ຂໍ້​ມູນ​ສະ­ຖິ­ຕິ​ແຫ່ງ​ຊາດ ສ ເກົາ­ຫຼີ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ​ນາງ ພອນ​ສະ​ຫຼີ ສຸກ​ສະ​ຫວັດ ກ່າວ​ວ່າ: ໂຄງ­ການ​ນີ້ ແມ່ນ​ໜຶ່ງ​ໃນ​ໂຄງ­ການ​ທີ່​ສຳ­ຄັນ​ຂອງ​ສູນ​ສະ­ຖິ­ຕິ​ແຫ່ງ​ຊາດ ເພື່ອ​ສະ­ໜັບ­ສະ­ໜູນ​ການ­ຈັດ­ຕັ້ງ​ປະ­ຕິ­ບັດ​ກົດ­ໝາຍ​ວ່າ​ດ້ວຍ​ສະ­ຖິ­ຕິ (ສະ­ບັບ​ປັບ­ປຸງ) ເຊິ່ງ​ສະ­ພາ​ແຫ່ງ​ຊາດ​ໄດ້​ຮັບ­ຮອງ​ເດືອນ​ພຶດ­ສະ­ພາ 2017 ຍຸດ​ທະ​ສາດ​ການ​ພັດ­ທະ­ນາ​ລະ­ບົບ​ສະ­ຖິ­ຕິ​ແຫ່ງ​ຊາດ​ແບບ​ຍືນ​ຍົງ 2016-2025 ແລະ ວິ­ໄສ​ທັດ​ຮອດ​ປີ 2030 ໄດ້​ຮັບ­ຮອງ​ຈາກ​ລັດ­ຖະ­ບານ​ໃນ​ເດືອນ​ພຶດ­ສະ­ພາ 2018 ໂຄງ­ການ​ນີ້ ຈະ​ໄດ້​ສຸມ​ໃສ່​ບາງ​ແຜນ​ງານ​ຂອງ​ຍຸດ​ທະ​ສາດ​ເຊັ່ນ: ການ​ສ້າງ​ຄວາມ​ສາ­ມາດ​ໃນ​ການ​ຜະ­ລິດ ການ​ເຜີຍ­ແຜ່​ຂໍ້​ມູນ​ສະ­ຖິ­ຕິ​ທາງ​ການ​ຫັນ​ເປັນ​ທັນ​ສະ­ໄໝ ແລະ ປັບ­ປຸງ​ພື້ນ­ຖານ​ໂຄງ​ລ່າງ​ຂອງ​ວຽກ​ງານ​ສະ­ຖິ­ຕິ.

    ໂຄງ­ການ​ສ້າງ​ຄວາມ​ສາ­ມາດ​ດ້ານ​ສະ­ຖິ­ຕິ ປະ­ຈຳ​ປີ 2018 ເປັນ​ປີ​ທີ 2 ຂອງ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ຊ່ວຍ­ເຫຼືອ​ລ້າ ຈາກ​ອົງ­ການ​ສະ­ຖິ­ຕິ​ແຫ່ງ​ຊາດ ສ ເກົາ­ຫຼີ ເຊິ່ງ​ປີ​ນີ້​ໄດ້​ລົງ​ເລິກ 2 ກິດ­ຈະ­ກຳ​ຄື:ການ​ເຝິກ­ອົບ­ຮົມ​ວຽກ​ງານ​ສະ­ຖິ­ຕິ​ເສດ­ຖະ­ກິດ ສະ­ຖິ­ຕິ​ສັງ­ຄົມ ວຽກ​ງານ ICT ໃຫ້​ພະ­ນັກ­ງານ​ໃນ​ລະ­ບົບ​ສະ­ຖິ­ຕິ​ແຫ່ງ​ຊາດ ສະ­ໜອງ ແລະ ຕິດ​ຕັ້ງ​ເຄື່ອງ​ອຸ­ປະ­ກອນ​ໄອ​ທີ​ໃນ​ສູນ​ສະ­ຖິ­ຕິ​ແຫ່ງ​ຊາດ ສູນ​ສະ­ຖິ­ຕິ​ປະ­ຈຳ​ແຂວງ ເມືອງ ລວມ​ທັງ​ອຸ­ປະ­ກອນ ແລະ ຫ້ອງ​ເຝິກ­ອົບ­ຮົມ.

ຂ່າວທີ່ກ່ຽວຂ້ອງ