ຂ່າວຫຼ້າສຸດ

ຊາວກະສິກອນໜອງດາ ໄດ້ຮັບການຊ່ວຍເຫຼືອແນວພັນພືດ

110 22 ຕ.ລ. 2018 ຂ່າວໜ້າ​ໜຶ່ງ
ຊາວກະສິກອນໜອງດາ ໄດ້ຮັບການຊ່ວຍເຫຼືອແນວພັນພືດ

    ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ (ນວ) ຈັດ​ພິ­ທີ​ມອບ​ການ​ຊ່ວຍ­ເຫຼືອ​ລ້າ ປັດ​ໄຈ​ການ​ຜະ­ລິດ​ໃຫ້​ກຸ່ມ​ກະ­ສິ­ກຳ​ອິນ​ຊີ​ບ້ານ​ໜອງ​ດາ ເມືອງ​ສີ​ໂຄດ​ຕະ­ບອງ ຂຶ້ນ​ວັນ​ທີ 18 ຕຸ­ລາ 2018 ທີ່​ຫ້ອງ­ການ​ບ້ານ​ໜອງ​ດາ ກ່າວ​ມອບ​ໂດຍ​ທ່ານ ຫຼ້າ​ສາຍ ນວນ​ທາ​ສິງ ຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ແລະ ກ່າວ​ຮັບ​ໂດຍ​ທ່ານ​ນາງ ພູ​ວຽງ ແກ້ວ​ວົງ​ວິ­ຈິດ ເຈົ້າ­ເມືອງ​ສີ​ໂຄດ​ຕະ­ບອງ ມີ​ຕາງ­ໜ້າ​ຫ້ອງ­ການ​ກະ­ສິ­ກຳ ແລະ ປ່າ­ໄມ້​ເມືອງ ອຳ­ນາດ​ການ​ປົກ­ຄອງ​ບ້ານ ແລະ ຊາວ​ກະ­ສິ­ກອນ​ເຂົ້າ​ຮ່ວມ.

    ເພື່ອ​ເປັນ​ການ​ຟື້ນ​ຟູ​ການ​ຜະ­ລິດ​ຫຼັງ​ນ້ຳ​ບົກ​ແຫ້ງ ຫຼື ການ​ປູກ​ພືດ​ລະ­ດູ­ແລ້ງ ກໍ່​ຄື​ເພື່ອ​ຊ່ວຍ­ເຫຼືອ​ໃຫ້​ຜູ້​ຜະ­ລິດ​ຕົວ​ຈິງ ສາ­ມາດ​ທຳ​ການ​ຜະ­ລິດ​ກະ­ສິ­ກຳ​ທ່ວງ​ທັນ​ກັບ​ສະ­ພາບ​ລະ­ດູ​ການ ພະ​ແນກ​ກະ­ສິ­ກຳ ແລະ ປ່າ­ໄມ້​ຈຶ່ງ​ໄດ້​ນຳ​ເອົາ​ແນວ​ພັນ​ພືດ ຝຸ່ນ​ຂີ້​ສັດ ຜ້າ​ຢາງ​ມຸງ​ເຮືອນ​ຮົ່ມ ຕາ​ໜ່າງ​ກັນ­ແສງ​ແດດ ກາກ​ນ້ຳ­ຕານ ແລະ ນ້ຳ​ອີ​ເອັມ ລວມ​ມູນ​ຄ່າ 9 ລ້ານ​ກີບ ເຊິ່ງ​ເຄື່ອງ​ຊ່ວຍ­ເຫຼືອ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ອົງ­ການ​ໄຈ​ກາ (JICA) ເພື່ອ​ນຳ­ໄປ​ມອບ​ຕໍ່­ໃຫ້​ຄອບ­ຄົວ​ຜູ້​ຜະ­ລິດ​ກະ­ສິ­ກຳ​ອິນ​ຊີ ທີ່​ໄດ້​ຮັບ​ຜົນ​ກະ­ທົບ​ນ້ຳ​ຖ້ວມ 9 ຄອບ­ຄົວ ໃນ​ເນື້ອ­ທີ່ 3,20 ເຮັກ­ຕາ.

ຂ່າວທີ່ກ່ຽວຂ້ອງ