ຂ່າວຫຼ້າສຸດ

ຫຼາຍແຫ່ງຫວນຄືນມູນເຊື້ອ ວັນປະກາດເອກະລາດ

147 22 ຕ.ລ. 2018 ຂ່າວໜ້າ​ໜຶ່ງ

    ໂຮງ­ຮຽນ​ການ­ເມືອງ ແລະ ການ​ປົກ­ຄອງ ນະ­ຄອນ­ຫຼວງ​ວຽງ​ຈັນ (ນວ) ຈັດ​ປາ­ຖະ­ກະ­ຖາ​ວັນ​ປະ­ກາດ​ເອ­ກະ­ລາດ 12 ຕຸ­ລາ ຄົບ­ຮອບ 73 ປີ​ຂຶ້ນ​ວັນ​ທີ 18 ຕຸ­ລາ 2018 ທີ່​ໂຮງ­ຮຽນ​ດັ່ງ­ກ່າວ ໃຫ້​ກຽດ​ເຜີຍ­ແຜ່​ຂອງ​ທ່ານ ອຸ­ດອນ ໄຊ​ມຸນ­ຕີ ຮອງ​ປະ­ທານ​ສະ­ພາ​ປະ­ຊາ­ຊົນ ນວ ອຳ­ນວຍ​ການ​ໂຮງ­ຮຽນ​ທິດ​ສະ​ດີ​ການ­ເມືອງ ແລະ ການ​ປົກ­ຄອງ ນວ ມີ​ພະ­ນັກ­ງານ​ຄູ-ອາ­ຈານ ນັກ​ສຶກ​ສາ ແລະ  ສະ­ພາ​ປະ­ຊາ­ຊົນ ນວ ເຂົ້າ​ຮ່ວມ 180 ກວ່າ​ຄົນ.

    ໂອ­ກາດ​ນີ້ ທ່ານ ອຸ­ດອນ ໄຊ​ມຸນ­ຕີ ໄດ້​ຍົກ​ໃຫ້​ເຫັນ​ບັນ­ດາ​ເຫດ­ການ​ສຳ­ຄັນ​ຢູ່​ພາຍ​ນອກ ແລະ ພາຍ​ໃນ ທີ່​ສ້າງ​ເງື່ອນ­ໄຂ​ໃຫ້​ແກ່​ການ​ປະ­ກາດ​ເອ­ກະ­ລາດ 12 ຕຸ­ລາ 1945 ແລະ ສືບ­ຕໍ່​ຂະ­ຫຍາຍ​ມູນ­ເຊື້ອ 12 ຕຸ­ລາ ດ້ວຍ​ການ​ເພີ່ມ​ທະ­ວີ​ນ້ຳ­ໃຈ​ຮັກ​ຊາດ ແລະ ພັດ­ທະ­ນາ ພ້ອມ​ທັງ​ໄດ້​ຫວນ​ຄືນ​ມູນ­ເຊື້ອ​ຂອງ​ພັກ​ໃຫ້​ພະ­ນັກ­ງານ-ລັດ­ຖະ­ກອນ ເຫັນ​ໄດ້​ມູນ­ເຊື້ອ​ອັນ​ພິ­ລະ​ອາດ​ຫານ ຄວາມ​ເສຍ­ສະ­ຫຼະ ແລະ ຄວາມ​ດຸ­ໝັ່ນ​ຂອງ​ປະ­ຊາ­ຊົນ​ບັນ­ດາ­ເຜົ່າ ໃນ​ການ​ຕໍ່­ສູ້​ກູ້​ຊາດ ໃນ​ພາ­ລະ­ກິດ​ສ້າງ­ສາ ແລະ ພັດ­ທະ­ນາ​ປະ­ເທດ​ຊາດ ພາຍ​ໃຕ້​ການ​ນຳ­ພາ​ອັນ​ສະ­ຫຼາດ​ສ່ອງ​ໃສ​ຂອງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ຕະ­ຫຼອດ​ໄລ­ຍະ​ຜ່ານ​ມາ ທັງ​ນີ້​ໃຫ້​ຜູ້​ເຂົ້າ​ຮ່ວມ​ຮ່ຳ­ຮຽນ​ເອົາ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ ແລະ ແບບ­ແຜນ​ດຳ­ລົງ​ຊີ­ວິດ​ອັນ​ປອດ​ໃສ ມາ​ເປັນ​ແບບ­ຢ່າງ​ນຳ­ໄປ ປະ­ຕິ­ບັດ​ເຂົ້າ​ໃນ​ການ​ດຳ­ລົງ​ຊີ­ວິດ ແລະ ການ​ປະ­ຕິ­ບັດ​ໜ້າ­ທີ່​ວຽກ​ງານ​ຂອງ​ພະ­ນັກ­ງານ-ລັດ­ຖະ­ກອນ.

     ພ້ອມ​ນີ້​ໃນ​ວັນ​ດຽວ​ກັນ​ນີ້​ເມືອງ​ເມືອງ​ຫາດ​ຊາຍ​ຟອງ ກໍ່​ໄດ້​ພິ­ທີ​ຫວນ​ຄືນ​ມູນ­ເຊື້ອ​ວັນ​ປະ­ກາດ​ເອ­ກະ­ລາດ 12 ຕຸ­ລາ ຄົບ­ຮອບ 73 ປີ ປາ­ຖະ­ກະ­ຖາ​ໂດຍ​ທ່ານ ວົງ​ເດືອນ ບຸນ​ຍະ​ແສງ ເຈົ້າ­ເມືອງ​ຫາດ​ຊາ​ຟອງ ມີ​ຫົວ­ໜ້າ​ຫ້ອງ­ການ ພະ­ນັກ­ງານ ທະ­ຫານ ຕຳ­ຫຼວດ ແລະ ຊາວ​ໜຸ່ມ​ນັກ­ຮຽນ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ