ຂ່າວຫຼ້າສຸດ

ມາກ ມາຣເກັສ ຄອງແຊັມໂລກ ລົດຈັກທາງລຽບ Moto GP 2018

342 25 ຕ.ລ. 2018 ວົງຈອນກີລາ

    ມາກ ມາ​ຣ​ເກັສ (Marc Marquez) ນັກ​ຂັບ​ລົດ­ຈັກ​ທາງ​ລຽບ​ຊີງ​ແຊັມ​ໂລກ ລາຍ­ການ Moto GP ບິດ​ລົດ​ຄູ່​ໃຈ​ເຂົ້າ​ເສັ້ນ​ໄຊ​ເປັນ​ຄົນ​ທຳ​ອິດ ລາຍ­ການ Japanese Motorcycle Grand Prix 2018 ຢູ່​ສະ­ໜາມ Twin Ring Motegi ເມືອງ Motegi ປະ­ເທດ​ຍີ່­ປຸ່ນ ໃນ​ວັນ​ທີ 21 ຕຸ­ລາ 2018 ຄວ້າ​ແຊັມ​ໂລກ​ປີ​ນີ້​ມາ​ຄອງ​ເປັນ​ທີ່​ຮຽບ​ຮ້ອຍ ເຖິງ​ວ່າ​ເຫຼືອ​ການ​ແຂ່ງ­ຂັນ​ອີກ 3 ລາຍ­ການ.

    Marc Marquez ອາ­ຍຸ 25 ປີ ຈາກ​ປະ­ເທດ​ແອັສ​ປາຍ ຈາກ​ທີມ​ຮອນ​ດ້າ ຄວ້າ​ແຊັມ 3 ສະ­ໜາມ​ຕິດ­ຕໍ່​ກັນ​ເປັນ​ຄັ້ງ​ທີ 2 ໃນ​ລະ­ດູ​ການ​ນີ້ ແລະ ເປັນ​ແຊັມ​ສະ­ໜາມ​ທີ 8 ໃນ​ປີ​ນີ້ 24 ຮອບ (ຮອບ​ໜຶ່ງ ເວ­ລາ 42 ນາ­ທີ 36.438 ວິ­ນາ­ທີ) ເອົາ​ຊະ­ນະ​ອັນ​ດັບ 2 Cal Crutchlow ນັກ​ຂັບ​ປະ­ເທດ​ສະ­ຫະ​ຣາ​ຊະ​ອາ­ນາ­ຈັກ ເພື່ອນ​ຮ່ວມ​ທີມ​ພຽງ +1.573 ວິ­ນາ­ທີ ເກັບ 25 ຄະ­ແນນ ເພີ່ມ​ເປັນ 296 ຄະ­ແນນ ໜີ​ຫ່າງ​ອັນ​ດັບ 2 ເຖິງ 102 ຄະ­ແນນ ເຮັດ​ໃຫ້ Marc Marquez ຄວ້າ​ແຊັມ​ໂລກ 3 ສະ­ໄໝ​ຊ້ອນ ແລະ ເປັນ​ສະ­ໄໝ​ທີ 5 ທຽບ​ເທົ່າ Mick Doohan ນັກ​ຂັບ​ປະ­ເທດ​ອົດ​ສະ​ຕຣາ​ລີ ຈາກ​ຄ້າຍ​ດຽວ​ກັນ.

    ສຳ­ລັບ​ສະ­ໜາມ​ຕໍ່​ໄປ ເປັນ​ສະ­ໜາມ​ທີ 17 ລາຍ­ການ Australian Motorcycle Grand Prix 2018 ຈະ​ແຂ່ງ­ຂັນ​ວັນ​ທີ 28 ຕຸ­ລາ 2018 ຢູ່​ສະ­ໜາມ Phillip Island Grand Prix Circuit ປະ­ເທດ​ອົດ​ສະ​ຕຣາ​ລີ.

ຂ່າວທີ່ກ່ຽວຂ້ອງ