ຂ່າວຫຼ້າສຸດ

ກຽມຈັດພິທີສະຫຼຸບໂຄງການປະຕິສັງຂອນ ພະທາດຫຼວງວຽງຈັນ

154 08 ພ.ຈ. 2018 ຂ່າວໜ້າ​ໜຶ່ງ

    ພະ​ທາດ­ຫຼວງ​ວຽງ​ຈັນ ສະ­ຖານ­ທີ່​ສັກ­ສິດ​ທີ່​ປວງ​ຊົນ​ລາວ​ທັງ​ຊາດ ໃຫ້­ການ​ເຄົາ­ລົບ​ນັບ­ຖື ແລະ ບູ­ຊາ​ມາ​ແຕ່​ບູ­ຮານ​ນະ​ການ​ຈົນ​ເຖິງ​ປັດ­ຈຸ­ບັນ ດ້ວຍ​ເຫັນ​ໄດ້​ຄວາມ​ໝາຍ-ຄວາມ​ສຳ­ຄັນ​ຂອງ​ອົງ​ພະ​ທາດ­ຫຼວງ​ວຽງ​ຈັນ ພັກ ແລະ ລັດ­ຖະ­ບານ ກໍ່​ຄື​ພະ­ແນກ­ການ​ກ່ຽວ­ຂ້ອງ ໄດ້​ພ້ອມ​ກັນ​ປະ­ຕິ­ສັງ­ຂອນ​ພະ​ທາດ­ຫຼວງ​ຄືນ­ໃໝ່ ໂດຍ​ໄດ້​ຮັກ­ສາ​ເອ­ກະ­ລັກ​ອັນ​ດັ້ງ­ເດີມ​ໄວ້.

    ເພື່ອ​ກະ­ກຽມ​ຄວາມ​ພ້ອມ​ດ້ານ​ຕ່າງໆ ໃຫ້​ແກ່​ການ​ສະ­ຫຼຸບ​ໂຄງ­ການ​ປະ­ຕິ­ສັງ­ຂອນ​ພິ​ພິ​ທະ​ພັນ​ພະ​ທາດ­ຫຼວງ​ວຽງ​ຈັນ ຄະ­ນະ​ຮັບ­ຜິດ­ຊອບ​ການ​ປະ­ຕິ­ສັງ­ຂອນ​ພະ​ທາດ­ຫຼວງ​ວຽງ​ຈັນ ຄັ້ງ​ທີ 4 ໄດ້​ຈັດ​ກອງ​ປະ­ຊຸມ​ປຶກ­ສາ​ຫາ­ລື​ກະ­ກຽມ​ພິ­ທີ​ສະ­ຫຼຸບ​ໂຄງ­ການ​ປະ­ຕິ­ສັງ­ຂອນ​ດັ່ງ­ກ່າວ ຈັດ​ຂຶ້ນ​ວັນ​ທີ 6 ພະ­ຈິກ 2018 ຢູ່​ຫ້ອງ​ວ່າ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ໂດຍ​ເປັນ​ປະ­ທານ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ພະ​ເຖ­ລາ­ນຸ­ເຖລະ ທ່ານ ບົວ​ເງິນ ຊາ​ພູ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ

    ກອງ​ປະ­ຊຸມ​ຄັ້ງ​ນີ້ ໄດ້​ປຶກ­ສາ​ຫາ­ລື​ຫຼາຍ​ບັນ­ຫາ​ສຳ­ຄັນ ເປັນ­ຕົ້ນ ໄດ້​ພິ­ຈາ­ລະ­ນາ​ຜ່ານ​ບົດ​ສະ­ຫຼຸບ​ໂຄງ­ການ​ປະ­ຕິ­ສັງ­ຂອນ​ພິ​ພິ​ທະ​ພັນ​ພະ​ທາດ­ຫຼວງ ຄັ້ງ​ທີ IV ການ​ກະ­ກຽມ​ວາ­ລະ​ການ​ດຳ­ເນີນ​ພິ­ທີ​ສະ­ຫຼຸບ​ໂຄງ­ການ ວຽກ​ງານ​ພິ­ທີ­ການ ວຽກ​ງານ​ສາ­ສະ­ໜາ ການ​ຈັດ​ພິມ​ປື້ມ​ພະ​ທາດ­ຫຼວງ​ມິ່ງ­ຂວັນ​ເມືອງ​ລາວ ແລະ ວຽກ​ງານ​ອື່ນໆ​ອີກ.

ຂ່າວທີ່ກ່ຽວຂ້ອງ