ໂນວັກ ຄອງແຊັມເທັນນິສຊຽງໄຮ້ມາສເຕີ 4 ສະໄໝ

391 16 ຕ.ລ. 2018 ວົງຈອນກີລາ
ໂນວັກ ຄອງແຊັມເທັນນິສຊຽງໄຮ້ມາສເຕີ 4 ສະໄໝ

    ໂນ​ວັກ​ໂຢ​ໂຄ​ວິກ​ນັກ​ເທັນ​ນິ​ສ​ຊາວ​ແຊກ​ບີ້​ອາ­ຍຸ 31 ປີ ແຊັມ​ແກຣນ​ສະ​ແລມ 14 ສະ­ໄໝ ກາຍ­ເປັນ​ຄົນ​ທຳ​ອິດ ­ສາ​ມາດ​ຄວ້າ​ແຊັມ​ເທັນ​ນິ​ສ​ເອ​ທີ​ພີ​ຊຽງ​ໄຮ້​ມາ​ສ​ເຕີ 4 ສະ­ໄໝ ຫຼັງ​ຈາກ​ເອົາ​ຊະ­ນະ ບໍ​ຣ​ນ້າ​ໂຄ​ຣິກ​ນັກ​ເທັນ​ນິ​ສ​ອາ­ຍຸ 21 ປີ ຊາວ​ໂຄຣ​ອາ­ຊີ 2-0 ເຊັດ: 6-3 ແລະ 6-4 ໃນ​ວັນ​ທີ 14 ຕຸ­ລາ 2018.

    ໂນ​ວັກ​ຊະ­ນະ 18 ນັດ​ຕິດ­ຕໍ່​ກັນ ແລະ ໄດ້​ແຊັມ​ລາຍ­ການ​ນີ້ ໂດຍ​ບໍ່​ເສຍ​ເຊັດ​ຈາກ 5 ນັດ​ທີ່​ລົງ​ແຂ່ງ­ຂັນ ຮັບ​ຂັນ​ຊະ­ນະ​ເລີດ ພ້ອມ​ເງິນ​ລາ­ງວັນ 1.360.650 ໂດ​ລາ​ສະ­ຫະ­ລັດ ຫຼື ປະ­ມານ 11 ຕື້​ກີບ ແລະ ຄະ­ແນນ​ສະ​ສົມ 1.000 ຄະ­ແນນ ແຊງ​ໂຣ​ເຈີ​ເຟດ​ເດີ​ເຣີ ເປັນ​ມື 2 ຂອງ​ໂລກ ໃນ​ອາ­ທິດ​ນີ້ ໂນ​ວັກ ໄດ້​ແຊັມ ATP Shanghai Masters 4 ສະ­ໄໝ ປີ 2012 ປີ 2013 ປີ 2015 ແລະ 2018 ກາຍ­ເປັນ​ຄົນ​ທຳ​ອິດ​ໄດ້​ແຊັມ​ລະ­ດັບ​ເອ​ທີ​ພີ​ມາ​ສ​ເຕີ 1.000 ທັງ​ໝົດ 9 ລາຍ­ການ.

ຂ່າວທີ່ກ່ຽວຂ້ອງ