ຂ່າວຫຼ້າສຸດ

ນັກກັອຟຕົວແທນ ສປປ ລາວ ກຽມຮ່ວມ 2 ລາຍການໃຫຍ່

96 06 ພ.ຈ. 2018 ວົງຈອນກີລາ

    ຈັນ​ປະ­ສິດ ອຸ​ນາ​ພົມ ນັກ​ກີ​ລາກັອຟ​ສັງ­ກັດ​ກະ­ຊວງ​ປ້ອງ​ກັນ​ປະ­ເທດ ໃຫ້​ສຳ­ພາດ​ໃນ​ອາ­ທິດ​ຜ່ານ​ມາ​ວ່າ: ພາຍ­ຫຼັງ​ທີ່​ສ້າງ​ຄວາມ​ໝັ້ນ​ໃຈ​ໃຫ້​ຕົວ​ເອງ ດ້ວຍ​ການ​ຍາດ​ໄດ້​ແຊັມ ລາຍ­ການ ລາວ​ກັອຟ ຄລັບ ແຊັມ​ປ້ຽນ​ຊິບ 2018 ກໍ່​ເຂົ້າ​ຮ່ວມ​ແຂ່ງ­ຂັນ​ລາຍ­ການ​ກີ​ລາກ​ັອຟ ລຸ່ມ​ແມ່­ນ້ຳ​ຂອງ ຢູ່​ຊຽງ​ຮຸ່ງ ສິບ​ສອງ​ພັນ​ນາ ແຂວງ​ຢູ​ນານ ສປ ຈີນ ວັນ​ທີ 1-5 ພະ­ຈິກ 2018 ພາຍ​ໃຕ້​ນະ­ໂຍ­ບາຍ “ໜຶ່ງ​ແລວ​ໜຶ່ງ​ເສັ້ນ­ທາງ” ເພື່ອ​ທົດ​ສອບ​ຄວາມ​ສາ­ມາດ​ອີກ​ລາຍ­ການ​ໜຶ່ງ ກ່ອນ​ຈະ​ເຂົ້າ​ຮ່ວມ​ແຂ່ງ­ຂັນ​ໃນ​ງານ​ມະ​ຫະ​ກຳ​ກີ­ລາ​ມະ­ຫາ­ວິ­ທະ­ຍາ­ໄລ​ອາ​ຊຽນ ຄັ້ງ​ທີ 19 ຢູ່​ປະ­ເທດ​ມຽນ​ມາ ວັນ​ທີ 9-20 ທັນ­ວາ 2018.

    ຈັນ​ປະ­ສິດ ອຸ​ນາ​ພົມ ໄດ້​ເຂົ້າ​ຮ່ວມ​ແຂ່ງ­ຂັນ​ລາວ​ກັອຟ​ຄລັບ ແຊັມ​ປ້ຽນ​ຊິບ 2018 ວັນ​ທີ 20-21 ຕຸ­ລາ 2018 ໂດຍ​ມີ​ນັກ­ກີ­ລາ​ເຂົ້າ​ຮ່ວມ 138 ຄົນ 21 ທີມ ຈາກ​ແຂວງ ແລະ ສະ­ໂມ­ສອນ​ຕ່າງໆ​ອ້ອມ​ຂ້າງ​ສູນ​ກາງ ໂດຍ ຈັນ​ປະ­ສິດ ອຸ​ນາ​ພົມ ລົງ​ແຂ່ງ­ຂັນ​ປະ­ເພດ​ທີມ ສາ­ມາດ​ພາ​ສະ­ໂມ­ສອນ​ກະ­ຊວງ​ປ້ອງ​ກັນ​ປະ­ເທດ​ຄວ້າ​ແຊັມ ໂດຍ​ເອົາ​ຊະ­ນະ​ສະ­ໂມ­ສອນ​ສິງ​ລາວ ສ່ວນ​ອັນ​ດັບ 3 ແມ່ນ​ແຂວງ​ອຸ­ດົມ​ໄຊ ນອກ​ນີ້​ປີ 2017 ກໍ່​ໄດ້​ເຂົ້າ​ຮ່ວມ​ງານ​ກີ­ລາ​ຊີ­ເກມ ຄັ້ງ​ທີ 29 ຢູ່​ປະ­ເທດ​ມາ​ເລ​ເຊຍ ໄດ້​ແຊັມ ອາ​ເມ​ເຈີ FLC Championship 2018 ວັນ​ທີ 1-3 ມັງ­ກອນ 2018 ຢູ່​ສະ­ໜາມ​ເຊິມ​ເຊີນ ແຂວງ​ແທັງ​ຫົວ ສສ ຫວຽດ­ນາມ ໄດ້​ແຊັມ Bridgestone Amateur Asean Championship 2018 ວັນ​ທີ 7 ເມ­ສາ 2018 ຢູ່​ສະ­ໜາມ Dong Mo Moutain Course ຮ່າ​ໂນ້ຍ ສສ ຫວຽດ­ນາມ.

ຂ່າວທີ່ກ່ຽວຂ້ອງ