ສຕລ ກຽມຈັດແຂ່ງຂັນບານເຕະຊາຍ ຮຸ່ນອາຍຸບໍ່ເກີນ 18 ປີ

325 15 ຕ.ລ. 2018 ວົງຈອນກີລາ
ສຕລ ກຽມຈັດແຂ່ງຂັນບານເຕະຊາຍ ຮຸ່ນອາຍຸບໍ່ເກີນ 18 ປີ

    ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ໄດ້​ລາຍ​ງານ​ເມື່ອ​ບໍ່​ດົນ​ມາ​ນີ້​ວ່າ: ສຕລ ຈະ​ໄດ້​ເປີດ​ການ​ແຂ່ງ­ຂັນ​ບານ­ເຕະ​ຊາຍ ຮຸ່ນ​ອາ­ຍຸ​ບໍ່​ເກີນ 18 ປີ (LFF U-18 League 2018) ໃນ​ທ້າຍ​ເດືອນ​ຕຸ­ລາ 2018 ເພື່ອ​ເປັນ​ການ​ພັດ­ທະ­ນາ​ກີ­ລາ​ບານ­ເຕະ ໃຫ້​ມີ​ການ­ເຄື່ອນ­ໄຫວ​ຢ່າງ​ຕໍ່​ເນື່ອງ ແນ­ໃສ່​ຄື​ພັດ­ທະ­ນາ​ນັກ​ເຕະ​ເຍົາ­ວະ​ຊົນ​ຂອງ​ບັນ­ດາ​ສະ­ໂມ­ສອນ ໃຫ້​ກ້າວ​ສູ່​ລະ­ດັບ​ອາ­ຊີບ ກໍ່​ຄື​ສາ­ກົນ.

    ສ່ວນ​ຂໍ້​ມູນ​ທີ່​ເປັນ​ເອ­ກະ­ສານ​ຕ່າງໆ​ຂອງ​ການ​ແຂ່ງ­ຂັນ ໃຫ້​ຕົວ​ແທນ​ຂອງ​ສະ­ໂມ­ສອນ​ພົວ­ພັນ​ເອົາ​ຢູ່​ພະ​ແນກ​ຈັດ­ການ​ແຂ່ງ­ຂັນ ສຕລ ໂດຍ​ໃບ​ແຈ້ງ​ຕອບ-ຮັບ​ການ​ເຂົ້າ​ຮ່ວມ​ການ​ແຂ່ງ­ຂັນ ຕ້ອງ​ເຊັນ ແລະ ປະ​ທັບ​ກາ​ໃຫ້​ຄົບ​ຖ້ວນ ແລ້ວ​ນຳ​ສົ່ງ​ພະ​ແນກ​ຈັດ­ການ​ແຂ່ງ­ຂັນ ສຕລ ກ່ອນ​ວັນ​ທີ 19 ຕຸ­ລາ 2018 ສ່ວນ​ໃບ​ລົງ­ທະ­ບຽນ ຄະ­ນະ​ນຳ ແລະ ນັກ­ກີ­ລາ ໃຫ້​ສົ່ງ​ກ່ອນ​ວັນ​ທີ 23 ຕຸ­ລາ 2018 ເຊິ່ງ​ບັນ­ດາ​ສະ­ໂມ­ສອນ​ທີ່​ສົນ­ໃຈ​ສາ­ມາດ​ເຂົ້າ​ຮັບ​ສະ­ໝັກ ນັບ​ຕັ້ງ­ແຕ່​ມື້­ນີ້​ເປັນ­ຕົ້ນ​ໄປ ສອບ​ຖາມ​ຂໍ້​ມູນ​ໂທ ແລະ WhatsApp: 020 5835 1616 020 9718 0867.

ຂ່າວທີ່ກ່ຽວຂ້ອງ