ຂ່າວຫຼ້າສຸດ

ສິງກະໂປ ມອບທຶນການສຶກສາອາຊຽນໃຫ້ນັກຮຽນລາວ

121 22 ຕ.ລ. 2018 ຂ່າວໜ້າ​ໜຶ່ງ
ສິງກະໂປ ມອບທຶນການສຶກສາອາຊຽນໃຫ້ນັກຮຽນລາວ

    ວັນ​ທີ 18 ຕຸ­ລາ 2018 ທ່ານ ດໍ​ເມີ​ນິກ ໂກ ເອກ​ອັກ​ຄະ​ລັດ​ຖະ​ທູດ​ສິງ­ກະ­ໂປ​ປະ­ຈຳ​ລາວ ຈັດ​ພິ­ທີ​ມອບ​ທຶນ​ການ​ສຶກ​ສາ​ອາ​ຊຽນ​ໃຫ້​ນາງ ກຸນ​ລະ­ສະ​ຕີ ວົງ​ມະ­ນີ ທີ່​ສະ­ຖານ­ທູດ​ສິງ­ກະ­ໂປ​ປະ­ຈຳ​ລາວ ມີ​ແຂກ​ຖືກ​ເຊີນ​ຈາກ​ພາກ­ສ່ວນ​ກ່ຽວ­ຂ້ອງ ແລະ ຜູ້​ປົກ­ຄອງ​ເຂົ້າ​ຮ່ວມ.

    ໂອ­ກາດ​ນີ້ ທ່ານ​ທູດ​ໄດ້​ສະ­ແດງ​ຄວາມ​ຊົມ­ເຊີຍ​ຕໍ່​ນາງ ກຸນ​ລະ­ສະ​ຕີ ວົງ​ມະ­ນີ ທີ່​ປະ­ສົບ​ຜົນ­ສຳ­ເລັດ​ຜ່ານ​ການ​ສອບ­ເສັງ​ຄັດ​ເລືອກ ແລະ ສຳ­ພາດ​ຢ່າງ​ສົມ­ບູນ ເຮັດ​ໃຫ້​ຜູ້­ກ່ຽວ​ໄດ້​ຮັບ​ທຶນ​ການ​ສຶກ​ສາ​ໄປ​ສຶກ​ສາ​ຢູ່​ປະ­ເທດ​ສິງ­ກະ­ໂປ ພ້ອມ​ທັງ​ໄດ້​ອວຍ­ພອນ​ໃຫ້​ຈົ່ງ​ຕັ້ງ­ໃຈ​ໃນ​ການ​ສຶກ​ສາ​ຮ່ຳ­ຮຽນ ແລະ ດຳ­ລົງ​ຊີ­ວິດ​ຢູ່​ປະ­ເທດ​ສິງ­ກະ­ໂປ.

    ທຶນ​ການ​ສຶກ​ສາ​ອາ​ຊຽນ​ຂອງ​ລັດ­ຖະ­ບານ​ສິງ­ກະ­ໂປ ມີ​ເປົ້າ​ໝາຍ​ອັນ​ຍາວ​ນານ ເພື່ອ​ຊ່ວຍ­ເຫຼືອ​ບັນ­ດາ​ປະ­ເທດ​ເພື່ອນ​ມິດ​ອາ​ຊຽນ ໃນ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ສະ­ໜອງ​ໃຫ້​ນັກ­ຮຽນ​ບັນ­ດາ​ປະ­ເທດ​ອາ​ຊຽນ​ຜູ້​ທີ່​ຮຽນ​ດີ​ຮຽນ​ເກ່ງ ເພື່ອ​ໄປ​ສຶກ​ສາ​ຕໍ່​ໃນ​ລະ­ດັບ​ຊັ້ນ​ມັດ­ທະ­ຍົມ​ຕອນ​ປາຍ​ທີ່​ປະ­ເທດ​ສິງ­ກະ­ໂປ ສຳ­ລັບ​ລາວ​ທຶນ​ດັ່ງ­ກ່າວ ເລີ່ມ​ຈັດ​ຕັ້ງ​ປະ­ຕິ­ບັດ​ມາ​ແຕ່​ປີ 2001-2020 ມາ​ຮອດ​ປັດ­ຈຸ­ບັນ ມີ​ນັກ​ສຶກ​ສາ​ລາວ ຈຳ­ນວນ 29 ຄົນ ທີ່​ໄດ້​ຮັບ​ທຶນ​ການ​ສຶກ​ສາ​ດັ່ງ­ກ່າວ.

ຂ່າວທີ່ກ່ຽວຂ້ອງ