ນາຍົກລັດຖະມົນຕີ​ຈີນ ເຄື່ອນ​ໄຫວ​ຢ້ຽມຢາມ 3 ປະເທດ

126 12 ຕ.ລ. 2018 ຂ່າວຕ່າງປະເທດ
ນາຍົກລັດຖະມົນຕີ​ຈີນ ເຄື່ອນ​ໄຫວ​ຢ້ຽມຢາມ 3 ປະເທດ

    ແຫຼ່ງ​ຂ່າວ​ຂອງ​ຈີນ​ລາຍ​ງານ​ວ່າ ໂດຍ​ຕອບ​ສະໜອງ​ຕາມ​ຄຳ​ເຊື່ອ​ເຊີນ​ຂອງ​ຜູ້ນຳ​ຕັດ​ຈີ​ກີດ​ສະຖານ ໂຮນ​ລັງ ແບນ​ຊິກ ແລະ ສະຫະພາບ​ເອີ​ຣົບ (EU) ນັ້ນ ທ່ານ ຫຼີ​ເຄີ້​ສຽງ ນາຍົກລັດຖະມົນຕີ​ຈີນ​ຈະ​ຢ້ຽມຢາມ 3 ປະເທດ​ດັ່ງກ່າວ ແຕ່​ວັນ​ທີ 11 ຫາ​ວັນ​ທີ 19 ຕຸລາ​ນີ້ ພ້ອມ​ທັງ​ຈະ​ເຂົ້າ​ຮ່ວມ​ກອງ​ປະຊຸມ​ນາຍົກລັດຖະມົນຕີ​ຂອງ​ອົງການ​ຮ່ວມ​ມື​ຊຽງ​ໄຮ ທີ່​ຈະ​ຈັດ​ຂຶ້ນ​ຢູ່​ນະຄອນຫຼວງ​ດູ​ຊັນ​ແບ ຂອງ ຕັດ​ຈີ​ກີດ​ສະຖານ ແລະ​ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ຜູ້ນຳ​ອາຊີ-ເອີ​ຣົບ ທີ່​ຈະ​ຈັດ​ຂຶ້ນ​ຢູ່​ນະຄອນຫຼວງ​ບຣຸກ​ແຊນ (ປະເທດ​ແບນ​ຊິກ).

    ວັນ​ທີ 9 ຕຸລາ​ນີ້ ກະຊວງ​ການ​ຕ່າງປະເທດ​ຈີນ ໄດ້​ຈັດ​ກອງ​ປະຊຸມ​ຖະແຫຼງ​ຂ່າວ ໂດຍ​ໄດ້​ແນະນຳ​ວຽກ​ງານ​ທີ່​ກ່ຽວຂ້ອງ ແລະ ຈຸດປະສົງ​ຕົ້ນຕໍ​ຂອງ​ການ​ຢ້ຽມຢາມ​ຄັ້ງ​ນີ້ ໂດຍ​ຊີ້​ອອກ​ວ່າ ໃນ​ການ​ຢ້ຽມຢາມ 3 ປະເທດ​ອາຊີ-ເອີ​ຣົບ ຄັ້ງ​ນີ້ ທ່ານ ຫຼີ​ເຄີ້​ສຽງ ຈະ​ຮ່ວມ​ກັບ​ບັນດາ​ຝ່າຍ​ທີ່​ກ່ຽວຂ້ອງ ໃນ​ການ​ຫາລື​ກ່ຽວ​ກັບ​ການ​ປົກ​ປັກ​ຮັກສາ​ລັດທິ​ຫຼາຍ​ຝ່າຍ ແລະ ການ​ຄ້າ​ເສລີ.

 

ຂ່າວທີ່ກ່ຽວຂ້ອງ