ຂ່າວຫຼ້າສຸດ

ສ້າງຄວາມເຂົ້າໃຈໃນການປຸງແຕ່ງຊີ້ນ ແລະ ມາດຕະຖານຂອງຜະລິດຕະພັນ

190 22 ຕ.ລ. 2018 ຂ່າວໜ້າ​ໜຶ່ງ
ສ້າງຄວາມເຂົ້າໃຈໃນການປຸງແຕ່ງຊີ້ນ ແລະ ມາດຕະຖານຂອງຜະລິດຕະພັນ

    ກອງ​ປະ­ຊຸມ​ສຳ​ມະ​ນາ​ໃນ​ຫົວ­ຂໍ້ ໂຄງ­ການ​ປຸງ​ແຕ່ງ​ຜະ­ລິດ​ຕະ​ພັນ​ຈາກ​ຊີ້ນ ຈັດ​ຂຶ້ນ​ວັນ​ທີ 19 ຕຸ­ລາ 2018 ທີ່​ຫ້ອງ​ວ່າ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ເປັນ​ປະ­ທານ​ຂອງ​ທ່ານ ເບີ​ລິນ ເພັດ​ຈັນ­ທະ​ຣາດ ຫົວ­ໜ້າ​ພະ​ແນກ​ອຸດ­ສາ­ຫະ­ກຳ ແລະ ການ​ຄ້າ​ນະ­ຄອນ­ຫຼວງ​ວຽງ​ຈັນ ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ ພັນ​ທອງ ພິດ​ທຸມ­ມາ ຮອງ​ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ຜູ້​ປະ­ກອບ​ການ ແລະ ຂະ­ແໜງ­ການ​ກ່ຽວ­ຂ້ອງ.

    ທ່ານ ເບີ​ລິນ ເພັດ​ຈັນ­ທະ​ຣາດ ກ່າວ​ວ່າ: ເພື່ອ​ເຜີຍ­ແຜ່ ແລະ ສ້າງ​ຄວາມ​ເຂົ້າ­ໃຈ​ໃນ​ການ­ຈັດ­ຕັ້ງ​ຜັນ​ຂະ­ຫຍາຍ ໂຄງ­ການ​ປຸງ​ແຕ່ງ​ຜະ­ລິດ​ຕະ​ພັນ​ຈາກ​ຊີ້ນ ເຮັດ​ໃຫ້​ເກີດ​ມີ​ສິນ­ຄ້າ​ທີ່​ໄດ້​ມາດ­ຕະ­ຖານ ກ້າວ​ໄປ​ເຖິງ​ການ​ມີ​ຫຍີ່​ຫໍ້​ສິນ­ຄ້າ ຮັບ­ປະ­ກັນ​ໃຫ້​ມີ​ໂຄງ­ການ​ຜະ­ລິດ ໃຫ້​ໄດ້​ຮັບ​ການ­ຈັດ­ຕັ້ງ​ປະ­ຕິ­ບັດ​ຍົກ​ລະ­ດັບ​ຄວາມ​ຮູ້​ທາງ​ດ້ານ​ເຕັກ­ນິກ​ວິ­ຊາ​ການ ສືບ­ຕໍ່​ປຸກ­ລະ­ດົມ​ຊຸກ­ຍູ້​ບັນ­ດາ​ໂຮງ­ງານ​ຂ້າ​ສັດ ແລະ ປຸງ​ແຕ່ງ​ຊີ້ນ​ໃຫ້​ໄດ້​ມາດ­ຕະ­ຖານ ແລະ ສາ­ມາດ​ສົ່ງ​ອອກ​ໄປ​ຕ່າງ­ປະ­ເທດ ປັບ­ປຸງ​ໂຮງ­ງານ​ເປົ້າ​ໝາຍ ຄັດ​ເລືອກ​ເປັນ​ໂຮງ­ງານ​ຕົວ​ແບບ​ໃນ ນວ.

    ນອກ­ຈາກ​ນີ້ ກໍ່​ໄດ້​ຮັບ​ຟັງ​ການ​ນຳ​ສະ­ເໜີ​ມາດ­ຕະ­ຖານ​ຂອງ​ໂຮງ­ງານ​ຂ້າ​ສັດ ການ­ເຄື່ອນ­ໄຫວ​ການ​ດຳ­ເນີນ​ທຸ­ລະ​ກິດ ບົດ­ຮຽນ​ດ້ານ​ເຕັກ­ນິກ​ການ​ປຸງ​ແຕ່ງ​ຊີ້ນ ແລະ ມາດ­ຕະ­ຖານ​ຂອງ​ຜະ­ລິດ​ຕະ​ພັນ ໂອ­ກາດ​ດັ່ງ­ກ່າວ ກໍ່​ໄດ້​ຮັບ​ຟັງ​ການ​ໂອ້​ລົມ​ຈາກ​ທ່ານ​ເຈົ້າ​ຄອງ ເຊິ່ງ​ທ່ານ​ໄດ້​ເນັ້ນ​ບັນ­ດາ​ຜູ້​ປະ­ກອບ​ການ ເອົາ­ໃຈ­ໃສ່​ປັບ­ປຸງ​ໂຮງ­ງານ​ໃຫ້​ໄດ້​ມາດ­ຕະ­ຖານ ເປັນ­ຕົ້ນ​ແມ່ນ​ຄວາມ​ສະ­ອາດ​ປອດ​ໄພ.

ຂ່າວທີ່ກ່ຽວຂ້ອງ