ຂ່າວຫຼ້າສຸດ

ການແຂ່ງຂັນມວຍລາວ ວັນອອກພັນສາ 2018 ຈະຈັດຂຶ້ນມື້ນີ້

363 23 ຕ.ລ. 2018 ວົງຈອນກີລາ
ການແຂ່ງຂັນມວຍລາວ ວັນອອກພັນສາ 2018 ຈະຈັດຂຶ້ນມື້ນີ້

    ອີງ​ຕາມ​ຂໍ້​ມູນ​ຈາກ​ຝ່າຍ​ຈັດ­ການ​ແຂ່ງ­ຂັນ​ມວຍ​ລາວ ໃນ​ງານ​ບຸນ​ອອກ​ພັນ​ສາ​ປະ​ວໍ­ລະ­ນາ ແລະ ຊ່ວງ​ເຮືອ​ປະ­ເພ­ນີ ປະ­ຈຳ​ປີ 2018 ຢູ່​ທ່າ​ວັດ​ຈັນ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ໃຫ້​ຮູ້­ເມື່ອ​ບໍ່​ດົນ​ມາ​ນີ້​ວ່າ: ການ​ແຂ່ງ­ຂັນ​ມວຍ​ລາວ​ໃນ​ງານ​ດັ່ງ­ກ່າວ ຈະ​ຈັດ​ຂຶ້ນ​ວັນ​ທີ 23 ຕຸ­ລາ 2018 ແຕ່​ເວ­ລາ 18:30 ໂມງ ເປັນ­ຕົ້ນ​ໄປ ຢູ່​ເວ­ທີ​ມວຍ​ຊົ່ວ­ຄາວ​ຜາມ­ໄຊ​ໜ້າ​ວັດ​ຈັນ ໂດຍ​ຈະ​ມີ​ນັກ​ມວຍ​ຂຶ້ນ​ສົກ 7 ຄູ່.

    ສຳ­ລັບ​ຄູ່​ທີ 1 ແມ່ນ ເສືອ​ໃຕ້ ເພັດ​ນະ­ຄອນ ພົບ ສຸ​ໄກ ສໍ​ສຸກ​ຂະ​ພອນ ຮຸ່ນ​ນ້ຳ­ໜັກ 47,5 ກິ​ໂລ ຄູ່​ທີ 2 ກິມ​ມີ້ ເພັດ​ນະ­ຄອນ ພົບ ເຂົ້າ​ຫອມ ລູກ­ບ້ານ​ໂດນ ຮຸ່ນ​ນ້ຳ­ໜັກ 47 ກິ​ໂລ ຄູ່​ທີ 3 ຂຸນ​ເດດ ສະ­ໂມ­ສອນ​ຄຳ​ເສັງ ພົບ ເກົາ​ແສນ ຂວັນ​ໃຈ​ສີ​ໂຄດ ຮຸ່ນ​ນ້ຳ­ໜັກ 51 ກິ​ໂລ ຄູ່​ທີ 4 ສີ​ອຸ່ຍ ຂຸນ​ວັງ​ຫຼວງ ພົບ ແສງ​ທຽນ​ນ້ອຍ ສໍ​ສຸ​ຂະ​ພອນ ຮຸ່ນ​ນ້ຳ­ໜັກ 51 ກິ​ໂລ ຄູ່​ທີ 5 (ຄູ່​ເອກ) ຂຸນ​ໃຕ້ ຈຳ­ປາ​ສັກ ພົບ ແສງ​ໄຊ​ນ້ອຍ ສໍ​ສຸກ​ຂະ​ພອນ ຮຸ່ນ​ນ້ຳ­ໜັກ 60 ກິ​ໂລກ ຄູ່​ທີ 6 ເພັດ​ເຮືອງ​ແສງ ຂວັນ​ໃຈ​ສີ​ໂຄດ ພົບ ສະ​ຕາ​ບອຍ ລູກ­ບ້ານ​ໂດນ ຮຸ່ນ​ນ້ຳ­ໜັກ 54 ກິ​ໂລ ແລະ ຄູ່​ທີ 7 ລົດ​ດ່ວນ ຂວັນ​ໃຈ​ສີ​ໂຄດ ພົບ​ກັບ ຫວັງ​ຈັນ ໄອ​ໂອ​ດິນ ຮຸ່ນ​ນ້ຳ­ໜັກ 56 ກິ​ໂລ.

    ການ​ແຂ່ງ­ຂັນ​ມວຍ​ຄັ້ງ​ນີ້ ໄດ້​ຮັບ​ການ​ອຸ­ປະ­ຖຳ​ການ​ແຂ່ງ­ຂັນ​ໂດຍ​ສະ­ຫະ­ພັນ​ກີ­ລາ​ມວຍ​ລາວ ນະ­ຄອນ­ຫຼວງ​ວຽງ​ຈັນ ບໍ­ລິ­ສັດ ຄຳ​ເສັງ ຈຳ­ກັດ ແລະ ເວີດ ສະ­ປອດ.

ຂ່າວທີ່ກ່ຽວຂ້ອງ