ທີມຊາດລາວ ອຸ່ນເຄື່ອງ ຖືກ ມົງໂກລີ ບຸກມາຊະນະ 4-1

392 18 ຕ.ລ. 2018 ວົງຈອນກີລາ
ທີມຊາດລາວ ອຸ່ນເຄື່ອງ ຖືກ ມົງໂກລີ ບຸກມາຊະນະ 4-1

    ທີມ​ຊາດ​ລາວ ຊຸດ​ໃຫຍ່ ທີ່​ຫາ­ກໍ່​ໄດ້​ຄູ​ເຝິກ​ຄົນ​ໃໝ່ ທ່ານ ວາ​ຣາ​ດາ​ຣາ​ຈູ ຊູນ​ດຣາມ​ມູ​ທີ ຊາວ ສິງ­ກະ­ໂປ ລົງ​ແຂ່ງ­ຂັນ​ໃນ​ນັດ​ອຸ່ນ​ເຄື່ອງ​ລາຍ­ການ FIFA DAY ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ການ​ແຂ່ງ­ຂັນ​ບານ­ເຕະ​ຊີງ​ແຊັມ​ອາ​ຊຽນ ຫຼື ເອ​ເອ​ຟ​ເອ​ຟ ຊູ​ຊຸ​ກິ ຄລັບ (AFF Suzuki Cup 2018) ຖືກ​ທີມ​ຊາດ​ມົງ​ໂກ​ລີ ບຸກ​ມາ​ຊະ­ນະ​ເຖິງ​ຖິ່ນ 4-1 ໃນ​ວັນ​ທີ 16 ຕຸ­ລາ 2018 ຜ່ານ​ມາ​ຢູ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ໂດຍ​ທີມ​ຊາດ​ລາວ ໄດ້​ປະ­ຕູ​ຂຶ້ນ​ນຳ­ໄປ​ກ່ອນ​ຈາກ ບຸນ​ພະ­ຈັນ ບຸນ​ກອງ ນາ­ທີໆ 23 ແຕ່​ທີມ​ຊາດ​ມົງ​ໂກ​ລີ ມາ​ຍິງ 4 ປະ­ຕູ​ລວດ ຈາກ Munkh-Erdene ນາ­ທີໆ 25 Narmandakg Artag ນາ­ທີໆ 73 Janseric Maeatkhan ນາ­ທີໆ 77 ແລະ Maranold Nyam ນາ­ທີໆ 83.

    ສຳ­ລັບ​ການ​ແຂ່ງ­ຂັນ ໃນ​ລາຍ­ການ AFF Suzuki Cup 2018 ທີມ​ຊາດ​ລາວ ຢູ່​ຮ່ວມ​ກຸ່ມ ເອ ປະ­ກອບ​ມີ: ຫວຽດ­ນາມ ມາ​ເລ​ເຊຍ ມຽນ​ມາ ກຳ­ປູ­ເຈຍ ແລະ ລາວ ຈະ​ລົງ​ແຂ່ງ­ຂັນ​ນັດ​ທຳ​ອິດ ໃນ​ວັນ​ທີ 8 ພະ­ຈິກ 2018 ທີມ​ຊາດ​ລາວ ພົບ ທີມ​ຊາດ​ຫວຽດ­ນາມ ແຂ່ງ­ຂັນ​ຢູ່​ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 (ໂທລະ­ພາບ​ທີ​ວີ​ລາວ ຖ່າຍ​ທອດ​ສົດ) ວັນ​ທີ 12 ພະ­ຈິກ 2018 ທີມ​ຊາດ​ມາ​ເລ​ເຊຍ ພົບ ທີມ​ຊາດ​ລາວ ແຂ່ງ­ຂັນ​ຢູ່​ທີ່​ສະ­ໜາມ Bukit Jalil National ນະ­ຄອນ­ຫຼວງ​ກົວ​ລາ​ລຳ​ເປີ ວັນ​ທີ 16 ພະ­ຈິກ 2018 ທີມ​ຊາດ​ລາວ ພົບ ທີມ​ຊາດ​ມຽນ​ມາ ແຂ່ງ­ຂັນ​ຢູ່​ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 (ໂທລະ­ພາບ​ທີ​ວີ​ລາວ ຖ່າຍ​ທອດ​ສົດ) ແລະ ວັນ​ທີ 20 ພະ­ຈິກ 2018 ທີມ​ຊາດ​ກຳ­ປູ­ເຈຍ ພົບ ທີມ​ຊາດ​ລາວ ແຂ່ງ­ຂັນ​ຢູ່​ທີ່​ສະ­ໜາມ National Olympic ນະ­ຄອນ­ຫຼວງ​ພະ­ນົມ​ເປັນ.

ຂ່າວທີ່ກ່ຽວຂ້ອງ