ຂ່າວຫຼ້າສຸດ

ປາກຊັນ ຈັດງານແຂ່ງຂັນຊ່ວງເຮືອປະເພນີ 2018

462 29 ຕ.ລ. 2018 ວົງຈອນກີລາ
ປາກຊັນ ຈັດງານແຂ່ງຂັນຊ່ວງເຮືອປະເພນີ 2018

    ງານ​ແຂ່ງ­ຂັນ​ຊ່ວງ​ເຮືອ​ບຸນ​ອອກ​ພັນ​ສາ​ປະ​ວໍ­ລະ­ນາ ປະ­ຈຳ​ປີ 2018 ຈັດ​ຂຶ້ນ​ວັນ​ທີ 23-24 ຕຸ­ລາ ນີ້ ຢູ່​ນ້ຳ​ຊັນ ບ້ານ​ປາກ​ຊັນ ແຂວງ​ບໍ​ລິ​ຄຳ​ໄຊ ໂດຍ​ມີ​ທ່ານ ບຸນ​ມາ ບຸ​ຈະ­ເລີນ ຮອງ​ເຈົ້າ­ແຂວງ​ບໍ​ລິ​ຄຳ​ໄຊ ທ່ານ ສຸ​ວັນ­ນີ ໄຊ­ຊະ­ນະ ປະ­ທານ​ສະ­ພາ​ປະ­ຊາ­ຊົນ​ແຂວງ ພ້ອມ​ດ້ວຍ​ການ​ນຳ​ພັກ-ລັດ ຜູ້​ແທນ​ຈາກ ສສ ຫວຽດ­ນາມ ແລະ ໄທ ແລະ ມວນ​ຊົນ​ເຂົ້າ​ຮ່ວມ.

    ເພື່ອ​ເປັນ​ການ​ອະ­ນຸ​ຮັກ ຮັກ­ສາ ວັດ­ທະ­ນະ­ທຳ ເສີມ​ຂະ­ຫຍາຍ​ຮີດ­ຄອງ​ປະ­ເພ­ນີ​ຂອງ​ຊາດ ໂດຍ​ສະ­ເພາະ ແຂວງ​ບໍ​ລິ​ຄຳ​ໄຊ ໃຫ້​ຍືນ​ຍົງ​ຊົ່ວ​ລູກ​ຫຼານ ທັງ​ເປັນ​ການ​ຮັດ​ແໜ້ນ​ຄວາມ​ສາ­ມັກ­ຄີ​ຂອງ​ປະ­ຊາ­ຊົນ​ບັນ­ດາ­ເຜົ່າ ສ້າງ​ຄວາມ​ເບີກ­ບານ​ມ່ວນ­ຊື່ນ ໄມ­ຕີ​ຈິດ-ມິດ­ຕະ­ພາບ ແລກ­ປ່ຽນ​ບົດ­ຮຽນ​ປະ­ສົບ​ການ​ວຽກ​ງານ​ກີ­ລາ​ຊ່ວງ​ເຮືອ​ເຊິ່ງ​ກັນ ແລະ ກັນ ລະ­ຫວ່າງ ລາວ-ຫວຽດ­ນາມ-ໄທ ໃນ​ນີ້​ມີ​ເຮືອ​ເຂົ້າ​ຮ່ວມ 36 ລຳ ແບ່ງ​ເປັນ 3 ປະ­ເພດ​ຄື: 50-55 ສີ­ພາຍ 6 ລຳ ປະ­ເພດ​ຊາຍ 18-22 ສີ­ພາຍ ສາຍ​ນອກ 11 ລຳ ສາຍ​ໃນ 11 ລຳ ປະ­ເພດ​ຍິງ 18-22 ສີ­ພາຍ 8 ລຳ ພິ­ເສດ​ຄູ່​ເປີດ​ໜ້າ­ນ້ຳ​ປີ​ນີ້​ແມ່ນ​ເຮືອ​ຍາວ 50-55 ສີ­ພາຍ ຈາກ​ແຂວງ​ບໍ​ລິ​ຄຳ​ໄຊ ແຂວງ​ຮ່າ​ຕິ່ງ ແລະ ແຂວງ​ບຶງ​ການ ໃນ​ນີ້​ຊະ­ນະ​ເລີດ​ແມ່ນ​ເຮືອ​ຈາກ​ແຂວງ​ຮ່າ​ຕິ່ງ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 2 ລ້ານ​ກີບ ທີ 2 ແຂວງ​ບຶງ​ການ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 1,5 ລ້ານ​ກີບ ທີ 3 ແຂວງ​ບໍ​ລິ​ຄຳ​ໄຊ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 1 ລ້ານ​ກີບ.

    ສ່ວນ​ຜົນ​ການ​ແຂ່ງ­ຂັນ​ເຮືອ​ປະ­ເພດ 50-55 ສີ­ພາຍ ທີ 1 ເຮືອ​ໄກ​ທອງ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 12 ລ້ານ​ກີບ ທີ 2 ເທບ​ວິ­ຫານ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 9 ລ້ານ​ກີບ ທີ 3 ສິງ​ນາ­ວາ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 7 ລ້ານ​ກີບ ປະ­ເພດ​ຊາຍ 18-22 ສີ­ພາຍ ສາຍ​ນອກ ທີ 1 ເຮືອ​ໄກ​ທອງ1 ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 10 ລ້ານ​ກີບ ທີ 2 ມັງ­ກອນ​ທອງ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 7 ລ້ານ​ກີບ ທີ 3 ໄກ​ທອງ 2 ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 5 ລ້ານ​ກີບ ສ່ວນ​ສາຍ​ໃນ ທີ 1 ເຮືອ​ກຸ­ຫຼາບ​ແດງ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 8 ລ້ານ​ກີບ ທີ 2 ເຈົ້າ​ພໍ່​ດົ່ງ 4 ບາດ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 5 ລ້ານ​ກີບ ທີ 3 ຕາດ​ໄຮ​ໃຈ​ເພັດ ໄດ້​ຂັນ 1 ໜ່ວຍ ແລະ ເງິນ​ລາ­ງວັນ 3 ລ້ານ​ກີບ ປະ­ເພດ​ຍິງ 18-22 ສີ­ພາຍ ທີ 1 ເຮືອ​ສິງ​ດຳ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 10 ລ້ານ​ກີບ ທີ 2 ເຈົ້າ​ພໍ່​ໃຈ​ເພັດ ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 7 ລ້ານ​ກີບ ທີ 3 ດົງ​ພະ­ຍາ​ໄຟ ໄດ້​ຮັບ​ຂັນ 1 ໜ່ວຍ​ແລະ ເງິນ​ລາ­ງວັນ 5 ລ້ານ​ກີບ.

ຂ່າວທີ່ກ່ຽວຂ້ອງ